परभणी : येथील पाथरी रस्त्यावरील फळे, भाजीपाला मार्केटमध्ये शुक्रवारी (ता.११) काकडीची २५० क्विंटल आवक होती. काकडीला प्रतिक्विंटलला ६०० ते १२०० रुपये दर मिळाले, अशी माहिती मार्केटमधील सूत्रांनी दिली.
वेलवर्गीय भाज्यांमध्ये दोडक्याची १५ क्विंटल आवक होऊन प्रतिक्विंटलला २५०० ते ४००० रुपये दर मिळाले. कारल्याची १२ क्विंटल आवक झाली. त्यावेळी प्रतिक्विंटलला २५०० ते ३५०० रुपये दर मिळाले. दुधी भोपळ्याची २० क्विंटलला आवक होऊन प्रतिक्विंटलला १२०० ते २००० रुपये दर मिळाले. गोल भोपळ्याची (देवडागंर) ३० क्विंटल आवक झाली. त्यास प्रतिक्विंटलला १५०० त २५०० रुपये दर मिळाले.
पालेभाज्यांमध्ये पालकाची १५ क्विंटल आवक होऊन प्रतिक्विंटलला १२०० ते २००० रुपये दर मिळाले. शेपुची २५ क्विंटल आवक होऊन प्रतिक्विंटलला १५०० ते २५०० रुपये दर मिळाले. चुक्याची ६ क्विंटल आवक झाली. त्यास प्रतिक्विंटलला १५०० ते २००० रुपये दर मिळाले. मेथीच्या १५ हजार जुड्यांची आवक झाली. त्यांना प्रतिशेकडा ५०० ते ८०० रुपये दर मिळाले. कोथिंबिरीची २५० क्विंटल आवक झाली. प्रतिक्विंटलला २००० ते ४००० रुपये दर मिळाले.
शेंगवर्गीय भाज्यामध्ये गवारीची ३० क्विंटल आवक होऊन प्रतिक्विंटलला १५०० ते २५०० रुपये दर मिळाले. चवळीची ७ क्विंटल आवक असताना प्रतिक्विंटलला २००० ते ३००० रुपये दर मिळाले. शेवग्याची ५ क्विंटल आवक होऊन प्रतिक्विंटलला ४००० ते ६००० रुपये दर मिळाले. पातीच्या कांद्याची १० क्विंटल आवक झाली. प्रतिक्विंटलला १५०० ते २५०० रुपये दर मिळाले. वांग्यांची ६५ क्विंटल आवक होऊन प्रतिक्विंटलला १२०० ते २००० रुपये दर मिळाले. टोमॅटोची १८०० क्रेट आवक होऊन प्रतिक्रेटला ४०० ते ७०० रुपये रुपये दर मिळाले.
हिरव्या मिरचीची ६५ क्विंटल आवक झाली. दर प्रतिक्विंटलला १८०० ते २५०० रुपये मिळाले. ढोबळ्या मिरचीची १० क्विंटल आवक होऊन प्रतिक्विंटलला २५०० ते ३५०० रुपये दर मिळाले. फ्लॅावरची ७० क्विंटल आवक, तर दर २००० ते ३००० रुपये, कोबीची ६० क्विंटल आवक, दर ६०० ते १००० रुपये, भेंडीची २५ क्विंटल आवक, दर १००० ते १५०० रुपये प्रतिक्विंटल मिळाले.
भुईमूग शेंगांना २५०० ते ४००० रुपये
लिंबांची ३० क्विंटल आवक झाली. त्यांना प्रतिक्विंटलला १२०० ते २००० रुपये दर मिळाले. बीटरुटची ६ क्विंटल आवक झाली. त्यांना प्रतिक्विटंलला १२०० ते २००० रुपये दर मिळाले. भुईमूग शेंगांची (ओल्या) ८० क्विंटल आवाक होऊन प्रतिक्विंटलला २५०० ते ४००० रुपये दर मिळाले. मक्याची २५० क्विंटल आवक होऊन प्रतिक्विंटलला ६०० ते १२०० रुपये दर मिळाले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.