Agriculture news in marathi Cucumber rate Rs 500 to 2000 per quintal in the state | Agrowon

राज्यात काकडीला ५०० ते २००० रुपये दर

टीम अॅग्रोवन
शुक्रवार, 6 डिसेंबर 2019

अकोला येथील बाजारात गुरुवारी (ता. ५) काकडीची प्रतिक्विंटल ८०० ते १२०० रुपये दराने विक्री झाली. १० क्विंटलपर्यंत आवक झाली होती. किरकोळ बाजारात काकडी २५ ते ३० रुपये प्रतिकिलो दराने विक्री केली जात होती. 

अकोला येथील बाजारात गुरुवारी (ता. ५) काकडीची प्रतिक्विंटल ८०० ते १२०० रुपये दराने विक्री झाली. १० क्विंटलपर्यंत आवक झाली होती. किरकोळ बाजारात काकडी २५ ते ३० रुपये प्रतिकिलो दराने विक्री केली जात होती. 

सध्या थंडीचा जोर वाढू लागल्याने काकडीची मागणी कमी आहे. अशा परिस्थितीत बाजारात नाशिक भागातून काकडीची दररोज पाच ते दहा क्विंटलदरम्यान आवक सुरू आहे.  गुरुवारी कमीतकमी ८०० व जास्तीत जास्त १२०० पर्यंत दर मिळाला. गेल्या काही दिवसांत काकडीचा दर स्थिरावलेला असल्याचे व्यापारी सूत्रांनी सांगितले. थंडीचा जोर वाढल्यानंतर मागणीमध्ये आणखी उतार होण्याची शक्यताही सूत्रांकडून व्यक्त करण्यात आली.

परभणीत प्रतिक्विंटला ५०० ते १००० रुपये

परभणी येथील पाथरी रस्त्यावरील फळे -भाजीपाला मार्केटमध्ये गुरुवारी (ता. ५) काकडीची ७० क्विंटल आवक होती. काकडीला प्रतिक्विंटलला ५०० ते १००० रुपये दर मिळाले, अशी माहिती मार्केटमधील सूत्रांनी दिली.

सध्या येथील फळे-भाजीपाला मार्केटमध्ये स्थानिक परिसरातील सिंगणापूर, बोरवंड, कोक, हिंगोली जिल्ह्यांतील गुंडा परिसरातून काकडीची आवक होत आहे. गेल्या महिनाभरातील प्रत्येक गुरुवारी काकडीची २५ ते ७० क्विंटल आवक झाली. त्या वेळी प्रतिक्विंटलला सरासरी ५०० ते २५०० रुपये दर मिळाले.

गुरुवारी (ता. ५) काकडीची ७० क्विंटल आवक झाली. त्या वेळी घाऊक विक्रीचे दर प्रतिक्विंटलला ५०० ते १००० रुपये होते. किरकोळ विक्री प्रतिकिलो २० ते ४० रुपये दराने सुरू होती, असे व्यापारी प्रकाश बोराडे यांनी सांगितले.

जळगावात ८०० ते १५०० रुपये

जळगाव कृषी उत्पन्न बाजार समितीत गुरुवारी (ता. ५) काकडीची सात क्विंटल आवक झाली. दर प्रतिक्विंटल ८०० ते १५०० रुपये असा मिळाला. आवक पाचोरा, एरंडोल, जामनेर, जळगाव, यावल या भागांतून होत आहे. दर स्थिर असून, महिनाभरात किमान दर ६०० रुपायांखाली गेलेले नाहीत. जिल्ह्यात लहान आकाराच्या काकडीची अधिक आवक होत आहे, अशी माहिती मिळाली.

औरंगाबादमध्ये ६०० ते ७०० रुपये

औरंगाबाद येथील कृषी उत्पन्न बाजार समितीमध्ये काकडीच्या आवक व दरात चढउतार पाहायला मिळाला. गुरुवारी (ता. ५) काकडीची आवक ५८ क्‍विंटल, तर दर ६०० ते ७०० रुपये प्रतिक्‍विंटल राहिल्याची माहिती बाजार समितीच्या सूत्रांनी दिली. 

औरंगाबाद बाजार समितीमध्ये १९ नोव्हेंबरला  २० क्‍विंटल आवक झालेल्या काकडीला १६०० ते २२०० रुपये प्रतिक्‍विंटलचा दर मिळाला. २६ नोव्हेंबरला ३४ क्‍विंटल आवक झाली. त्या वेळी दर १००० ते ३४०० रुपये प्रतिक्‍विंटल राहिला. २७ नोव्हेंबरला ३७ क्‍विंटल आवक झालेल्या काकडीला १००० ते २००० रुपये प्रतिक्‍विंटलचा दर मिळाला. ३० नोव्हेंबर रोजी १९ क्‍विंटल आवक झाली. त्या वेळी काकडीचे दर ८०० ते १४०० रुपये प्रतिक्‍विंटल होते. 

एक डिसेंबर रोजी ३७ क्‍विंटल आवक झालेल्या काकडीला ६०० ते १२०० रुपये प्रतिक्‍विंटलचा दर मिळाला. २ डिसेंबर रोजी ३१ क्‍विंटल आवक झाली. दर ४०० ते ८०० रूपये प्रतिक्‍विंटल राहिले. ३ डिसेंबर रोजी ५२ क्‍विंटल आवक झाली. त्या वेळी १००० ते १२०० रुपये प्रतिक्‍विंटलचा दर मिळाला. ४ डिसेंबर रोजी ६३ क्‍विंटल आवक झालेल्या काकडीचे दर ५०० ते ९०० रुपये प्रतिक्‍विंटल राहिल्याची माहिती बाजार समितीच्या सूत्रांनी दिली.

पुण्यात प्रतिक्विंटल १००० ते १४०० रुपये

पुणे कृषी उत्पन्न बाजार समितीमध्ये गुरुवारी (ता. ५) काकडीची सुमारे १० टेम्पो आवक झाली. या वेळी दहा किलोला सुमारे १०० ते १४० रुपये दर मिळाला.

पुणे विभागातील पुणे, सांगली, सातारा, सोलापूर, नगर, कोल्हापूर भागातून काकडीची आवक सुरू आहे. सध्या होणारी आवक ही सरासरीपेक्षा अधिक असल्याचे ज्येष्ठ अडतदार विलास 
भुजबळ यांनी सांगितले.

गेल्या चार दिवसांतील आवक (क्विंटल) 

दिनांक आवक दर 
३७० ३००-१००० 
२९५  ५००-१४०० 
२  ६१० ७००-१४००
४१५ ७००- १६००

साताऱ्यात काकडीला प्रतिक्विंटला

१५०० ते २००० रुपयांचा दर

सातारा येथील कृषी उत्पन्न बाजार समितीत गुरूवारी (ता.५) काकडीची ३५ क्विंटल आवक झाली. तिला प्रतिक्विंटल १५०० ते २००० असा दर मिळाला. गेल्या तीन सप्ताहापासून काकडीचा १००० ते २००० या दरम्यान दर स्थिर असल्याची माहिती बाजार समितीच्या सूत्रांनी दिली. 

काकडीची कोरेगाव, जावळी, सातारा तालुक्यातून आवक होत आहे. बाजार समितीत मंगळवारी (ता. ३) काकडीची २१ क्विंटल आवक होऊन २००० ते २५०० असा दर मिळाला. हा अपवाद वगळता काकडीस प्रतिक्विटंल १००० ते २००० या दर दरम्यान मिळाला आहे. २८ नोव्हेंबरला काकडीची २८ क्विंटल आवक होऊन प्रतिक्विंटल १००० ते १५०० असा दर मिळाला आहे. काकडीची २० ते २५ रुपये किलोप्रमाणे किरकोळ विक्री केली जात आहे.

नागपुरात१००० ते १३०० रुपये

नागपूर येथील कळमणा बाजारात काकडीची जेमतेम १५० क्‍विंटलची आवक आहे. गुरुवारी (ता.५) बाजारात १४२ क्‍विंटल काकडी दाखल झाली. तिला १००० ते १३०० रुपये क्‍विंटलचा दर मिळाला. बाजारात गेल्या आठवड्यात काकडीचे दर १००० ते १४०० रुपये क्‍विंटल दरम्यान होते. या आठवड्यात हे दर काही वेळा मिळाल्याची माहिती व्यापारी सूत्रांकडून देण्यात आली. 

क्‍विंटलमागे सरासरी १०० रुपयांचा फरक असून काकडीचा दर्जा पाहून हे दर दिले जात आहेत. काकडीची आवकही जास्त प्रभावी होत नसून १२० ते १५० क्‍विंटल दरम्यान रोजची आवक आहे. किरकोळ बाजारात २५ ते ३० रुपये किलोने काकडीची विक्री होत आहे.

नाशिकमध्ये ५०० ते १२५० रुपये

 नाशिक कृषी उत्पन्न बाजार समितीत बुधवारी (ता. ४) काकडीची आवक ७५३ क्विंटल झाली. तिला प्रतिक्विंटल ५०० ते १२५० असा दर मिळाला. सर्वसाधारण दर १००० रुपये राहिला, अशी माहिती बाजार समितीच्या सूत्रांनी दिली. 

मंगळवारी (ता. ३) काकडीची आवक ७५० क्विंटल होती. तिला प्रतिक्विंटल ८०० ते १७५० असा दर मिळाला. सर्वसाधारण दर १३५० राहिला. सोमवारी (ता. २) आवक ७४२ क्विंटल, तर दर  ७५० ते १७५० असा दर मिळाला. सर्वसाधारण दर १३२५ राहिला. शनिवारी (ता. ३०) आवक ७२० क्विंटल झाली. त्या वेळी प्रतिक्विंटल ६५० ते २००० असा दर मिळाला. सर्वसाधारण दर १२५० राहिला. 
शुक्रवारी (ता. २९) काकडीची आवक १०७८ क्विंटल होती. तिला प्रतिक्विंटल ६०० ते १७५० असा दर मिळाला. सर्वसाधारण दर १२५० राहिला. बाजार समितीत सप्ताहाच्या सुरुवातीला आवक व दर चांगला राहिला. मात्र सप्ताहाच्या अखेरीस आवक व दर कमी झाल्याचे पाहायला मिळाले.

कोल्हापुरात प्रतिक्विंटल ५०० ते २००० रुपये

कोल्हापूर येथील बाजार समितीत काकडीस दहा किलोस ५० ते २०० रुपये दर मिळत आहे. बाजार समितीत दररोज ५०० ते ६०० करड्या आवक होत आहे. 

जिल्ह्यातील पश्चिम भागात काकडीचे उत्पादन होते. ऑक्टोबर मध्ये झालेल्या पावसामुळे अनेक ठिकाणी काकडीचे नुकसान झाले. यामुळे मध्यंतरी काकडीची आवक कमी झाली होती. आता ती नियमित होत आहे. लग्नसराईमुळे येत्या काही दिवसांत काकडीची मागणी वाढण्याची शक्यता भाजीपाला विभागाच्या सूत्रांनी व्यक्त केली.

ताज्या बाजार भावासाठी क्लिक करा


इतर बाजारभाव बातम्या
खानदेशात कांदा आवक स्थिर; दरात चढउतारजळगाव  ः खानदेशातील प्रमुख बाजार...
हापूस आंब्याची पहिली पेटी कोल्हापूरला...सिंधुदुर्ग ः जिल्ह्यातील कुंभारमाठ (ता. मालवण)...
नाशिकमध्ये ढोबळी मिरची २५०० ते ४६२५...नाशिक : येथील कृषी उत्पन्न बाजार समितीमध्ये...
जळगावात बटाटा ८०० ते १८०० रुपये...जळगाव : कृषी उत्पन्न बाजार समितीत मंगळवारी (ता....
पुण्यात कांदा, लसूण, बटाट्याच्या दरात...पुणे ः गुलटेकडी येथील पुणे कृषी उत्पन्न बाजार...
औरंगाबादेत कांदा १००० ते ४४०० रुपये...औरंगाबाद : येथील कृषी उत्पन्न बाजार समितीमध्ये...
परभणीत गाजर ८०० ते १५०० रुपये...परभणी  : येथील पाथरी रस्त्यावरील फळे...
राज्यात द्राक्ष प्रतिक्विंटल १५०० ते...परभणीत ५४०० ते ७००० रुपये परभणी येथील पाथरी...
जळगावात आले २४०० ते ४८०० रुपये...जळगाव : कृषी उत्पन्न बाजार समितीत बुधवारी (ता. १५...
सांगलीत गूळ ३२०० ते ४०४५ रुपये...सांगली : येथील बाजार समितीत मंगळवारी (ता. १४...
सोलापुरात द्राक्ष, डाळिंबांचे दर पुन्हा...सोलापूर : सोलापूर कृषी उत्पन्न बाजार समितीच्या...
नागपूरला सोयाबीन दरात सुधारण्याचा अंदाजनागपूर : बाजारात उशिरा येणाऱ्या सोयाबीनची प्रत...
पुण्यात भेंडी, बटाट्याच्या आवकेत घट;...पुणे ः गुलटेकडी येथील पुणे कृषी उत्पन्न बाजार...
औरंगाबादमध्ये अंजीर ३००० ते ४५०० रुपये...औरंगाबाद : येथील कृषी उत्पन्न बाजार...
परभणीत वाटाण्याला २००० ते ३००० रुपये परभणी : येथील पाथरी रस्त्यावरील फळे भाजीपाला...
खानदेशात लाल कांद्याची आवक वाढलीजळगाव : खानदेशातील प्रमुख कृषी उत्पन्न बाजार...
राज्यात डाळिंब प्रतिक्विंटल १५० ते ६०००...नाशिक येथील कृषी उत्पन्न बाजार समितीत...
सांगलीत बटाट्यास १५०० ते २२०० रुपये सांगली : विष्णूअण्णा पाटील दुय्यम बाजार आवारात...
जळगावात भरताची वांगी १६०० ते २००० रुपये जळगाव : कृषी उत्पन्न बाजार समितीत मंगळवारी (ता. १...
नगरमध्ये शेवग्याच्या दरांत सुधारणा कायम नगर : नगर कृषी उत्पन्न बाजार समितीत गेल्या आठ...