Agriculture news in marathi Cultivate environmentally friendly orange varieties: Dowle | Agrowon

वातावरणपूरक संत्रा जातींचे संवर्धन करा : डवले

टीम अॅग्रोवन
रविवार, 24 जानेवारी 2021

नागपूर संत्र्याला अधिकाधिक लोकप्रिय करीत शुद्ध स्वरूपातील, वातावरण पूरक संत्र्याच्या निवडक जातींचे जतन व वृद्धीकरण करणे काळाची गरज, असे मत राज्याचे कृषी सचिव एकनाथ डवले यांनी व्यक्त केले.

अकोला : संत्रा उत्पादक शेतकऱ्यांना विशेषतः विदर्भातील संत्रा उत्पादक पट्ट्यातील शेतकऱ्यांना आर्थिक स्थैर्यासाठी तसेच नागपूर संत्र्याला अधिकाधिक लोकप्रिय करीत शुद्ध स्वरूपातील, वातावरण पूरक संत्र्याच्या निवडक जातींचे जतन व वृद्धीकरण करणे काळाची गरज, असे मत राज्याचे कृषी सचिव एकनाथ डवले यांनी व्यक्त केले.

संत्रा प्रजाती प्रकल्प उभारण्यासंदर्भात डॉ. पंजाबराव देशमुख कृषी विद्यापीठात राज्याचे कृषी सचिव एकनाथ डवले यांच्या अध्यक्षतेखाली बैठक घेण्यात आली. 

या प्रसंगी विद्यापीठाचे संशोधन संचालक डॉ. विलास खर्चे, कृषी अधिष्ठाता डॉ. महेंद्र नागदेवे, कुलसचिव डॉ. सुरेंद्र काळबांडे,  फळशास्त्र  विभाग प्रमुख डॉ. शशांक भराड, प्रभारी विभागीय  सहसंचालक शंकर तोटावार, जिल्हा अधीक्षक कृषी अधिकारी उदयकुमार नलावडे, महाबीज महाव्यवस्थापक प्रफुल्ल लहाने, अजय कुचे, जिल्हा कृषी विकास अधिकारी डॉ. मुरली इंगळे यांच्यासह इतर

प्रामुख्याने उपस्थित होते. एकनाथ डवले म्हणाले, ‘‘संत्रा उत्पादक शेतकऱ्यांना विशेषतः विदर्भातील संत्रा उत्पादक पट्ट्यातील शेतकऱ्यांना आर्थिक स्थैर्यासाठी तसेच नागपूर संत्र्याला अधिकाधिक लोकप्रिय करीत शुद्ध स्वरूपातील, वातावरण पूरक संत्र्याच्या निवडक जातींचे जतन व
वृद्धीकरण करणे काळाची गरज असल्याचे तसेच अकोला कृषी विद्यापीठाद्वारे कुलगुरू डॉ. विलास भाले यांच्या नेतृत्वाखाली या संदर्भात उल्लेखनीय कार्य होत आहे.

विदर्भामध्ये संत्रा पिकाखाली नोंद घेण्याजोगे क्षेत्र असून, नागपुरी संत्र्याची अविट चव आणि किन्नो संत्र्याचा आकार तथा रंग असणाऱ्या संत्रा पिकाचे वाण विकसित करण्याबाबत डॉ. पंजाबराव देशमुख कृषी विद्यापीठाच्या उद्यानविद्या विभागाद्वारे करण्यात आलेल्या मातृवृक्ष निवड तथा अपेक्षित वाण निर्मितीसाठी करण्यात आलेल्या संशोधनात्मक बाबींचे कार्य समाधानकारक आहे.’’ }

अकोला येथे फळशास्त्र विभागाच्या प्रक्षेत्रावर, नागपूर येथे कृषी महाविद्यालय आणि काटोल फळ संशोधन केंद्रात संपूर्ण निवडक चाचणी झालेल्या वाणांची अभिवृद्धी करून लागवड करण्यात येईल, असेही डवले म्हणाले. बैठकीनंतर डवले यांनी प्रक्षेत्राला भेट दिली. डॉ. दिनेश पैठणकर, डॉ. योगेश इंगळे यांनी प्रक्षेत्रावरील कार्याची माहिती दिली.

फळशास्त्र विभागाच्या प्रक्षेत्रावर इंडो-इस्राईल तंत्रज्ञानाच्या आधारे लागवड केलेल्या संत्रा प्रकल्पाची पाहणी केली. त्यांना डॉ. उज्वल राऊत, डॉ. संतोष घोलप यांनी माहिती दिली. डॉ. खर्चे यांनी प्रकल्पाविषयी सविस्तर अहवाल सादर केला. डॉ. भराड यांनी प्रकल्पाचे सादरीकरण केले. जनसंपर्क अधिकारी डॉ. किशोर बिडवे यांनी सूत्रसंचालन केले.


इतर बातम्या
बुलडाण्यात बीजोत्पादनाचा भार महिलांच्या...बुलडाणा ः पूर्वापार होत असलेल्या शेतीत महिलांचे...
‘मागेल त्याला शेततळे’च्या ८४ कोटी...नगर ः कृषी विभागाच्या मागेल त्याला शेततळे...
कृषिपंप रिवाइंडिंग करणाऱ्या महिला...हिंगोली ः जिल्ह्यातील आखाडा बाळापूर (ता.कळमनुरी)...
बीज परीक्षण करतात ‘मिळून साऱ्याजणी’ परभणी ः परभणी येथील कृषी विभागाच्या ‘आयएसओ’...
अडीच कोटी उलाढाल करणाऱ्या शेतकरी...जळगाव ः वर्षाला सुमारे अडीच कोटी रुपये एकूण...
मनीषाताईंनी विकसित केले तीन गुंठ्यांत...सोलापूर ः पोषण मूल्यावर आधारित अवघ्या तीन...
शेतकरी, ग्रामीण भागाचे राज्याच्या...पुणे : राज्याचा अर्थसंकल्प आज (ता. ८) अर्थ व...
पोलिस पाटलांना दरमहा १५ हजार मानधन द्यानाशिक : पोलिस पाटील पद शासन यंत्रणेतील गाव...
महिलांची शेतकरी कंपनीच्या माध्यमातून...पुणे ः महिला उत्पादक शेतकऱ्यांचे संघटन करून...
...त्या तिघींनी पापड उद्योगातून जपली...कोल्हापूर : ‘त्या‘ तिघी एकमेकाला सावरणाऱ्या....
कांदा चाळीचे अखेर मिळाले अनुदाननगर ः कृषी विभागाने पूर्वपरवानगी दिल्यानंतर २०१८-...
हरभऱ्‍याचा उतारा यंदा घसरला, एकरी ३ ते...सुलतानपूर, जि. बुलडाणा : यंदाच्या हंगामात चांगला...
मुलींनी सांभाळली वडिलांची शेती नांदेड : हदगाव तालुक्यातील बनचिंचोली येथील गणेश...
‘समृद्धी’च्या सोबतीने बुलेट ट्रेन...अकोला : राज्यात साकारत असलेल्या नागपूर-मुंबई...
दीड एकरातील डाळिंबावर फिरवला नांगर रिसोड, जि. वाशीम : अपेक्षित उत्पादन मिळत नसल्याने...
हळदीला दराची झळाळी, उत्पादनातील घटीने...नागपूर : यंदा मागील दोन महिन्यांत हळदीच्या भावात...
अर्हता डावलून दिली जातेय कृषी विभागात... नागपूर : वर्ग चार ते कृषी सहाय्यक पदोन्नतीसाठी...
विदर्भात अवकाळीची शक्यता पुणे : दक्षिण आसामच्या परिसरात चक्रीय स्थिती तयार...
सरकारी आकड्यांपेक्षा हरभरा उत्पादनात घट यंदाच्या हंगामात सुरुवातीपासूनच पिकांना बदलत्या...
म्हैसाळ योजनेचे पाणी तिसऱ्या टप्प्यात... सांगली : म्हैसाळ योजनेचे पंप धिम्या गतीने सुरू...