खानदेशात दादर ज्वारी, हरभरा पेरणी रखडत

जळगाव : खानदेशात कोरडवाहू पीक म्हणून प्रसिद्ध असलेली दादर ज्वारी, हरभरा पिकांची पेरणी सुरू आहे. पंरतु, पाऊस, ढगाळ, आर्द्रतायुक्त वातावरणामुळे ही पेरणी रखडत सुरू आहे.
 Dadar sorghum in Khandesh, gram sowing delayed
Dadar sorghum in Khandesh, gram sowing delayed

जळगाव : खानदेशात कोरडवाहू पीक म्हणून प्रसिद्ध असलेली दादर ज्वारी, हरभरा पिकांची पेरणी सुरू आहे. पंरतु, पाऊस, ढगाळ, आर्द्रतायुक्त वातावरणामुळे ही पेरणी रखडत सुरू आहे. यंदा रब्बी पेरणी विक्रमी स्थितीत पोचेल, असा अंदाज वर्तविण्यात येत आहे. 

कोरडवाहू रब्बी पिकांची पेरणी गिरणा, तापी, पांझरा, अनेर नदीकाठी अधिक होते. दादर ज्वारी व हरभऱ्याची पेरणी दसरा सणापूर्वीच केली जाते. ही पेरणी मूग, उडीद पिकाखाली रिकाम्या झालेल्या क्षेत्रात केली जाते. या पेरणीला गेल्या आठवड्याच्या सुरवातीला धुळ्यातील शिंदखेडा, शिरपूर, जळगावमधील चोपडा, अमळनेर, जळगाव भागात वेग आला होता. परंतु, गेल्या चार-पाच दिवसांत पुन्हा ढगाळ वातावरण तयार झाले. तर, धुळ्यातील शिंदखेडा, शिरपूर, जळगावमधील चोपडा, यावल भागात पाऊस आला. 

गेल्या आठवड्यात गुरुवारी (ता.१) व शुक्रवारी (ता.२) चोपडा, शिरपूर भागात जोरदार पाऊस झाला. यामुळे वाफसा नाहिसा झाला. पेरणी सध्या रखडत सुरू आहे. शिंदखेडा तालुक्यातील विरदेल, मुळावद, बेटावद,  म्हळसर आदी परिसर कोरडवाहू दादर पिकासाठी प्रसिद्ध आहे. 

या भागात मजूरटंचाई व इतर कारणांमुळे ट्रॅक्टरच्या साह्याने गेल्या आठवड्याच्या सुरवातीला दादर ज्वारीची पेरणी झाली. काही शेतकऱ्यांनी तर बीबीएफ तंत्रज्ञानाचा उपयोगही दादर ज्वारीसाठी केला आहे. 

खानदेशात यंदा सुमारे साडेचार ते चार हेक्टरवर रब्बी हंगामातील पिकांची पेरणी अपेक्षित आहे. यात जळगाव जिल्ह्यात पावणेतीन लाख हेक्टरवर पेरणी होईल. खानदेशात सर्वाधिक मका पिकाची लागवड होवू  शकते. या पाठोपाठ हरभरा व दादर ज्वारीची पेरणी होईल. 

ट्रॅक्टरच्या साह्याने कोरडवाहू दादर ज्वारीची पेरणी केली. बीबीएफ तंत्रज्ञानाचा अवलंब केला. यंदा आमच्या भागात दादर ज्वारीची पेरणी बऱ्यापैकी होईल.  - जितेंद्र पेंढारकर, शेतकरी, विरदेल (जि.धुळे)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com