agriculture news in marathi Daily six crore losses to banana growers in Khandesh | Agrowon

केळी उत्पादकांचे दररोज सहा कोटींचे नुकसान

टीम अॅग्रोवन
शुक्रवार, 27 मार्च 2020

रोज किमान ३०० ट्रक (एक ट्रक १५ मेट्रिक टन क्षमता) केळीची वाहतूक बंद असून, किमान सहा कोटी रुपयांचा फटका शेतकऱ्यांना बसत आहे. 
 

जळगाव : केळी वाहतुकीसह परराज्यातील विक्रीसंबंधी सरकारकडून ठोस घोषणा, व्यवस्था केली जात नसल्याने खानदेशसह मध्य प्रदेशातील केळीची काढणी ठप्पच आहे. रोज किमान ३०० ट्रक (एक ट्रक १५ मेट्रिक टन क्षमता) केळीची वाहतूक बंद असून, किमान सहा कोटी रुपयांचा फटका शेतकऱ्यांना बसत आहे. 

शेतकरी, रावेर विधानसभा क्षेत्राचे आमदार शिरीष चौधरी, मुक्ताईनगर विधानसभा क्षेत्राचे आमदार चंद्रकांत पाटील यांनी पालकमंत्र्यांसोबत याबाबत नुकतीच बैठक घेतली. पालकमंत्री पाटील यांनी मुख्यमंत्र्यांकडे पाठपुरावा केला. मुख्यमंत्र्यांनी यासंदर्भात उत्तर प्रदेश व पंजाबच्या मुख्यमंत्र्यांशी चर्चा केली. दोन दिवसांपासून केळी काढणी, विक्री व निर्यात यावर तोडगा काढण्यासाठी बैठकसत्र, पाठपुरावा खानदेशातून सुरू आहे. परंतु गुरुवारी (ता.२६) देखील केळीची काढणी ठप्पच होती. जळगाव जिल्ह्यातील मुक्ताईनगर, रावेर, यावल, मध्य प्रदेशातील बऱ्हाणपूर, बडवानी भागात सध्या रोज मिळून ३०० ट्रक केळीची आवक होऊ शकते. परंतु वाहतूक व मजुरीसंबंधीचा प्रश्‍न असल्याने काढणी ठप्पच आहे. 

ही आहे समस्या
केळीला राज्यासह दिल्ली, पंजाब, उत्तर प्रदेशात मागणी असते. परंतु या राज्यात कोरोना विषाणूमुळे सीमा बंद आहेत. केळीची तेथील पाठवणूक अडचणीची आहे. केळी पाठविली तरी तेथे ट्रक रिकामे करणे व पुढे केळी विक्रेत्यांपर्यंत पोचविणे, बाजारात हातगाड्यांवर केळीची विक्री करणे अशक्‍य झाले आहे. परिणामी उत्तरेकडील खरेदीदार केळी खरेदीच करीत नसल्याने खानदेशातील केळीची उचल बंद आहे. राज्यात शासन, लोकप्रतिनिधी प्रयत्न करीत आहेत. परंतु उत्तरेकडील राज्य, केंद्र सरकारचा पुढाकार याशिवाय ही समस्या सुटू शकत नसल्याचे मत केळी उत्पादक, खरेदीदारांनी व्यक्त केले. 

सध्या रेशन, दूध वाहतूक, विक्री यासंदर्भात जसे सरकार प्रयत्नशील, पूरक कार्यवाही करीत आहे. तशी कार्यवाही केळीबाबतही करायला हवी. कारण केळी फळ स्वस्त व प्रतिकारक्षम आहे. ते नाशवंत असल्याने त्याची काढणी, वाहतूक व  विक्री वेळेत, सुकर असायला हवे.
- भागवत पाटील, अध्यक्ष, अखिल भारतीय केळी उत्पादक महासंघ


इतर अॅग्रो विशेष
राज्यात ३० टक्के दूध वापराविनापुणे: कोरोना विषाणुमुळे पसरलेल्या साथीनंतर सुरू...
औरंगाबाद : शेतकरी गटामार्फत ग्राहकांना...औरंगाबाद : येथील कृषी उत्पन्न बाजार...
नगर जिल्ह्यात पाचशे टन भाजीपाला...नगरः कोरोना संसर्गाच्या पाश्वभूमीवर लॉकडाऊनमुळे...
जगभरात कोरोनामुळे ३० हजार मृत्यूः...जिनिव्हा: जगभरात कोरोना विषाणूचे थैमान सुरुच...
विदर्भात विजांसह पावसाची शक्यतापुणे : राज्यात सुरू असलेला पूर्वमोसमी पाऊस काहीशी...
थेट विक्रीने सोडविला दराचा प्रश्‍नऔरंगाबाद: कोरोनामुळे शेतमाल विक्रीचा प्रश्न...
पुणे, मुंबईतील सोसायटीधारकांनी...पुणे ः शहरी भागातील हाउसिंग सोसायटी भागातील...
खताचे आठ रेल्वे रेक ‘अनलोड’ पुणे : कोरोना लॉकडाऊननंतर राज्याच्या विविध भागात...
राज्यातील २२० बाजार समित्यांचे कामकाज...पुणे: कोरोना विषाणूचा फैलाव रोखण्यासाठी...
लॉकडाऊन वाढवण्याचा विचार नाही : कॅबिनेट...नवी दिल्ली: कोरोना विषाणूचा फैलाव रोखण्यासाठी १४...
उन्हाच्या चटक्यात महाराष्ट्र होरपळणारपुणे : यंदाच्या उन्हळ्यात महाराष्ट्र उन्हाच्या...
यंदाची चैत्री वारी रद्द, पंढरपुरात येऊ...सोलापूर ः पंढरपुरात श्री विठ्ठल-रुक्मिणीमातेची...
पुणे बाजार समितीत १७ हजार क्विंटल फळे...पुणे: कोरोना विषाणूचा प्रादुर्भाव रोखण्यासाठी...
जळगाव बाजारसमितीत सोशल डिस्टन्सिंगकडे...जळगाव  ः येथील बाजार समितीत भाजीपाल्याची आवक...
देशात कोरोनाबाधीत १०७१ रुग्ण  नवी दिल्ली: देशात कोरोनाबाधीत रुग्णांची...
कोकण रेल्वेकडून अत्यावश्यक वस्तूंची जलद...रत्नागिरीः देशभरातील जनतेला आवश्यक वस्तूंचा...
सोनाई प्रकल्पात दहा लाख लिटर दूध नासले...पुणे: कोरोनामुळे राज्यात दुधाचा महापूर सुरू झाला...
बार्शी तालुक्यातील द्राक्षपट्टा...सोलापूर  ः कोरोना विषाणूच्या पार्श्वभूमीवर...
पुणे विभागात ३२९ क्विंटल भाजीपाल्याची...पुणे  ः ‘कोरोना’चा प्रादुर्भाव रोखण्यासाठी...
शाळांमध्ये शिल्लक धान्यांचे ...पुणे : कोरोनाच्या पार्श्वभुमीवर राज्यातील शाळांना...