पंढरपुरात दररोज दोन हजार भाविकांना श्री विठ्ठल दर्शन

सोलापूर : पाडव्याच्या मुहूर्तावर श्री विठ्ठल- रुक्मिणी मंदिर भाविकांसाठी खुले करण्यात आले आहे. भाविकांची वाढती गर्दी व मागणी लक्षात घेता मंदिर समितीच्या वतीने रोज दोन हजार भाविकांना दर्शनाला सोडण्याचा निर्णय घेण्यात आला आहे. शासनाने कोरोनाच्या पार्श्वभूमीवर घालून दिलेल्या नियम व अटींची अंमलबजावणी करतच दर्शन व्यवस्था करण्यात आली आहे.

गेल्या आठ महिन्यांपासून मंदिरे बंद होती. मात्र मंदिरातील नित्योपचार मात्र सुरूच होते. आता मंदिर उघडण्यात आले आहे. त्यामुळे श्री विठ्ठल- रुक्मिणीचा गाभारा, श्री विठ्ठल सभामंडप, रुक्मिणी सभामंडप, नामदेव पायरी, दर्शन रांग आदींची कर्मचाऱ्यांकडून वेळोवेळी स्वच्छता करण्यात येत आहे. मंदिरात व नामदेव पायरी ते दर्शन रांगेत स्वच्छतेबरोबरच सॅनिटायझर फवारण्यात येत आहे. दर्शन रांगेत दोन भाविकांमध्ये सोशल डिस्टन्स राखला जाईल, याची खबरदारी घेण्यात येत आहे, त्याचबरोबर मंदिरात येणाऱ्या भाविकांकरीता सॅनिटायझरची सोय, थर्मल स्क्रीनिंगची सुविधा उपलब्ध करण्यात आली आहे. तसेच मंदिरात येणाऱ्या भाविक, भक्तांना मास्क वापरणे सक्तीचे करण्यात आले आहे. या वेबसाइटवर करा नोंदणी श्री विठ्ठल दर्शनासाठी http://www.vitthalrukminimandir.org/home.html या संकेत स्थळावर बुकिंग भाविकांनी करावे, असे आवाहन मंदिर समितीचे कार्यकारी अधिकारी विठ्ठल जोशी यांनी केले आहे.

भाविकांसाठी नियमावली