सांगलीत दुग्ध व्यवसाय बंद पडण्याच्या मार्गावर

सांगली ः शेतीपूरक दूग्ध व्यवसाय पशुखाद्य आणि चाऱ्याच्या वाढत्या दरामुळे संकटात सापडला आहे. त्यातच दूधाच्या दरातील घसरणीचा फटकाही दूग्ध व्यवसाला बसला आहे.
 Dairy business in Sangli on the verge of closure
Dairy business in Sangli on the verge of closure

सांगली  ः शेतीपूरक दूग्ध व्यवसाय पशुखाद्य आणि चाऱ्याच्या वाढत्या दरामुळे संकटात सापडला आहे. त्यातच दूधाच्या दरातील घसरणीचा फटकाही दूग्ध व्यवसाला बसला आहे. गोठ्यातील जनावरांची संख्या कमी होऊ लागली आहे. यामुळे हा शेती पूरक हा व्यवसाय बंद पडण्याच्या मार्गावर असल्याची भावना दूध उत्पादक शेतकऱ्यांनी व्यक्त केली आहे.

जिल्ह्यात सुमारे खासगी १४ संघ, तर सहकारी ७ आणि मल्टीस्टेट संघ १२ असे एकूण ३३ संघ आहेत. जिल्‍ह्यात प्रतिदिन १५ ते १६ लाख लिटर दूधाचे संकलन होते. जिल्ह्यातील दररोज संकलनात २५ ते ३० हजार लिटरची घट झाली आहे. मुळात दुष्काळी पट्ट्यात  प्रामुख्याने दुग्ध व्यवसाय मोठ्या प्रमाणात विस्तारलेला आहे. यामुळे दूध उत्पादक शेतकऱ्यांची आर्थिक सुबत्ता येवू लागली आहे.

जिल्ह्यात मार्च महिन्यात गाईच्या ३.५ फॅटला सरासरी ३२ रुपये असा दर मिळत होता. कोरोना विषाणूचा प्रादुर्भाव झाल्याने लॉकडाऊन जाहीर करण्यात आला. त्याचा परिणाम पशूखाद्याच्या दरांवरही झाला. याचा फटका दूधाला देखील बसला. दूध, आणि दूधाच्या पदार्थांची मागणी घटली. 

सातत्याने चारा, पशुखाद्यात होणारी दर वाढ, यामुळे दुष्काळी पट्ट्यातील शेतकरी पिचला आहे. सध्या दुष्काळी गाईच्या दुधाला पट्ट्यात ३.५ फॅटला १९ रुपये दर मिळतो आहे.  तर, जिल्ह्याच्या पश्चिम भागात गाईच्या दूधाला ३.५ फॅटला २५ रुपये असा दर मिळाला. याचाच अर्थ असा की, सहकारी आणि खासगी दूध संघांनी जिल्ह्यात गाईच्या दूधाचे दोन दर केले आहेत. याचा फटका दूध उत्पादक शेतकऱ्यांना बसतो आहे. जिल्ह्यात दूधाचे संकलन २५ हजार लिटरने घटले असले तरी, बाजारात दूधाला मागणी कमी आहे. 

म्हशीच्या दूधाला ३७ रुपये असा दर मिळतो आहे. त्यामध्ये फॅट कमी असेल, तर दर कमी होतो. सहकारी आणि खासगी दूध संघांकडून दूधाची बिले वेळेत मिळत नाहीत. त्यामुळे जनावरे कशी जगवायची, असा प्रश्न आहे. या साऱ्या अडचणीमुळे मोठे गोठा पालन करणाऱ्या पशूपालकांनाकडून जनावरांची विक्री सुरु झाली  आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com