नवी दिल्ली : गुजरातमधील आनंद येथे अमूलच्या ७५ व्या स्थापना दिनानिम्मीताने आयोजित क्रार्यक्रमात केंद्रीय सहकारमंत्री अमित शहा यांनी ‘डेअरी सहकार योजनेची’ घोषणा केली. केंद्रीय सहकार मंत्रालयाच्या अखत्यारीत असलेल्या राष्ट्रीय सहकारी विकास महामंडळद्वारे या योजनेसाठी ५००० कोटींची तरतूद करण्यात आली आहे.
यावेळी बोलताना मंत्री शहा म्हणाले, ‘‘शेतकऱ्यांचे उत्पन्न दुप्पट करण्याच्या व शेतकऱ्यांना आत्मनिर्भर बनवण्याच्या दृष्टीने ही योजना सहकार विभागाने सुरू केली असल्याचे,’’ ते म्हणाले. मत्स्यव्यवसाय, पशुसंवर्धन आणि दुग्धव्यवसाय मंत्रालयाच्या प्रसिद्धिपत्रकात म्हटले, ‘‘सहकाराकडून समृद्धीकडे हे स्वप्न साकार करण्यासाठी सहकार मंत्रालयाने ही योजना सुरू केली आहे.
या योजनेच्या माध्यमातून गोवंश विकास, दुधावर आधारित प्रक्रिया उद्योग, ब्रँडिंग, पॅकेजिंग, विपणन, दूध आणि दुग्धजन्य पदार्थांची वाहतूक आणि साठवणूक, दुग्धजन्य पदार्थांची निर्यात यांना या योजनेच्या माध्यमातून अर्थसाह्य केले जाईल. ही योजना देशातील सहकाराला बळकटी देईल असा विश्वास व्यक्त केला.’’
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.