नगर जिल्ह्यातील दुग्धोत्पादक मेटाकुटीला

नगर ः जिल्ह्यात ‘कोरोना’चा संसर्ग सुरू झाल्यापासून दूध खरेदीचे दर कमी करण्यात आले आहेत. त्याचा मोठा फटका शेतकऱ्यांना बसत असून सध्या गायीच्या दुधाला सरासरी १५ ते १८ रुपये लीटर असा दर मिळत आहे. मात्र पशुखाद्य आणि चाऱ्याचे दर गेल्या सहा महिन्यांच्या तुलनेत वाढले असल्याने उत्पादन खर्चही निघत नसून दूध व्यवसायाला उतरती कळा लागली आहे.
Dairy in Nagar district in trouble
Dairy in Nagar district in trouble

नगर ः जिल्ह्यात ‘कोरोना’चा संसर्ग सुरू झाल्यापासून दूध खरेदीचे दर कमी करण्यात आले आहेत. त्याचा मोठा फटका शेतकऱ्यांना बसत असून सध्या गायीच्या दुधाला सरासरी १५ ते १८ रुपये लीटर असा दर मिळत आहे. मात्र पशुखाद्य आणि चाऱ्याचे दर गेल्या सहा महिन्यांच्या तुलनेत वाढले असल्याने उत्पादन खर्चही निघत नसून दूध व्यवसायाला उतरती कळा लागली आहे. खासगी संघांपेक्षा सहकारी संघ जास्त दर देत असले तरी आता सहकारी संघही दुधाचे दर कमी करू लागले आहेत. या स्थितीमुळे जिल्ह्यातील दोन लाखांपेक्षा अधिक दुग्धोत्पादक मेटाकुटीला आले आहेत.

जिल्ह्यात  मागील सहा महिन्यांपूर्वी दुधाला चांगला दर मिळत होता. मात्र, ‘कोरोना’चे संकट आले आणि दुधाला मागणी नसल्याचे कारण पुढे करत खासगी संघांनी दूध दरात कपात केली. सद्यःस्थितीचा विचार करता जिल्ह्यातील खासगी दूध संघांकडून गायीच्या दुधाला १५ ते २० रुपये तर म्हशीच्या दुधाला ३५ ते ६० रुपये लीटर असा दर मिळत आहे. म्हशीचे बहुतांश दूध हे शेतकरी थेट ग्राहकांना वितरित करतात, मात्र गायीच्या  दुधाचे उत्पादन घेणारा शेतकरी अडचणीत सापडला आहे.

काही संघांकडून वेळेवर तर काही संघांकडून पंधरा दिवस उशिराने दूध विक्रीचे पैसे मिळत असल्याचे शेतकऱ्यांनी सांगितले. खासगी संघांपेक्षा सहकारी संघांमध्ये दुधाला जास्त दर दिला जात असला तरी सहकारी संघांत केवळ पंचवीस टक्के दूध खरेदी होत आहे. उत्पादित होणारे सर्व दूध संकलित होत असले तरी दुधाचा प्रश्न वरचेवर जटिल होत असून त्याकडे सरकारचे फारसे लक्ष नसल्याचे दिसून येते.

आम्ही खासगी संघाला दूध घालतो. दर कमी झाल्याने आता मोठा तोटा सोसावा लागत आहे. दुधाला मिळणारा दर कमी आणि पशुखाद्याचे दर वाढल्याने हा व्यवसाय अडचणीचा झाला आहे. दूध दरात सुधारणा झाली नाही तर अनेक शेतकरी हा व्यवसाय बंद करतील. - शंकर सपकाळ, दूध उत्पादक, मानोरी, जि. नगर.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com