agriculture news in marathi, dam storage status, parbhani, maharashtra | Agrowon

परभणीतील १६ प्रकल्पांतील उपयुक्त पाणीसाठा संपुष्टात

टीम अॅग्रोवन
सोमवार, 16 एप्रिल 2018
परभणी : जिल्ह्यातील एक मोठा, एक मध्यम आणि १४ लघू अशा एकूण १६ प्रकल्पांमधील उपयुक्त पाणीसाठा संपला आहे. विहिरी, बोअर आटल्यामुळे अनेक गावे, वाड्या, वस्त्या, तांड्यावरील ग्रामस्थांना पाणीटंचाईच्या तीव्र झळा सोसाव्या लागत आहेत. पाणीपुरवठा करणाऱ्या टॅंकरची संख्या १६ पर्यंत पोचली आहे.
 
परभणी : जिल्ह्यातील एक मोठा, एक मध्यम आणि १४ लघू अशा एकूण १६ प्रकल्पांमधील उपयुक्त पाणीसाठा संपला आहे. विहिरी, बोअर आटल्यामुळे अनेक गावे, वाड्या, वस्त्या, तांड्यावरील ग्रामस्थांना पाणीटंचाईच्या तीव्र झळा सोसाव्या लागत आहेत. पाणीपुरवठा करणाऱ्या टॅंकरची संख्या १६ पर्यंत पोचली आहे.
 
रविवारी (ता. १५) येलदरी प्रकल्पात एकूण १२२.९७० दलघमी म्हणजेच मृत पाणीसाठा शिल्लक होता. सिद्धेश्वर धरणातील एकूण १७७.२२० दलघमी पाणीसाठ्यापैकी ७.३३ दलघमी (९.०५टक्के) उपयुक्त पाणीसाठा होता. निम्न दुधना धरणांमध्ये एकूण २०२.१७० दलघमी पैकी ९९.५७० दलघमी (४१.११ टक्के )उपयुक्त पाणीसाठा शिल्लक होता. दोन मध्यम प्रकल्पांपैकी मासोळी (ता.गंगाखेड) धरणातील उपयुक्त पाणीसाठा संपला असून करपरा (ता.जिंतूर) मध्यम प्रकल्पात एकूण ९.२१३ दलघमी पैकी ५.२३३ दलघमी (२१टक्के ) उपयुक्त पाणीसाठा शिल्लक होता.
 
२२ लघू सिंचन तलावांपैकी टाकळवाडी, जोगवाडा, बेलखेडा, चिंचोली, आडगाव, दहेगाव हे सहा तलाव कोरडे पडले आहेत. नखातवाडी, तांदूळवाडी, कोद्री, देवगाव, वडाळी, केहाळ, भोसी, चारठाणा या अाठ तलावांतील पाणीसाठा जोत्याखाली गेला आहे. सद्यस्थितीत ८ लघू तलावांमध्ये उपयुक्त पाणीसाठा शिल्लक आहे.
 
झरी (ता. पाथरी) तलावामध्ये जायकवाडी डाव्या कालव्याचे पाणी सोडण्यात आल्यामुळे उपयुक्त पाणीसाठ्यामध्ये ८० टक्क्यांपर्यंत वाढ झाली अन्य तलावांपैकी पेडगाव तलावामध्ये १०, आंबेगावमध्ये ८, राणीसावरगावमध्ये १, पिंपळदरीमध्ये ९, कवडामध्ये १०, मांडवीमध्ये ५, पाडाळीमध्ये ३५ टक्के उपयुक्त पाणीसाठा शिल्लक होता.
 
पालम तालुक्यातील रामापूर तांडा, नाव्हा, चाटोरी, आनंदवाडी या चार गावांना सहा टॅंकरने, पूर्णा तालुक्यातील पिंपळा लोखंडे, हिवरा, वाई लासीना, लोण खुर्द या चार गांवाना चार टॅंकरने गंगाखेड तालुक्यातील खंडाळी, हिवरा, ईळेगाव, गुंडेवाडी, उमरानाईक तांडा या ठिकाणी पाच टॅंकरने आणि जिंतूर तालुक्यातील मांडवा एक टॅंकरने असे एकूण चार तालुक्यात १६ टॅंकरद्वारे पाणीपुरवठा सुरू आहे. 

पाणीटंचाईवरील उपाययोजना अंतर्गत पूर्णा, पालम, गंगाखेड, पाथरी, सेलू, जिंतूर, मानवत या सात तालुक्यांमध्ये ५५ विहिरींचे अधिग्रहण करण्यात आले आहे. १२३ विंधन विहिरींच्या विशेष दुरुस्तीचे काम हाती घेण्यात आले. ३८ नळ योजनांची विशेष दुरुस्ती कामे, ५ तात्पुरत्या पूरक नळ योजना, १५ नवीन विंधन विहिरी असे टंचाई निवाणार्थ करावयाच्या उपाय योजनांतर्गत १ कोटी २२ लाख १७ हजार रुपये खर्चाच्या कामांना मंजुरी देण्यात आली.


इतर ताज्या घडामोडी
हुंडी चिठ्ठी, मायक्रो फायनान्स...अकोला  ः जिल्ह्यात हुंडी चिठ्ठी तसेच मायक्रो...
नाशिक येथे तीनदिवसीय पुष्पोत्सवाला...नाशिक  : प्रत्येकाच्या हक्काची तीन झाडं हवी...
न्हावी परिसरात मका पिकावर लष्करी अळीचा...न्हावी, जि. जळगाव ः न्हावीसह परिसरात मक्‍याची...
पोल्ट्री उद्योगाला हवा मदतीचा हातपुणे: बाजारभावातील नरमाईमुळे पोल्ट्री उद्योग...
हापूस निर्यातीसाठी निर्यातीसाठी पणन...रत्नागिरी ः निर्यातीत हापूसचा टक्का घसरत असून तो...
नीरा देवधर, गुंजवणीतून समन्यायी पाणीवाटपमुंबई ः नीरा देवघर व गुंजवणी धरणांचे कालवे...
तापमानवाढीचा धोका वेळीच ओळखावा लागेल:...औरंगाबाद: निसर्गाच्या दोलायमानतेत मानवी...
नगरमधील नऊ तालुक्यांत तेलबियांची पेरणीच...नगर ः तेलबियांची (गळीत धान्य) पेरणी वाढावी यासाठी...
सातारा जिल्ह्यात ५५ लाख क्विंटल...सातारा : जिल्ह्यात सध्या सुरू असलेल्या गाळपाची...
निर्यातबंदीमुळे कांदा फुगवटा;...पुणे: कांद्यावरील संपूर्ण निर्यातबंदी तातडीने...
खानदेशात कांदा लागवड १४ हजार हेक्‍टरवरजळगाव  ः खानदेशात रब्बी हंगामातील कांदा...
‘कर्जमुक्ती योजनेसाठी येणाऱ्या...अकोला  ः  महात्मा ज्योतिराव फुले शेतकरी...
द्राक्षपट्ट्यासह आदिवासी भागात खुलली...नाशिक  : स्ट्रॉबेरी लागवडीसाठी महाबळेश्वरची...
सांगलीत हळदीच्या उत्पादनात घटसांगली : जिल्ह्यात ऑगस्ट महिन्यात आलेला महापूर...
चांद्यात फ्लॉवरच्या निकृष्ट...नगर : तेलंगण राज्यातील एका बियाणे कंपनीचे...
'थेट जनतेतून सरपंच निवडीचा निर्णय कायम...सोलापूर  ः राज्य सरकारने थेट जनतेतून सरपंच...
औरंगाबाद जिल्ह्यातील टंचाई...औरंगाबाद : जिल्ह्यातील संभाव्य पाणीटंचाईचे...
लातूर विभागातील दोन हजार हेक्टरवर फळबाग...नांदेड : कृषीच्या लातूर विभागांतर्गतच्या परभणी,...
अकोला बाजार समितीचे गरजूंना पाठबळअकोला ः कृषी उत्पन्न बाजार समितीच्या पुढाकाराने...
उशिराच्या गव्हाला वाढत्या तापमानाचा...जळगाव  ः खानदेशात गहू पिकाची स्थिती...