agriculture news in marathi, dam storage status, pune, maharashtra | Agrowon

पुणे जिल्ह्यातील धरणांमध्ये २१०.२३ टीएमसी पाणीसाठा

टीम अॅग्रोवन
बुधवार, 14 ऑगस्ट 2019

पुणे  : धरणांच्या पाणलोट क्षेत्रात पडलेल्या दमदार पावसामुळे जिल्ह्यातील धरणे ओसंडून वाहिली. मंगळवारी (ता. १३) सकाळपर्यंत उजनीसह, पुणे जिल्ह्यातील सर्व २६ धरणांमध्ये मिळून २१०.२३ टीएमसी (९७ टक्के) पाणीसाठा झाला आहे. कुकडी खोऱ्यातील माणिकडोह, पिंपळगाव जोगे ही धरणे वगळता जिल्ह्यातील सर्व धरणे १०० टक्के भरली आहे.   

पुणे  : धरणांच्या पाणलोट क्षेत्रात पडलेल्या दमदार पावसामुळे जिल्ह्यातील धरणे ओसंडून वाहिली. मंगळवारी (ता. १३) सकाळपर्यंत उजनीसह, पुणे जिल्ह्यातील सर्व २६ धरणांमध्ये मिळून २१०.२३ टीएमसी (९७ टक्के) पाणीसाठा झाला आहे. कुकडी खोऱ्यातील माणिकडोह, पिंपळगाव जोगे ही धरणे वगळता जिल्ह्यातील सर्व धरणे १०० टक्के भरली आहे.   

उजनीसह पुणे जिल्ह्यातील प्रमुख २६ धरणांची चल (उपयुक्त) पाणीसाठ्याची क्षमता २१७.५४ टीएमसी आहे. गतवर्षी शेवटच्या टप्प्यात पावसाने दिलेली ओढ, यंदाच्या उन्हाळ्यात वाढलेल्या झळा यामुळे धरणांतील चल पाणीसाठा ४ टक्क्यांपर्यंत खालावला होता. मात्र जुलै आणि ऑगस्ट महिन्यात झालेल्या पावसाने ही धरणे ओसंडून वाहिली. पावसाचा जोर कायम राहिल्याने अनेक नद्यांनी धोक्याची पातळी ओलांडली. 

जुलै महिन्याच्या सुरवातीला उजनी धरणातील पाणीसाठा उणे ६० टक्क्यांपर्यंत गेला होता. मात्र ऑगस्ट महिन्याच्या पहिल्या आठवड्यात उजनी धरण १०० टक्के भरले. उजनी धरणात चल साठा ५३.५८ टीएमसी, तर अचल साठ्यात ६३.६५ टीएमसी पाणीसाठा आहे. भीमा नदीच्या खोऱ्यातील धरणांमधून पाण्याचा कमी-अधिक विसर्ग सुरू असल्याने उजनीत पाण्याची आवक सुरूच आहे. परिणामी उजनी धरणातूनही पाण्याचा मोठ्या प्रमाणावर विसर्ग करावा लागत आहे. 

कुकडी खोऱ्यातील धरणांमध्ये ३२.३४ टीएमसी (९० टक्के) पाणीसाठा झाला आहे. यात माणिकडोह धरणात ७९, तर पिंपळगाव जोगे धरणात ७७ टक्के पाणीसाठा आहे. मुठा खोऱ्यातील खडकवासला धरणसाखळीत २९.१५ टीमएसी (१०० टक्के) पाणीसाठा आहे. मुळा खोऱ्यातील पवना, मुळशी धरणेही पूर्ण क्षमतेने भरली आहेत. नीरा खोऱ्यातील धरणांमध्ये ४६.७३ टीएमसी (९७ टक्के) पाणी आहे. नाझरे धरणातही ९७ टक्के पाणीसाठा झाला आहे, अशी माहिती पुणे पाटबंधारे विभागातर्फे देण्यात आली. 

मंगळवारी (ता. १३) जिल्ह्यातील धरणांमधील उपयुक्त पाणीसाठा (टीएमसी) कंसात टक्केवारी : टेमघर ३.७१ (१००), वरसगाव १२.८२ (१००), पानशेत १०.६५ (१००), खडकवासला १.९७ (१००), पवना ८.०८ (९५), कासारसाई ०.५४ (९४), मुळशी १८.४६ (१००), कळमोडी १.५१ (१००), चासकमान ७.५८ (१००), भामा आसखेड ७.५६ (९९), आंद्रा २.९२ (१००), वडीवळे १.०७ (१००), गुंजवणी ३.५४ (९६), भाटघर २३.२६ (९९), नीरा देवघर ११.४३ (९७), वीर ८.५० (९०), नाझरे ०.५७ (९७), पिंपळगाव जोगे ३ (७७), माणिकडोह ८.०२ (७९), येडगाव १.९४ (१००), वडज १.१० (९४), डिंभे १२.२९ (९८), चिल्हेवाडी ०.६३ (६५), घोड ५.३७ (९८).


इतर ताज्या घडामोडी
या आठवड्यात ढगाळ, थंड, कोरडे हवामान...महाराष्ट्राच्या मध्य भागावर पूर्व व पश्‍चिम...
सकस चाऱ्या‍साठी बीएचएन - १० संकरित...महाग खुराकातील काही भाग स्वस्त चाऱ्या‍मधून देणे...
माथाडी कामगारांच्या प्रश्‍नांसाठी लवकरच...पुणे  ः माथाडी आणि कामगार कायदा गुंतागुंतीचा...
नगर, नाशिकला पुढील वर्षी ऊसदरात फटका ?नगर ः नगर, नाशिकसह राज्याच्या अनेक भागांत उशिरा...
धरण कालवा सल्लागार समितीची आज नगरला बैठकनगर  : मुळा, भंडारदरा व निळवंडे धरणांच्या...
परभणीत मूग, उडदाचा पीकविमा परतावा मंजूरपरभणी  ः पंतप्रधान पीकविमा योजनेअंतर्गत खरीप...
सिंचन सुविधा बळकटीकरणावर भर देणार :...चंद्रपूर   ः ‘‘शेतकऱ्यांच्या जीवनात...
नांदेड, परभणी, हिंगोलीत चार हजारांवर...नांदेड : किमान आधारभूत किंमत योजनेअंतर्गत...
इराण–भारतादरम्यान कृषी उत्पादनांचा...मुंबई : महाराष्ट्र हे देशातील औद्योगिक...
छत्रपती राजर्षी शाहू महाराज यांचे...कोल्हापूर  : या देशात राजे अनेक झाले, पण...
नाशिकच्या वैभवशाली इतिहासाला मिळणार...नाशिक : नाशिक जिल्ह्याच्या स्थापनेस दीडशे वर्ष...
स्मार्टसिटी वादात शेतकऱ्यांवर अन्याय...नाशिक : नाशिक शिवारातील हनुमानवाडी व मखमलाबाद...
धुळे जिल्हा परिषदेत आता सभापती निवडीकडे...धुळे ः अध्यक्ष, उपाध्यक्ष निवडीनंतर जिल्हा...
सांगली जिल्ह्यात ९३८ कोटींची ऊसबिले थकीतसांगली ः जिल्ह्यातील बहुसंख्य साखर...
शेतमालाला मार्केटिंगची जोड दिल्याने...अकोला : जो शेतमाल पिकवला त्याची स्वतः विक्री...
पुण्यात कांदा, लसूण, बटाट्याच्या दरात...पुणे ः गुलटेकडी येथील पुणे कृषी उत्पन्न बाजार...
पुणे जिल्ह्यात `कृषी, उद्योग, ऊर्जा’...पुणे : जिल्ह्याच्या २०२०-२१ च्या प्रारूप वार्षिक...
‘टेंभू’चे आवर्तन पुढील आठवड्यात...सांगली : टेंभू उपसा सिंचन योजनेचे आवर्तन सुरू करा...
भंडारा : केवळ खरेदी केंद्रांवरच मिळतोय...भंडारा : महाविकास आघाडीकडून ५०० रुपयांचे बोनस आणि...
जळगाव जिल्ह्यात शासकीय धान्य खरेदीला...जळगाव : जिल्ह्यातील तीन केंद्रांमध्ये सोयाबीनची व...