agriculture news in marathi, dam water level increase due to rain, satara, maharashtra | Agrowon

साताऱ्यातील धरणांमध्ये गतवर्षीपेक्षा अधिक पाणीसाठा

टीम अॅग्रोवन
शनिवार, 14 जुलै 2018

सातारा : जिल्ह्यातील धरणांच्या पाणलोट क्षेत्रात पावसाने हजेरी लावल्यामुळे धरणांतील पाणीपातळीत वाढ होऊ लागली आहे. गतवर्षीच्या तुलनेत प्रमुख धरणांत अधिक पाणीसाठा उपलब्ध असल्याचे आकडेवारीवरून दिसून येत आहे. राज्याच्या वीज निर्मितीच्या दृष्टीने महत्त्वाच्या असलेल्या कोयना धरणात एकूण १८.७४ टीएमसी अधिक पाणीसाठा झाला आहे, अशी माहिती पाटबंधारे विभागाच्या सूत्रांनी दिली.

सातारा : जिल्ह्यातील धरणांच्या पाणलोट क्षेत्रात पावसाने हजेरी लावल्यामुळे धरणांतील पाणीपातळीत वाढ होऊ लागली आहे. गतवर्षीच्या तुलनेत प्रमुख धरणांत अधिक पाणीसाठा उपलब्ध असल्याचे आकडेवारीवरून दिसून येत आहे. राज्याच्या वीज निर्मितीच्या दृष्टीने महत्त्वाच्या असलेल्या कोयना धरणात एकूण १८.७४ टीएमसी अधिक पाणीसाठा झाला आहे, अशी माहिती पाटबंधारे विभागाच्या सूत्रांनी दिली.

जिल्ह्यात सर्वच धरण परिसरात पावसाचा जोर वाढू लागल्याने पाणीपातळीत वाढ होत आहे. गतवर्षीच्या तुलेनत आजअखेर सर्वच धरणांच्या पाणलोट क्षेत्रात सरासरीपेक्षा अधिक पाऊस झाला असल्याने धरणांत गतवर्षीच्या तुलनेत अधिक पाणीसाठा झाला आहे. शुक्रवारी (ता. १३) सकाळी आठ वाजेपर्यंतच्या २४ तासांत कोयना धरण क्षेत्रात १९५, नवजा येथे १८९, महाबळेश्वर येथे १६५ मिमी पाऊस झाला आहे.

कोयना धरणात शुक्रवारी सकाळपर्यंतच्या २४ तासांत पाणीसाठ्यात ४.९१ टीएमीसीने वाढ झाली असून सध्या कोयना धरणात ५७.८४ टीएमसी म्हणजेच ५५.०५ टक्के पाणीसाठा झाला आहे. कोयना धरणात गतवर्षीच्या तुलनेत १८.७४ टीएमसी अधिक पाणीसाठा आहे. या धरणाच्या पाणलोट क्षेत्रात आजपर्यंत सरासरी २१७५ मिमी पाऊस झाला आहे. गतवर्षी आजपर्यंत सरासरी १५२५ मिमी पाऊस झाला होता. इतर धरणांतील पाणीपातळीतदेखील वाढ झाली आहे. या प्रमुख धरणांत उरमोडीचा अपवाद वगळता गतवर्षीच्या तुलनेत जादा पाणीसाठा आहे.

धरण क्षेत्रातही पाऊस झाल्याने पाणीपातळीत वाढ होत आहे. सध्या धोम धरणात ५५.०५, उरमोडीत ५२.७८, कण्हेरमध्ये ४६.३६, तारळीत ४५.५४, धोम-बलकवडीत ५२.५९ टक्के पाणीसाठा उपलब्ध आहे. जुलै व ऑगस्टमध्ये सर्वाधिक पाण्याची आवक धरणात होत असते. जुलै महिन्याच्या सुरवातीपासून दमदार पाऊस झाला असल्याने कण्हेर व तारळी ही धरणे वगळता सर्वच धरणांतील पाणीसाठ्याची टक्केवारी ५० वर गेली आहे. पाऊस असाच सुरू राहिल्यास यावर्षी धरणे अपेक्षेपेक्षा लवकर भरतील, असा अंदाज व्यक्त केला जात आहे.
 

जिल्ह्यातील प्रमुख धरणांतील पाणीसाठा (टीएमसी)
धरण २०१७ २०१८
कोयना ३९.१० ५७.८४
धोम ४.०९ ५.४५
उरमोडी ५.३० ५.२६
कण्हेर ३.४४ ४.६८
तारळी २.४४ २.६६
धोम-बलकवडी १.२२ २.०८

 


इतर ताज्या घडामोडी
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...
रत्नागिरीत नऊ हजार हेक्टरवर फळबाग...रत्नागिरी  ः कोरोनाच्या सावटातही जिल्ह्यात...
हमाल, मापाडी तोलणारांचे प्रश्‍न सोडवा ः...पुणे ः राज्यातील अनेक भागांत हमाल तोलाईदारांना...
खते, बी- बियाणे विक्रेत्यांची दुकाने...कोल्हापूर : निकृष्ट बियाणे प्रकरणी बियाणे...
‘सारथी’ बंद होणार नाही, आठ कोटींचा निधी...मुंबई : राज्य सरकारने मराठी तरुणांच्या व्यावसायिक...
फळपीक विमा योजना शेतकऱ्यांसाठी की कंपन्...नगर : नवीन निकषांप्रमाणे फळपीक विमा योजनेचा लाभ...
वऱ्हाडातील अडीच हजारांवर कृषी...अकोला ः कृषी विक्रेत्यांच्या विविध मागण्यांसाठी...
हिंगोली जिल्ह्यात आतापर्यंत ७१.२० टक्के...हिंगोली : जिल्ह्यात यंदाच्या खरीप हंगामात बुधवार...
पीकपद्धतीमधील बदल अधिक लाभदायक ः...अकोला ः रासायनिक खतांचा अवाजवी वापर, मशागतीच्या...
सोलापूर जिल्ह्याच्या वाट्याला ५६७ कोटी...सोलापूर : महात्मा जोतिराव फुले शेतकरी कर्जमुक्ती...
यवतमाळ जिल्ह्यात कर्जमुक्तीसाठी...यवतमाळ : महात्मा जोतिराव फुले कर्जमाफी योजनेतील...
सोयाबीनची पेरणी खानदेशात वाढलीजळगाव  ः खानदेशात तेलबियांमध्ये सोयाबीनचे...
सोलापुरात निकृष्ट सोयाबीन...सोलापूर  ः जिल्ह्यात निकृष्ठ सोयाबीनबाबत...
बागलाण तालुक्यात खत पुरवठा करून पिळवणूक...सटाणा, जि. नाशिक : बागलाण तालुक्यात गेल्या...
शेतकऱ्यांच्या प्रश्नी रयत क्रांती...नाशिक : खरिपाच्या तोंडावर सध्या शेती कामांना वेग...
मुख्यमंत्री ग्रामीण पेयजल योजनेला दोन...मुंबई: मुख्यमंत्री ग्रामीण पेयजल कार्यक्रम...