कोल्हापुरात धरणाच्या पाण्याचे नियोजन सुरू

कोल्हापूर : पावसाळ्याच्या तयारीसाठी पाटबंधारे विभागाच्या वतीने धरणातून पाणी सोडण्याचे नियोजन युद्धपातळीवर सुरू आहे. राधानगरी धरणाच्या मुख्य दरवाजातून पाणी सोडणे सुरू करण्यात आले आहे. याचा फायदा भोगावती व पंचगंगा नदीकाठच्या शेतकऱ्यांना होणार आहे पाणी सोडण्यात येत असल्याने दोन्ही नद्यांची पाणीपातळी समाधानकारक राहण्याची शक्‍यता आहे.
Dam water planning started in Kolhapur
Dam water planning started in Kolhapur

कोल्हापूर : पावसाळ्याच्या तयारीसाठी पाटबंधारे विभागाच्या वतीने धरणातून पाणी सोडण्याचे नियोजन युद्धपातळीवर सुरू आहे. राधानगरी धरणाच्या मुख्य दरवाजातून पाणी सोडणे सुरू करण्यात आले आहे. याचा फायदा भोगावती व पंचगंगा नदीकाठच्या शेतकऱ्यांना होणार आहे पाणी सोडण्यात येत असल्याने दोन्ही नद्यांची पाणीपातळी समाधानकारक राहण्याची शक्‍यता आहे.

प्रत्येक वर्षी मे महिन्याच्या अंतिम सप्ताहामध्ये पाणी सोडण्याचे नियोजन केले जाते. यंदा गेल्या वर्षीच्या तुलनेत बहुतांशी धरणांमध्ये समाधानकारक पाणीसाठा आहे. हवामान विभागाने यंदा जादा पावसाची शक्यता वर्तवली आहे. हे गृहीत धरून पाटबंधारे विभागाने पाणी सोडण्याचे नियोजन केले आहे.

जुलै नंतर पाऊस सुरू होत असल्याने किमान दोन महिने तरी शेतकऱ्यांना व ग्रामस्थांना मुबलक पाणी मिळावे, यासाठी नद्या प्रवाहित ठेवण्याचे नियोजन आहे. यानुसार पाणी सोडले जात आहे. शाहुवाडी व शिराळा तालुक्यासाठी महत्त्वाच्या असणाऱ्या चांदोली धरणात सध्या १४ टीएमसी पाणीसाठा असून यातील उपयुक्त पाणीसाठा ७ टीएमसी आहे.

गतवर्षीच्या तुलनेत हा पाणीसाठा २.३ टीएमसीने अधिक आहे. गेल्या सहा महिन्यांत सात टीएमसी पाण्याचा वापर झाला होता. तर फेब्रुवारी व मार्च महिन्यात आठ टीएमसी पाण्याचा वापर झाला आहे. सध्या धरणातून सोळाशे क्यूसेक पाण्याचा विसर्ग सुरू आहे. पुढील एका महिन्यात किमान सहा टीएमसी पाण्याचा वापर होण्याची शक्यता पाटबंधारे विभागाची आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com