Agriculture news in Marathi Damage to 33,000 hectares of crops in Sangli | Page 2 ||| Agrowon

सांगलीत ३३ हजार हेक्टर पिकांचे नुकसान

टीम अॅग्रोवन
मंगळवार, 27 जुलै 2021

जिल्ह्यात गेल्या चार-पाच दिवसांपासून झालेल्या मुसळधार पावसामुळे जिल्ह्यातील २०२ गावांतील ३५ हजार २१७ हून अधिक शेतकऱ्यांच्या ३३ हजार हेक्टरहून अधिक क्षेत्रावरील पिकांचे नुकसान झाले आहे.

सांगली : जिल्ह्यात गेल्या चार-पाच दिवसांपासून झालेल्या मुसळधार पावसामुळे जिल्ह्यातील २०२ गावांतील ३५ हजार २१७ हून अधिक शेतकऱ्यांच्या ३३ हजार हेक्टरहून अधिक क्षेत्रावरील पिकांचे नुकसान झाले आहे. सध्या महापुराच्या पाण्यात ऊस उभारलेला आहे. तर अन्य पिके बुडाली आहेत. कृषी विभागाच्या नजर अंदाजानुसार हे क्षेत्र २३ हजार ५३९ हेक्टर आहे. त्यात सर्वाधिक ऊस १३ हजार ७२२ हेक्टर, भुईमूग ५ हजार ३१६, फळपिके पावणेतीन हजार हेक्टरचा समावेश आहे. २०१९ मध्ये ५३ हजार हेक्टरचे नुकसान झाले होते.

पुराने सर्वाधिक उसाचे १३ हजार ७२२ हेक्टरवरील नुकसान झाले आहे. त्यानंतर भुईमूग ५ हजार ३१६ हेक्टर, विविध फळपिके २ हजार ७१७ हेक्टर, सोयाबीन ५५८ हेक्टर, इतर ५८२ हेक्टर, द्राक्ष ७० हेक्टर, ज्वारी- २८ हेक्टर, भाजीपाला ३१० हेक्टर, कडधान्य ६० हेक्टर, फूल पिकांच्या ५० हेक्टरचा समावेश आहे.

जिल्ह्यात २०१९ मध्ये आलेल्या महापुरापेक्षा यंदा शेतीचे मोठे नुकसान झाले आहे. शेतात भाजीपाला पाण्याने कुजला. त्यामुळे दररोज येणारा पैसा थांबला. परिणामी आर्थिक फटका बसला आहे. आता प्रतीक्षा आहे ती नुकसान भरपाईची. वास्तविक पाहता २०१९ ला शेतीचे पंचनामे झाले. भरपाई देखील मिळाली. मात्र, अनेक शेतकरी गतवर्षीच्या नुकसान भरपाईच्या प्रतीक्षेत आहेत. त्यामुळे यंदाच्या पुराने नुकसान झालेल्या पिकाचे पंचनामे होतील. पण नुकसान भरपाई तातडीने मिळावी. पूर बाधित शेतकऱ्यांना गतवर्षी प्रमाणे प्रतीक्षा करावी लागणार का? असा प्रश्न उपस्थित होत आहे 

विमाधारक शेतकऱ्यांनी माहिती द्यावी
जिल्ह्यात ‘रिलायन्स जनरल इन्शुरन्स कंपनीमार्फत पीकविमा काढलेला असल्यास नुकसानभरपाईसाठी ७२ तासांत विमा कंपनीस माहिती देणे बंधनकारक आहे. त्यासाठी क्रॉप इंशुरन्स ॲप, टोल फ्री क्रमांक - १८००१०२४०८८ यावर संपर्क साधावा.


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...