Agriculture news in Marathi, Damage of crops on 22 thousand hectares in the district | Page 2 ||| Agrowon

पुणे जिल्ह्यात २२ हजार हेक्टरवरील पिकांचे नुकसान

टीम अॅग्रोवन
गुरुवार, 7 नोव्हेंबर 2019

पुणे ः जिल्ह्यात अतिवृष्टीमुळे एकूण २२ हजार ४०० हेक्टरवरील पिकांचे ३३ टक्क्यांपेक्षा जास्त नुकसान झाले आहे. नुकसानीमुळे जिल्ह्यातील ४० हजार ७४५ शेतकऱ्यांना आर्थिक फटका बसला असून, हे मोठे नुकसान झाले असल्याचे नजर अंदाज अहवालावरून स्पष्ट झाले आहे.

पुणे ः जिल्ह्यात अतिवृष्टीमुळे एकूण २२ हजार ४०० हेक्टरवरील पिकांचे ३३ टक्क्यांपेक्षा जास्त नुकसान झाले आहे. नुकसानीमुळे जिल्ह्यातील ४० हजार ७४५ शेतकऱ्यांना आर्थिक फटका बसला असून, हे मोठे नुकसान झाले असल्याचे नजर अंदाज अहवालावरून स्पष्ट झाले आहे.

जिल्हाधिकारी नवलकिशोर राम यांनी कृषी आयुक्त सुहास दिवसे यांना पुणे जिल्ह्यातील पिकांच्या नुकसानीबाबतच्या नजर अंदाज अहवालाची माहिती नुकताच सादर केली आहे. त्यातून हे नुकसानग्रस्त क्षेत्र स्पष्ट झाले आहे. जिल्हाधिकारी, जिल्हा अधीक्षक कृषी अधिकारी आणि जिल्हा परिषदेचे मुख्य कार्यकारी अधिकारी यांनी हा अहवाल तयार केला आहे. नैसर्गिक आपत्तीमध्ये सुमारे २२ हजार ४०० हेक्टरवरील जिरायत, बागायत क्षेत्रावरील पिके, फळपिकांचे नुकसान झाले आहे. याशिवाय दुसऱ्या वर्गात शेतजमिनींचेही मोठे नुकसान झाले आहे.

जिल्ह्यात खरिपाचे एकूण दोन लाख ९३ हजार २९१ हेक्टर क्षेत्र आहे. मावळ, मुळशी, भोर, वेल्हा, जुन्नर, आंबेगाव, खेड, शिरूर, दौड, इंदापूर, बारामती, हवेली, पुरंदर तालुक्यातील ६३२ गावांमध्ये पिकांचे मोठे नुकसान झाले आहे. जिल्ह्यात सुमारे चार हजार ६८६ हेक्टरवर सोयाबीन पिकाचे नुकसान झाले आहे. त्यापाठोपाठ ३३०९ हेक्टरवरील भात पिकाचे नुकसान झाले आहे. दोन हजार ४३४ हेक्टरवरील भुईमुगाचे, एक हजार ३१ हेक्टरवरील कांद्याचे, एक हजार २६७ हेक्टरवरील द्राक्षाचे, १९५ हेक्टरवरील डाळिंबाचे, १२ हेक्टरवरील केळीचे, ८७ हेक्टरवरील मक्याचे, १४१ हेक्टरवरील बाजरीचे, २०२ हेक्टरवरील बटाटा पिकाचे, २९९ हेक्टरवरील उसाचे, ८१६ हेक्टरवरील तृणधान्याचे, ४९ हेक्टरवरील गळीतधान्याचे, ३०२ हेक्टरवरील फुलपिकांचे आणि भाजीपाल्याचे सात हजार २५१ हेक्टरवर नुकसान झाले आहे. 

जिल्ह्यात सर्वाधिक नुकसान जुन्नर तालुक्यात झाले आहे. या तालुक्यात सुमारे १५ हजार ३६ हेक्टरला पावसाचा फटका बसला आहे. सध्या अनेक ठिकाणी पंचनामे सुरू असून लवकरच किती नुकसान झाले याची नेमकी माहिती समोर येईल. त्यानंतर पंचनाम्याचा अहवाल शासनाला सादर करून नुकसान भरपाई देण्यात येईल, अशी माहिती कृषी विभागाच्या सूत्रांनी दिली.


इतर बातम्या
औरंगाबाद :सोयाबीनची सरासरीच्या दीडपट...औरंगाबाद : सोयाबीनची सरासरी क्षेत्राच्या दीडपट...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...