Agriculture news in marathi, Damage to crops due to soaking in rain | Agrowon

नांदेड : पावसात भिजल्यामुळे पिकांचे नुकसान
टीम अॅग्रोवन
बुधवार, 16 ऑक्टोबर 2019

दुबार पेरणी करावी लागली असून त्यानंतर पाऊस उघडल्याने पिकांची वाढ खुंटली. ऐन काढणीच्या वेळी पावसात भिजल्याने सोयाबीन, कपाशीचे नुकसान झाले. डागील मालामुळे व्यापारी कमी भाव देत आहेत.
- अरुण जाधव, कुडली, ता. देगलूर, जि. नांदेड.

वादळी वारे, गारपिटीमुळे हळदीची पाने फाटल्याने झिरमाळ्या झाल्या आहेत. कंद भरण्याच्या अवस्थेत पाने फाटल्याने उत्पादनात 
मोठी घट येईल. 
- प्रल्हाद बोरगड, सातेफळ, ता. वसमत, जि. हिंगोली.

अतिवृष्टीमुळे नदीचे पाणी शेतात शिरल्याने सोयाबीन, कपाशीची पिके पाण्याखाली गेली होती. जमिनी खरडून गेल्या. नुकसानीचे पंचनामे केले. शेतकऱ्यांना तत्काळ आर्थिक मदत द्यावी.
- पशुपतिनाथ शेवटे, सिरपूर, ता. पालम, जि. परभणी.

नांदेड : गेल्या आठवड्यात नांदेड, परभणी, हिंगोली जिल्ह्यातील अनेक मंडळांमध्ये  वादळी वाऱ्यासह जोरदार पाऊस झाला. त्यामुळे शेतामध्ये पाणी साचून राहिल्याने काढणी केलेल्या, सोयाबीनच्या शेंगांना मोड फुटले आहेत. कपाशीची झाडे मोडून पडली. बोंडे सडली. गारपिटीमुळे हळदीच्या पानाच्यां झिरमाळ्या झाल्या. सोयाबीनचे दाणे डागील झाले. कापूस पिवळा पडला आहे. त्यामुळे कमी बाजारभावाने खरेदी केली जात आहे. परिणामी, शेतकऱ्यांना आर्थिक फटका बसला आहे.

नांदेड, परभणी, हिंगोली जिल्ह्यात यंदाच्या जून, जुलै, आॅगस्ट महिन्यात सरासरीपेक्षा कमी पाऊस झाल्याने पिकांच्या वाढीवर परिणाम झाला. परिपक्वेतच्या अवस्थेतील मूग, उडदाच्या उत्पादनात घट झाली; परंतु पोळा सणानंतर सप्टेंबर ते आॅक्टोबरच्या पहिल्या आठवड्यापर्यंत जोरदार पाऊस झाला. नांदेड जिल्ह्यातील नायगाव, बिलोली, देगलूर, अर्धापूर, लोहा, कंधार, मुखेड; तसेच अन्य काही तालुक्यांत, परभणी जिल्ह्यातील परभणी, सेलू, पूर्णा, पालम तालुक्यात, हिंगोली जिल्ह्यातील वसमत तालुक्यात त्यामुळे फटका बसला. 

काढणीच्या अवस्थेतील सोयाबीनचे पीक, कापणी करून शेतामध्ये ठेवलेले सोयाबीन भिजले. सतत पाण्यात राहिल्याने सोयाबीनच्या शेंगांना मोड फुटले. दाणे डागील झाले. गंजीमध्ये दडपून राहिल्याने शेंगांवर बुरशीची वाढ झाली. वादळी वाऱ्यामुळे बोंडे लगडलेले कपाशीचे पीक आडवे झाले. सखल भागात पाणी साचून राहिल्याने बोंडे सडली. अपूर्ण वाढ झालेली बोंडे काळवंडली. त्यातून फुटलेला कापूस पिवळा पडला. 

वसमत तालुक्यातील गारपिटीमुळे हळदीच्या पानांच्या झिरमाळ्या झाल्या. परभणी जिल्ह्यातील पालम आणि परभणी तालुक्यात नदी नाल्याचे पाणी शिरून सुमारे ४ हजारांहून अधिक हेक्टरवरील सोयाबीन, कपाशी, तूर आदी पिकांचे नुकसान झाले. अशा सोयाबीन, कापसाची प्रतिक्विटंल हजार ते दीड हजार रुपये कमी दराने व्यापारी खरेदी करत आहेत. त्यामुळे शेतकऱ्यांचे नुकसान होत आहे. पावसामुळे बाधित पिकांची नुकसानभरपाई देण्याची मागणी बाधित शेतकऱ्यांनी केली.

इतर ताज्या घडामोडी
राजकीय अस्थिरतेमुळे पूरग्रस्तांना मदतीस...कोल्हापूर: महापुरात नुकसानग्रस्त शेतकऱ्यांना...
नवनवीन प्रपत्र, जिओ टॅगिंगच्या...बुलडाणा  ः अवकाळी पावसामुळे झालेल्या...
दुष्काळग्रस्त शेतकऱ्यांच्या प्रश्नी ‘...अकोला ः राज्यातील दुष्काळग्रस्त शेतकऱ्यांना एकरी...
शरद पवार करणार विदर्भातील पीक नुकसानीची...नागपूर ः राज्यात सत्तास्थापनेचे गुऱ्हाळ सुरू...
महाशिवआघाडीत सत्तास्थापनेसाठी वाटाघाटी...मुंबई ः राज्यात भाजपला वगळून शिवसेना, राष्ट्रवादी...
शेतकऱ्यांवर रब्बी ज्वारीचे पीक...औरंगाबाद : मकानंतर आता रब्बी ज्वारीवर लष्करी...
दौंड बाजार समितीत ज्वारीला ४३०० रुपये दरदौंड, जि. पुणे : दौंड बाजार समितीमध्ये ज्वारीची...
खानदेशात रब्बीसाठी प्रकल्पांमध्ये...जळगाव  ः खानदेशात रब्बी हंगामाची शेतकरी...
पुणे : हरभरा उत्पादनवाढीसाठी ४००...पुणे ः हरभरा उत्पादनवाढीसाठी रब्बी हंगामात अकरा...
मांजरपाडा प्रकल्पग्रस्तांची पूल...नाशिक  : दिंडोरी तालुक्यातील मांजरपाडा वळण...
खारपाण पट्ट्यातील कापूस हंगामही अडचणीतअकोला ः सततच्या पावसाने खरिपातील सर्वच...
पुणे : पंचनाम्यापासून अद्यापही १५ हजार...पुणे ः पुणे जिल्ह्यात नुकसान झालेल्या पिकांचे...
कोल्हापूर जिल्ह्यात केवळ पाच टक्के...कोल्हापूर : पावसाचा फटका खरीप हंगामात बसल्याने...
जालना जिल्ह्यात खरेदी केंद्रांना मिळेना...जालना : जिल्ह्यातील सोयाबीन, मूग, उडीद, मक्याची...
हिंगोली : पावणेदोन कोटीचे कृषी...हिंगोली : जिल्ह्याचा २०२०-२१ या वर्षीचा संभाव्य...
सांगलीत ९९ हजार हेक्टरवर पिकांचे पंचनामेसांगली : ऑक्टोबरमधील पावसामुळे जिल्ह्यात शेतीचे...
सोलापूर जिल्ह्यात नुकसानीचे पंचनामे...सोलापूर : ऑक्‍टोबर महिन्यात मॉन्सुनोत्तर पावसाने...
गहू पिकावरील किडींचे वेळीच करा नियंत्रणगहू पिकांच्या उत्पादनात घट येण्यामध्ये किडींचा...
हळद पिकातील प्रमुख रोगांचे नियंत्रणसध्या हळद लागवड होऊन तीन ते चार महिन्यांचा...
नाशिकमध्ये ढोबळी मिरची ३२५० ते ६२५०...नाशिक : येथील कृषी उत्पन्न बाजार समितीमध्ये ढोबळी...