वालसावंगी परिसरात पावसाने पिके आडवी

वालसावंगी, जि. जालना : ‘कोरोना’चे मोठे संकट डोक्यावर असताना आता अवकाळी पाऊस व जोराच्या वाऱ्याने शेतकऱ्यांना मोठा फटका दिला असून हातातोंडाशी आलेला रब्बी पिकांचा घास खरीप हंगामातील पिकांप्रमाणे हातातून हिसकावून नेला आहे.
Rainfall crops in the Valsavangi area obstruct
Rainfall crops in the Valsavangi area obstruct

वालसावंगी, जि. जालना : ‘कोरोना’चे मोठे संकट डोक्यावर असताना आता अवकाळी पाऊस व जोराच्या वाऱ्याने शेतकऱ्यांना मोठा फटका दिला असून हातातोंडाशी आलेला रब्बी पिकांचा घास खरीप हंगामातील पिकांप्रमाणे हातातून हिसकावून नेला आहे.

वालसावंगी परिसरात मंगळवारी (ता. ३१) सायंकाळी पाऊण तास मुसळधार पावसाने हजेरी लावली. या वेळी पावसासोबत वारा देखील जोराचा होता. जोराचा वारा आणि मुसळधार पाऊस यामुळे शेतातील बहरलेली मका, गहू, बाजरी ही पिके पाऊस व हवेमुळे आडवी झाली. खरीप पिकांप्रमाणे रब्बी पिकाचा देखील घात पावसामुळे झाला आहे. दरम्यान आजच्या पावसामुळे शेतशिवारात मोठे नुकसान झाले असून तातडीने पंचनामा करून नुकसानभरपाई देण्याची मागणी शेतकऱ्यांनी केली आहे.

आजच्या पावसामुळे गावातील रस्त्यावर पाणीच पाणी व्हायला लागले होते. विक्रीसाठी आणलेला भाजीपाला देखील पावसात भिजला. तसेच अनेक शेतकरी, व्यापाऱ्यांची लाल मिरची देखील पावसात भिजली. यामुळे सुद्धा मोठे आर्थिक नुकसान होणार आहे. गावातील काही घरांवरील पत्रे देखील जोरदार हवेमुळे खाली पडली होते. 

शेतकरी दिलीप आहेर म्हणाले की, यंदा एक एकर क्षेत्रात गव्हाची लगवड केली होती. गहू चांगला आला होता. काही दिवसांनी सोंगणी करण्यात येणार होती. मात्र, सोंगणी पूर्वीच गहू आजच्या पाऊस व वाऱ्यामुळे जमिनीवर पडला असून यामुळे मोठे नुकसान झाले आहे.

शेतकरी नारायण बोराडे म्हणाले की, एक तर ‘कोरोना’च्या धास्तीखाली जगावे लागते आहे. दुसरीकडे पाऊस देखील मुळावर उठला आहे. खरीप पिके अगोदर नष्ट केली आणि आता रब्बी पिकाचे नुकसान केले आहे. माझ्या शेतातील मका पूर्णतः जमिनीवर पडली असून नुकसान भरपाई मिळणे गरजेचे आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com