Agriculture news in marathi Damage to orchards, houses in Osmanabad district | Agrowon

उस्मानाबाद जिल्ह्यात फळपिकांचे, घरांचे नुकसान

टीम अॅग्रोवन
बुधवार, 15 एप्रिल 2020

उस्मानाबाद : जिल्ह्यातील काही भागात सोमवारी (ता. १३) अवकाळी पाऊस झाला. वादळी वाऱ्यासह काही ठिकाणी तुरळक गारपीटीसह आलेल्या पावसाने परांडा, भूम तालुक्यात फळपिकांचे नुकसान केले, तर अनेकांच्या घरावरील पत्रे वादळाने उडून गेले. 

उस्मानाबाद : जिल्ह्यातील काही भागात सोमवारी (ता. १३) अवकाळी पाऊस झाला. वादळी वाऱ्यासह काही ठिकाणी तुरळक गारपीटीसह आलेल्या पावसाने परांडा, भूम तालुक्यात फळपिकांचे नुकसान केले, तर अनेकांच्या घरावरील पत्रे वादळाने उडून गेले. 

प्राप्त माहितीनुसार, उस्मानाबाद जिल्ह्यातील तेर, जागजी, उस्मानाबाद शहर, जळकोट, नळदुर्ग, माकणी, शिराढोण, माणकेश्वर, परांडा, जवळा बुद्रुक व आसू या ११ मंडळांत पाऊस झाला. पावसाचा जोर उस्मानाबाद तालुक्यातील उस्मानाबाद शहर मंडळासह परंडा तालुक्यातील परंडा व आसू मंडळात सर्वाधिक होता. मंगळवारी सकाळपर्यंतच्या चोवीस तासांत उस्मानाबाद शहर मंडळात १६ मिलिमीटर, परंडा मंडळात १७ मिलिमीटर, तर आसू मंडळात १५ मिलिमीटर पावसाची नोंद झाली. उर्वरित मंडळांत दोन ते आठ मिलिमीटर दरम्यान पाऊस झाला. 

सायंकाळी ६ वाजताच्या सुमारास उस्मानाबाद शहर परिसरात विजांच्या कडकडाटासह जवळपास दहा मिनिट पाऊस झाला. उस्मानाबाद तालुक्यातील उपळे(मा), वाघोली परिसरात गारपीट झाली. परंडा तालुक्यातील रोहकल परिसरात वादळी वारे व अवकाळी पावसाने रोहकल येथील भारत देशमुख यांची केळीबाग आडवी केली. याच गावातील अनेकांच्या घरावरील टिनपत्रे वादळाने उडून गेल्याने अनेकांचा संसार उघड्यावर आला. 

अंतरगांवात गारपीटीमुळे द्राक्षेबाग जमीनदोस्त 

अंतरगांव ( ता. भूम ) येथे सोमवारी ( ता. १३ ) दुपारी साडेतीनच्या सुमारास वादळी वाऱ्यासह गारांचा पाऊस झाला. त्यामुळे काढणीस आलेल्या द्राक्ष बागेचे लाखो रुपयांचे नुकसान झाले आहे. 

अगोदरच ‘कोरोना’मुळे वाहतुक व बाजारपेठा बंद आसल्याने शेतकरी हताश आहे. अवकाळी पावसाने पीक जमीनदोस्त झआले. त्यामुळे शेतकरी आर्थिकदृष्ट्या दुबळा होऊ लागला आहे. अंतरगाव येथील अमोल शेळके यांनी बँकेचे कर्ज काढून अंतरगाव शिवारातील गट नंबर ७३ मधील शेतात दोन एक्कर द्राक्षबाग लागवड केली होती. सोमवारी ( ता. १३ ) दुपारी तीनच्या सुमारास वातावरणामध्ये बदल झाला. वादळी वाऱ्यासह अवकाळी गारांचा जोरदार अर्धा तास पाऊस झाला. त्यामुळे द्राक्ष बागेच्या कडेला लावलेले लोखंडी खांब उपटून पडले. क्षणातच होत्याचे नव्हते झाले. त्यामुळे काढणीस आलेली दोन एकर द्राक्षबाग जमीनदोस्त झाली. 

शेळके यांचे ४५ते ५० टन द्राक्षाचे नुकसान झाले. अंतरगाव येथे अनेक शेतकऱ्यांची द्राक्षे बागेतच सडून जात आहेत. कोरोना विषाणूमुळे वाहतूक व बाजारपेठ बंद आहे. त्यामुळे काढणीस आलेले द्राक्ष बागेतच आहेत. नुकसानीचे पंचनामे करुन भरपाई द्यावी, अशी मागणी शेतकऱ्यांनी केली. 


इतर ताज्या घडामोडी
मोदी सरकारकडून शेतकऱ्यांच्या ह्रदयावर...नवी दिल्ली : कृषी सुधारणा कायद्यांविरोधात...
कृषी कायद्यांविरोधात सर्व आघाड्यांवर...चंडीगड ः केंद्र सरकारच्या कृषी कायद्यांना...
काळा पैसा बंद झाल्याने त्यांचा विरोध; ...नवी दिल्ली : ‘‘कृषी सुधारणा कायद्यांमुळे...
कृषी कायदे झुगारून लावा; काँग्रेसशासित...नवी दिल्ली   ः काँग्रेसशासित राज्यांनी...
नगर जिल्ह्यात पीक नुकसानीचे पंचनामे...नगर  ः महिनाभर सतत पाऊस पडल्याने जिल्ह्यातील...
पुणे विभागात एक लाख ३८ हजार हेक्टरवर...पुणे  ः यंदा वेळेवर पाऊस झाल्याने चारा...
पावसाचा नगरमधील १७ हजार कांदा...नगर  ः गेल्या महिनाभरात झालेल्या सततच्या...
नुकसानीबाबत परभणीतील सहा हजारांवर ...परभणी : अतिवृष्टी तसेच नाले, ओढे, नद्यांच्या...
 पावसाची विश्रांती; सिंधुदुर्गात भात...सिंधुदुर्ग  ः जिल्ह्यात पावसाने विश्रांती...
पानपिंपरी, विड्याच्या पानाला...बुलडाणा  ः पानपिंपरी व विड्याचे पानमळे हे...
जत तालुक्यातील सात गावांमधील ...सांगली  ः जत तालुक्यातील सात गावांमधील...
अकोला जिल्ह्यात ८७ हजार हेक्टरवर हरभरा...अकोला  ः यंदा समाधानकारक पावसामुळे सर्वच...
ऊस वाहतूक दरात ५० टक्के वाढ द्या : ...कोल्हापूर : ऊस वाहतुकीच्या दरात ५० टक्के वाढ...
शेतकरी विरोधी कृषी कायदे रद्द करा :...मुंबई : केंद्र सरकारने मंजूर केलेली कृषी...
कृषी विधेयकाआधीही शेतकरी स्वतः माल विकू...सोलापूर  ः केंद्र सरकारने आणलेल्या कृषी...
केंद्राची कृषी विधेयके शेतकरी-कामगार...पुणे : केंद्र सरकारने मंजूर केलेली कृषी, पणन आणि...
दक्षिण आशियात तापमानात किंचित वाढ...पुणे : दक्षिण आशियातील देशांत मॉन्सूनोत्तर...
आदर्श शेतकरी नाही, तर केवळ नोकरदार...चंद्रपूर : आधुनिक तंत्रज्ञानाचा पुरस्कर्ते...
सहकारी संस्थांच्या निवडणुका पुन्हा...मुंबई : कोरोना संकटामुळे राज्यातील मुदत संपलेल्या...
जळगावात भरीताची वांगी १५०० ते २५००...जळगाव  ः येथील कृषी उत्पन्न बाजार समितीमध्ये...