Agriculture news in marathi Damage panchnama started in Sindhudurg | Page 2 ||| Agrowon

सिंधुदुर्गमध्ये नुकसानीचे पंचनामे सुरू 

टीम अॅग्रोवन
मंगळवार, 27 जुलै 2021

सिंधुदुर्गनगरी जिल्ह्यात अतिवृष्टीने झालेल्या नुकसानीचे पंचनामे करण्याचे काम प्रशासनाने सुरू केले आहे. घरे, गोठे, दुकाने, इमारतीसह भात शेतीचे मोठे नुकसान पुरामध्ये झाले आहे.

सिंधुदुर्गनगरी : जिल्ह्यात अतिवृष्टीने झालेल्या नुकसानीचे पंचनामे करण्याचे काम प्रशासनाने सुरू केले आहे. घरे, गोठे, दुकाने, इमारतीसह भात शेतीचे मोठे नुकसान पुरामध्ये झाले आहे. काही भागाला पुराचा मोठा तडाखा बसला आहे. शेतकरी, व्यापाऱ्यांचे कोट्यवधींचे नुकसान झाले आहे. 

जिल्ह्यात गुरुवारी (ता.२२) ढगफुटी सदृश पाऊस झाला आणि संपूर्ण जिल्ह्यात गंभीर पूरस्थिती निर्माण झाली. जिल्ह्यातील अनेक बाजारपेठांमध्ये पुराचे पाणी घुसले होते. खारेपाटण, बांदा, कुडाळ, आंबेडकरनगर, मुसरे, कलमठ यासह जिल्ह्यातील विविध भागामधील बाजारपेठांमध्ये पुराचे पाणी शिरले होते. काही शहरांमधील इमारतीचा एक मजला पाण्याखाली गेला होता. या शिवाय खारेपाटण, बांदा, केळुस, मसुरे यासह अनेक ठिकाणी शेकडो एकर भातशेती पाण्याखाली गेली होती.

अतिवृष्टीने घरे, गोठ्यांसह कित्येक इमारती कोसळल्या आहेत. पुरामध्ये कोट्यवधी रुपयांचे नुकसान झाले होते. परंतु प्रशासन पुरात अडकलेल्या लोकांना सुरक्षित स्थळी हलविणे, त्यांना प्राथमिक मदत करणे या कामात गुंतलेले होते. त्यामुळे नुकसानीचे पंचनामे करण्यात आले नव्हते. परंतु गेले दोन तीन दिवस पावसाचा जोर कमी झाला आहे. जनजीवन पूर्वपदावर आले असून, आता प्रशासनाने नुकसानीचे पंचनामे करण्याचे काम हाती घेतले आहे. 

गावागावातील तलाठी, कृषी सहाय्यक घरे, गोठे, शेतीच्या नुकसानीची पाहणी करून पंचनामे करीत आहेत. पुरामुळे खारेपाटण परिसरातील आणि खाडी किनाऱ्याच्या गावांतील शेकडो एकर भातशेती कुजली आहे. पुराचा सर्वाधिक फटका या भागातील भातशेतीला बसला आहे.

येथील २५ हून अधिक गावातील शेतीचे नुकसान झाले आहे. या शिवाय केळुस, तुळस, बांदा, मसुरे परिसरातील देखील कित्येक एकर भातशेती कुजली आहे. सलग दुसऱ्या वर्षी पुराच्या पाण्यामुळे भातशेती कुजल्यामुळे या भागातील शेतकरी निसर्गापुढे हतबल आहे. 

वैभववाडीत मुसळधार पाऊस 
गेल्या दोन-तीन दिवसांपासून पावसाचे प्रमाण कमी झाले आहे. परंतु काही भागात पावसाच्या जोरदार सरी कोसळत आहेत. रविवारी (ता. २५) दिवसभर पावसाच्या हलक्या सरी पडल्या. रात्री वैभववाडी तालुक्याला मुसळधार पावसाने झोडपून काढले. तालुक्यात सर्वाधिक ९८ मिमी पावसाची नोंद झाली आहे. सोमवारी (ता. २६) सकाळपासून पावसाचा जोर पुन्हा कमी झाला आहे. 

 


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...