परभणी, हिंगोलीत सोयाबीन, तुर, कपाशीचे नुकसान

परभणी : परभणी, हिंगोली जिल्ह्यातील मंडळांत शुक्रवारी (ता.१८) सकाळी आठपर्यंतच्या २४ तासांत हलका ते जोरदार पाऊस झाला. परभणी जिल्ह्यातील मानवत, पूर्णा या दोन, तर हिंगोली जिल्ह्यातील कुरुंदा या मंडळात अतिवृष्टी झाली. ओढे, नाले, नद्यांचे पाणी बाजूच्या शेतामध्ये शिरले. त्यामुळे शेतातील उभ्या सोयाबीन, तूर, कपाशी आदी पिकांचे अतोनात नुकसान झाले.

परभणी जिल्ह्यातील ३९ पैकी ३४ मंडळामध्ये हलका ते जोरदार पाऊस झाला. पाच मंडळात पावसाची नोंद झाली नाही. मानवत (७७.८ मिमी) आणि पूर्णा (११०.५ मिमी) मंडळांमध्ये अतिवृष्टी झाली. परभणी, जिंतूर, सेलू, मानवत, पाथरी, सोनपेठ, गंगाखेड,पालम, पूर्णा तालुक्यातील अनेक मंडळात जोरदार पाऊस झाला.

हिंगोली जिल्ह्यातील ३० पैकी १८ मंडळांत हलका ते जोरदार पाऊस झाला. १२ मंडळांत पावसाची नोंद नाही. कुरुंदा मंडळात (१५८.५ मिमी) पावसाची नोंद झाली. हिंगोली, वसमत तालुक्यातील अनेक मंडळात पावसाचा जोर होता.

मंडळनिहाय पाऊस (मि.मी)

परभणी जिल्हा ः परभणी शहर १४, परभणी ग्रामीण १२.३, पेडगाव ११, जांब १२.३, झरी १२.३, दैठणा २०.५, पिंगळी १५.८, जिंतूर ५०.५, बोरी १५.४, चारठाणा २०, सेलू १९, देऊळगाव १५,८, वालूर ४०.८, कुपटा ६०.५, चिकलठाणा ३६.३, मानवत ७७.८, कोल्हा ३८.९, पाथरी ६४.३, बाभळगाव २४.३, हादगाव २६, आवलगाव २७.५, गंगाखेड १४.५,