Agriculture news in marathi Damage to sugarcane again due to untimely strike in Malegaon, Satana taluka | Page 3 ||| Agrowon

अवकाळीच्या तडाख्यात शेवग्याचे पुन्हा नुकसान

टीम अॅग्रोवन
गुरुवार, 25 फेब्रुवारी 2021

नाशिक : गत जानेवारी महिन्यात झालेल्या अवकाळी पावसामुळे कसमादे भागातील शेवगा लागवडी मोठ्या प्रमाणावर बाधित झाल्याने नुकसान झाले होते.

नाशिक : गत जानेवारी महिन्यात झालेल्या अवकाळी पावसामुळे कसमादे भागातील शेवगा लागवडी मोठ्या प्रमाणावर बाधित झाल्याने नुकसान झाले होते. त्यातून शेतकरी सावरले. तोच गत सप्ताहात वादळी वाऱ्यासह झालेल्या अवकाळी पावसामुळे मालेगाव व सटाणा तालुक्यातील शेवगा लागवडीत मोठ्या प्रमाणात फूलगळ झाली. झाडे उन्मळून पडली. पावसामुळे शेंगा लाल पडल्या. सलग दोन महिन्यात झालेल्या अवकाळीमुळे शेवगा उत्पादकांच्या अडचणी वाढल्या आहेत. 

नैसर्गिक धोके वाढत असल्याने मालेगाव, सटाणा, देवळा या तालुक्यातील शेतकऱ्यांनी शेवगा पिकाकडे मोर्चा वळविला. त्यातून क्षेत्राचा विस्तारही झाला आहे. मालेगाव तालुक्यातील दुष्काळी भागात लागवडी अधिक होत आहेत. मात्र या अस्मानी संकटांमुळे शेतकरी वर्ग धास्तावला आहे. अवकाळी पाऊस व गारांच्या तडाख्यात फांद्या व शेंगांना फटका बसला. मोठ्या प्रमाणावर जखमा दिसून येत आहेत. 

हिवाळी बहरातील तयार माल काढणीच्या अंतिम टप्प्यात आहे. मात्र पावसाच्या मारामुळे शेंगा लाल पडल्याने प्रतवारी घसरली आहे. त्यामुळे उत्पादन घटल्याचे चित्र आहे. त्यामुळे अनेक शेतकरी दुबार छाटण्या तयारीत आहेत. 

‘उत्पादनावर परिणाम; पुरवठ्यात घट’ 

सध्या दव पडत असल्याने तयार शेंगा लाल पडत आहेत. त्याचा परिणाम दरावर होत आहे. मालाचा तुटवडा असून बाजारात सध्या मागणी असूनही पुरवठा कमी होत आहे. त्यामुळे चांगली प्रतवारी असलेल्या शेंगांना प्रतिकिलो ५० ते ६०रुपये दर मिळत आहे, असे पवारवाडी (ता. मालेगाव) येथील शेतकरी महेश पवार यांनी सांगितले. 

सध्या उन्हाळी बहर धरला होता. मात्र अचानक आलेल्या पावसामुळे शेंगा, फूलगळ झाली आहे. त्यामुळे आगामी नियोजन कोलमडले आहे. 
- देविदास देवरे, शेतकरी, वडगाव, ता. मालेगाव.

जानेवारी व फेब्रुवारी महिन्यात दोनदा झालेल्या अवकाळीमुळे नुकसानीचे प्रमाण वाढले. सरकारने शेवगा पिकाला देखील पीक विमा योजनेत सहभागी करून घ्यावे. शेतकऱ्यांना दिलासा द्यावा. 
- मनोहर खैरनार, शेतकरी, डोंगराळे, ता. मालेगाव.
 


इतर ताज्या घडामोडी
सोलापुरी गुळाला ब्रॅंडिंगची संधीसोलापूर ः मधुरतेची वेगळी ओळख असलेला सोलापुरी...
उसाला पर्याय ठरण्याची उन्हाळी नाचणीत...कोल्हापूर : उन्हाळी नाचणी उसाचे कमी उत्पादन...
सिंचन योजना सौरऊर्जेवर चालविण्याबाबत...सांगली ः टेंभू, ताकारी व म्हैसाळ उपसा सिंचन...
सौर प्रकल्पासाठी ८६ ग्रामपंचायतींचे...नागपूर : महा कृषी ऊर्जा धोरणांतर्गत शेतीला...
‘श्रद्धा’चा दूध व्यवसाय युवा पिढीला...नगर ः श्रद्धा नवीन पिढीला दूध व्यवसायात प्रेरणा...
कृषी विद्यापीठाच्या दीक्षान्त समारंभाला...नागपूर : डॉ. पंजाबराव देशमुख कृषी विद्यापीठाच्या...
डाळिंबातील कीड- रोग नियंत्रणबहर व्यवस्थापन छाटणी मे महिन्यामध्ये केली असल्यास...
शेतकरी नियोजन पीक : शेवंतीमाझ्याकडे एकूण १० एकर शेती असून, पारंपरिक...
देवराई संवर्धनातून आदिवासींसाठी...मेघालयामध्ये देवराई संरक्षण आणि संवर्धनाला...
नांदेडमध्ये ४२ हजार ६४९ क्विंटल हरभरा...नांदेड : जिल्ह्यात किमान हमी दरानुसार सुरू...
व्हर्च्युअल क्लासरूममुळे कृषी शिक्षणाची...नगर ः व्हर्च्युअल क्लासरूम आणि अॅग्री-दीक्षा वेब...
‘एमआरपी’नुसारच खतांची खरेदी करावी सोलापूर ः यंदाच्या खरीप हंगामाच्या पार्श्‍वभूमीवर...
खरीप हंगामासाठी ११४० कोटी रुपये पीककर्ज...अकोला : अकोला जिल्ह्यात या खरीप हंगामासाठी ११४०...
सटाणा बाजार समिती आवाराबाहेर अवैध...नाशिक : सटाणा कृषी उत्पन्न बाजार समितीमध्ये काही...
नाशिक जिल्ह्यात विहिरींनी गाठला तळ नाशिक : जिल्ह्यात गत मॉन्सूनमध्ये अनेक भागांत...
भोकरखेडात चार वर्षांपासून शेतकरी वीज...वाशीम : शेतात वीज जोडणी घेऊन सिंचन करता येईल....
टेंभू योजनेचे पाणी सोडले; ‘बंदिस्त पाइप...आटपाडी, जि. सांगली : आटपाडी तालुक्‍यात टेंभू...
प्रत्येक गावाचा होणार कृषी विस्तार...जालना : कृषी विभागाच्या वतीने खरीप हंगामाचे...
तमाशा कलावंतांसाठी सरसावले मदतीचे हात नगर ः : कोरोना व्हायरसच्या संसर्गामुळे टाळेबंदी...
पंढरपूर विधानसभा पोटनिवडणुकीत चुरस सोलापूर ः पंढरपूर-मंगळवेढा विधानसभा...