खामसवाडीत नुकसानग्रस्त पिकांची होणार स्थळपंचनामे

खामसवाडी, जि. उस्मानाबाद : परिसरात १९ फेबुवारी रोजी झालेल्या पावसाने रब्बी पिकांचे नुकसान होताच ७२ तासांच्या आत १६०० शेतकऱ्यांनी विमा कंपनीकडे तक्रार अर्ज सादर केले.
Damaged in Khamaswadi There will be site inspections of crops
Damaged in Khamaswadi There will be site inspections of crops

खामसवाडी, जि. उस्मानाबाद : परिसरात १९ फेबुवारी रोजी झालेल्या पावसाने रब्बी पिकांचे नुकसान होताच ७२ तासांच्या आत १६०० शेतकऱ्यांनी विमा कंपनीकडे तक्रार अर्ज सादर केले. त्याची दखल घेत २६ फेब्रुवारी रोजी बजाज विमा कंपनीच्या प्रतिनिधींनी तक्रारदार शेतकऱ्यांकडून कागदपत्रे घेतली. दोन दिवसांत पिकांची प्रत्यक्ष पाहणी करून स्थळपंचनामे करण्यात येतील, अशी माहिती त्यांनी दिली. 

रब्बी २०१९ व खरीप २०२० चा पीक विमा मिळाला नाही. नुकसान झाल्यापासून ७२ तासाच्या आत संबंधित पीक विमा कंपनीला नुकसानीची माहिती देण्याची अट आहे. या अटीमुळे  ८० ते ९० टक्के शेतकऱ्यांना विमा मिळाला नाही. शासनाने नुकसानी पोटी हेक्टरी दहा हजार रुपये दोन हेक्टरपर्यंत जाहीर केले होते.

खामसवाडीत २७०० खातेदार शेतकरी आहेत. पैकी ११०० शेतकऱ्यांनी नुकसानीसाठी तलाठ्याकडे अर्ज केले. ज्यांनी अर्ज केले त्याच शेतकऱ्यांना दोन टप्प्यात दहा हजार मिळाले. बाकीचे वंचित राहिले. पुन्हा ४०० शेतकऱ्यांनी अर्ज केले. त्यांना काहीच मिळाले नाही. 

शेतकऱ्यांची तत्काळ कार्यवाही

विमा कंपनी व शासनाच्या जाचक अटीमुळे त्रस्त २१०० शेतकऱ्यांनी सावध भूमिका घेत अवकाळी पावसाने नुकसान होताच २६ फेब्रुवारीपर्यंत तलाठी कार्यालयास अर्ज सादर केले. बजाज विमा कंपनीस १६०० विमाधारक शेतकऱ्यांनी तक्रार केली.  

त्यानंतर कंपनीचे दोन प्रतिनिधींनी विमा संबंधित कागदपत्रे घेतली. दोन दिवसांत प्रत्यक्षात पिकांची पाहणी करून स्थळ पंचनामे कंपनीस पाठविणार आहे, असे त्यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com