Agriculture news in Marathi, Damaged vegetable crops did not panchnama | Agrowon

पुणे : नुकसानग्रस्त भाजीपाला पिकांचे पंचनामे होईनात

टीम अॅग्रोवन
शुक्रवार, 15 नोव्हेंबर 2019

पुणे ः मॉन्सुनोत्तर पावसामुळे पुणे विभागात नऊ हजार हेक्टरवरील भाजीपाला पिकांचे नुकसान झाले. परिणामी, भाजीपाला उत्पादनात घट होऊन शेतकऱ्यांचे मोठे नुकसान झाले. मात्र, सरकारने ठरावीक पिकांच्या नुकसानीचे पंचनामे करण्याचे आदेश दिल्याने भाजीपाला पिकांचे पंचनामे होत नसल्याची स्थिती आहे. यामुळे शेतकऱ्यांचे मोठे नुकसान होणार आहे. शासनाने भाजीपाला पिकांचेही तातडीने पंचनामे करण्याची मागणी पुढे येत आहे.  

पुणे ः मॉन्सुनोत्तर पावसामुळे पुणे विभागात नऊ हजार हेक्टरवरील भाजीपाला पिकांचे नुकसान झाले. परिणामी, भाजीपाला उत्पादनात घट होऊन शेतकऱ्यांचे मोठे नुकसान झाले. मात्र, सरकारने ठरावीक पिकांच्या नुकसानीचे पंचनामे करण्याचे आदेश दिल्याने भाजीपाला पिकांचे पंचनामे होत नसल्याची स्थिती आहे. यामुळे शेतकऱ्यांचे मोठे नुकसान होणार आहे. शासनाने भाजीपाला पिकांचेही तातडीने पंचनामे करण्याची मागणी पुढे येत आहे.  

काही दिवसांपूर्वी झालेल्या जोरदार पावसामुळे मेथी, वांगे, पालक, कोथिंबीर, भेंडी, टोमॅटो आदी पिकांचे मोठे नुकसान झाले आहे. पुणे विभागात ५१ तालुके बाधित असून, एकूण एक लाख ३६ हजार १४८ हेक्टर क्षेत्रावरील पिकांचे नुकसान झाल्याचा प्राथमिक अंदाज आहे. यामध्ये भाजीपाला पिकांचाही समावेश असून त्यांचे नुकसान झाले. 

सांगली, सोलापूर व सातारा जिल्ह्यातील काही नुकसानग्रस्त गावांना वरिष्ठ अधिकारी भेटी देत आहेत. मात्र, भाजीपाला पिकांचे मोठे नुकसान होऊनही याकडे प्रशासन विभागाने दुर्लक्ष केल्याचे चित्र आहे. पावसामुळे झालेल्या नुकसानीचे क्षेत्र कमी दिसत असले तरी गेल्या महिन्यात सांगली, कोल्हापूर, सातारा भागात झालेल्या पावसामुळे भाजीपाला पिकांचे मोठे नुकसान झाले आहे. त्यामुळे विभागात झालेले एकूणच दोन ते तीन महिन्यांत नुकसान झालेले क्षेत्र मोठे आहे.

अखिल भारतीय भाजीपाला उत्पादक संघाचे अध्यक्ष श्रीराम गाढवे म्हणाले, की गेल्या दोन ते तीन महिन्यांत झालेल्या सलग पावसामुळे भाजीपाला पिकांचे मोठे नुकसान झाले. यामध्ये प्रामुख्याने टोमॅटो, बटाटा या पिकांचे मोठे क्षेत्र आहे. याशिवाय मेथी, कोथिंबीर, शेपू, भेंडी, वांगे, कारले या पिकांचेही नुकसान झाले. नुकसानीमुळे शेतकऱ्यांचा फवारणी खर्च वाढला असून भाजीपाला उत्पादनात घट झाली आहे; परंतु शासन करीत असलेल्या पंचनाम्यामध्ये भाजीपाला पिकाला प्राधान्य देण्यात आलेले नाही. त्यामुळे भाजीपाला उत्पादक शेतकरी पंचनाम्यापासून वंचित आहे.

माझ्याकडे एकूण सहा एकर शेती आहे. त्यापैकी बटाटे दोन एकर, एक एकर कोबी, सोयाबीन दीड एकर, अर्धा-पाऊण एकर कांदारोपे होती. पावसामुळे जवळपास सर्वच पिकांचे नुकसान झाले. सरकारने सोयाबीनचे पंचनामे केले. बटाटे, कोबी, कांदारोपे यांची पाहणी केली; परंतु पंचनामे केले नाहीत. त्यामुळे लवकरच पंचनामे करावेत, अशी आमची मागणी आहे.
- निवृत्ती बडे, शेतकरी, तांदळी, ता. जुन्नर, जि. पुणे.

जुन्नर, आंबेगाव तालुक्यात झालेल्या नुकसानीची पुणे विभागाचे विभागीय आयुक्त डॉ. दीपक म्हैसेकर यांनी पाहणी केली होती. त्यांच्याकडेही आम्ही भाजीपाला पिकांचे पंचनामे करण्याची मागणी केली आहे. परंतु, त्यांच्याकडून फारसा प्रतिसाद मिळाला नाही.  
- श्रीराम गाढवे, अध्यक्ष, अखिल भारतीय भाजीपाला उत्पादक संघ, पुणे.


इतर ताज्या घडामोडी
कोल्हापुरात पुष्प प्रदर्शनास प्रारंभकोल्हापूर  : गार्डन्स क्लब आणि कोल्हापूर...
कळवण येथे शेतकरी संघटनेचे निर्बंधमुक्ती...नाशिक  : शेतकरी संघटनेचे संस्थापक शरद जोशी...
नुकसानीमुळे पीककर्जाकडे शेतकऱ्यांचा कल पुणे ः अतिपावसामुळे खरीप पिकांचे नुकसान...
सटाणा शहरात कचऱ्यापासून होणार...नाशिक : सटाणा शहराने स्वच्छतेच्या बाबतीत...
पुणे जिल्हा परिषद अध्यक्ष पदासाठी आज...पुणे ः पुणे जिल्हा परिषदेच्या अध्यक्ष पदासाठी...
औरंगाबाद, जालना, बीड जिल्ह्यांत कापूस...औरंगाबाद : आधी दुष्काळाचा ताण, त्यानंतर...
पुणे जिल्ह्यात ग्रामपंचायतींच्या...पुणे ः जिल्ह्यात पुढील वर्षी जुलै ते डिसेंबर २०२०...
काळ्या ज्वारीमुळे शासकीय खरेदीला ब्रेकअमरावती  ः अचलपूर खरेदी विक्री संघाला ज्वारी...
मराठवाड्यातील १४ लाख ५५ हजार हेक्‍टरवर...उस्मानाबाद : मराठवाड्यातील आठही जिल्ह्यांत १४ लाख...
अकोल्यात सोयाबीन पोचले ४१०० पर्यंतअकोला ः येथील कृषी उत्पन्न बाजार समितीत सोयाबीनला...
माकडांच्या उच्छादामुळे बोराच्या बागेचे...मानोरा जि. वाशीम ः तालुक्यातील  कारखेडा...
वाळवा तालुक्‍यात द्राक्ष उलाढालीत सात...वाळवा, जि. सांगली : अतिवृष्टीने द्राक्षशेतीचे...
कोल्हापूर जिल्ह्यात बँकांना २५००...कोल्हापूर : ‘‘जिल्ह्यात सर्वच बॅंकांना २ हजार ४३०...
कांदा साठवणूक निर्बंधाचा फेरविचार करानाशिक : गेल्या आठवड्याच्या तुलनेत या आठवड्यात...
नांदेड विभागातील १ लाख ८५ हजार टन उसाचे...नांदेड : चार जिल्ह्यांतील ८ कारखान्यांनी यंदाच्या...
चुकीच्या तापमान नोंदीमुळे रत्नागिरीतील...रत्नागिरी  : जिल्ह्यात आंबा, काजू पिकांसाठी...
जागते रहो... कांदाचोरांचा अजून सुळसुळाट...फलटण शहर, जि. सातारा   ः सध्या...
सांगली जिल्ह्यात हळद पिकावर कंदकुज,...सांगली  ः महापूर आणि अतिवृष्टीमुळे कंदकुज...
ओला दुष्काळ जाहीर न केल्यास आंदोलन करू...कोल्हापूर   ः दक्षिण महाराष्ट्रात ओला...
खानदेश, मराठवाडा, विदर्भातील काही...पुणे  ः राज्यातील काही भागांत ढगाळ हवामान...