agriculture news in marathi, Darna dam 50, and the roasted 100 percent filled | Agrowon

दारणा धरण ५०, तर पुनंद १०० टक्के भरले
टीम अॅग्रोवन
रविवार, 15 जुलै 2018

इगतपुरी, जि. नाशिक  :  इगतपुरी तालुक्यात चार दिवसांपासून संततधार पाऊस सुरू आहे. चोवीस तासांत दारणा, मुकणे, भावली धरणांच्या साठ्यात वाढ होत असून, दारणा धरण ३ हजार ५९० दलघफूट म्हणजे एकूण ५० टक्के भरले आहे.

इगतपुरी, जि. नाशिक  :  इगतपुरी तालुक्यात चार दिवसांपासून संततधार पाऊस सुरू आहे. चोवीस तासांत दारणा, मुकणे, भावली धरणांच्या साठ्यात वाढ होत असून, दारणा धरण ३ हजार ५९० दलघफूट म्हणजे एकूण ५० टक्के भरले आहे.

पावसाचा जोर आणखी वाढल्यास पुढील पाच-सात दिवसांत दारणा पूर्ण क्षमतेने भरेल. या धरणाच्या सहा वक्राकार स्वयंचलित दरवाजापर्यंत पाणी टेकले असून, येत्या दोन-तीन दिवसांत पाण्याची पातळी वाढल्यास धरणातून आवर्तन सुरू करण्यात येईल, असा अंदाज आहे. मुकणे, भावली, भाम, कडवा आदी धरणांतील पाणीसाठ्यात लक्षणीय वाढ होत आहे.

शुक्रवारी (दि. १३) सकाळी ६ वाजेपर्यंत इगतपुरी येथे ६५.० मिमी, घोटी येेथे ४१ मिमी, वाडीवर्ऱ्हे ३९  मिमी, नांदगाव बुद्रुक ३७ मिमी, टाकेद १२ मिमी तर धारगाव येथील वैतरणा पट्ट्यात सर्वाधिक ८५ मिमी पावसाची नोंद झाली आहे. साडेतीन हजार मिमी पावसाची सरासरी असलेल्या इगतपुरी तालुक्यात आतापर्यंत एकूण १२१९ मिमी पावसाची नोंद झाली आहे. गत वर्षाच्या तुलनेत यावर्षी कमी दिवसांत इतका पाऊस झाला आहे. त्यामुळे भात आवण्या जोरात सुरू असून, अनेक ठिकाणी त्या पूर्ण झाल्या आहेत. दारणा धरण ६० टक्के भरल्यास त्यातून पाण्याचे आवर्तन तत्काळ सोडले जाईल, असे पाटबंधारे विभागाच्या सूत्रांनी सांगितले.

संततधार पावसाने जनजीवन प्रभावित चार दिवसांपासून अविरत बरसत असलेल्या पावसामुळे जनजीवन विस्कळित झाले आहे. आधीच इगतपुरी तालुक्यातील रस्त्यांची दुरवस्था झाली आहे. त्यात पावसाने ते आणखी खराब झाले आहेत. अस्वली-मुंढेगाव-घोटी, घोटी-काळुस्ते आदी रस्त्यांवर खड्डे पडले असून, वाहनचालकांना कसरत करत मार्गक्रमण करावे लागत आहे. तर छोठे-मोठे अपघातही घडत आहेत.

सटाणा, देवळा, कळवण तालुक्यांचा पाणी प्रश्न सुटणार
गिरणा खोऱ्यातील पुनंद परिसरात गेल्या दोन दिवसांपासून संततधार सुरू असल्याने पुनंद धरण भरले आहे. धरण क्षेत्रातील पाणीसाठ्यात वाढ झाली आहे. जलसाठा स्थिर ठेवण्यासाठी धरणातून पाण्याचा विसर्ग होऊ लागल्याने गिरणा नदीला पूर आला आहे. नाले, ओहोळ दुथडी भरून वाहू लागले आहेत. पुनंद धरणातील या पाणीसाठ्यामुळे सटाणा, देवळा, कळवण तालुक्यांतील ग्रामस्थांचा पाणी प्रश्न सुटण्यास मदत होणार आहे.

या परिसरात गेल्या दोन दिवसांपासून संततधार सुरू आहे. धरणातून अठराशे क्युसेस पाण्याचा विसर्ग होऊ लागल्याने गिरणा नदीला यंदाचा पहिलाच पूर आला आहे. हे पाणी शुक्रवारी (ता. १३) सायंकाळपर्यंत लोहोणेर गिरणा पुलापर्यंत येऊन पोचल्याने सटाण्यासह देवळा पाणीपुरवठ्यासह शेती व सिंचनाचा प्रश्न मार्गी लागणार असल्याचे चित्र आहे.

कळवण व गिरणा तसेच पुनंद परिसरात काल मध्यरात्री पावसाने जोरदार हजेरी लावली. त्याबरोबर पश्चिमेकडील डोंगररांगांमधून पाण्याचे प्रवाह वाहू लागल्याने पुनंद खोऱ्यात सर्वच नाले-ओढे वाहू लागले. पुनंद धरणातील पाणीसाठ्यात १४ टक्क्यांनी वाढ झाली आहे. गिरणा दुथडी भरून वाहत असल्याचे चित्र सध्या खामखेडा परिसरात पहावयास मिळत आहे. गेल्या पंधरा दिवसांपासून दडी मारलेल्या पावसाने कळवणच्या पश्चिम भागात हजेरी लावल्याने शेतकरी वर्गात समाधानाचे वातावरण पसरले आहे.

इतर ताज्या घडामोडी
माजी केंद्रीय अर्थमंत्री अरूण जेटली...नवी दिल्ली : भारतीय जनता पक्षाचे ज्येष्ठ नेते आणि...
नाशिक जिल्ह्यात लाल कांद्याच्या...नाशिक : चालू वर्षी पावसाचे आगमन उशिरा झाल्यानंतर...
ग्रामपंचायत संगणक परिचालकांच्या...नाशिक : महाराष्ट्र शासनाच्या ग्रामविकास व माहिती...
धुळे जिल्ह्यात किसान सन्मान योजनेत दोन...धुळे : जिल्ह्यात प्रधानमंत्री किसान सन्मान निधी...
अमेरिकन लष्करी अळीमुळे मक्याची चाळणऔरंगाबाद : अमेरिकन लष्करी अळीकडून मका पिकाला...
पुरामुळे संगमेश्वर तालुक्यातील...रत्नागिरी  ः मुसळधार पावसामुळे संगमेश्‍वर...
अधिक नफ्यासाठी शेतकरी गटांनी कापूस...अमरावती : कापूस विक्रीऐवजी गाठी तयार करून...
सांगली जिल्ह्यात महापुरामुळे ६६ हजार...सांगली : जिल्ह्यात अतिवृष्टी आणि महापुरामुळे...
पुणे जिल्ह्यातील पाच तालुक्यांत...पुणे  : जिल्ह्याच्या पश्चिम भागात दमदार पाऊस...
महाबीजच्या ‘गुणवत्ता नियंत्रण’ला  राज्य...अकोला ः शिवणी येथील महाराष्ट्र राज्य बियाणे...
नांदेड जिल्ह्यात ‘शेतकरी मानधन’ची विशेष...नांदेड :‘‘जिल्ह्यातील अल्प आणि अत्यल्प भू- धारक...
तीन वर्षांपासून ‘जलयुक्त’चे पुरस्कार...नगर  ः दुष्काळमुक्तीसाठी शासनाने राबविलेल्या...
सातारा जिल्ह्यातील १३४ पाणीपुरवठा...कऱ्हाड, जि. सातारा ः महापुराने कृष्णा-कोयना या...
आमदार फोडण्याच्या नादात चंद्रकांतदादा...इस्लामपूर, जि. सांगली ः राज्यातील आमदार...
काटेमाठ खाल्ल्याने पाच जनावरे मृत्युमुखीकोपरगाव, जि. नगर  : बांधावरच्या गवतात...
परभणीत भेंडी १२०० ते २००० रुपये...परभणी : येथील पाथरी रस्त्यावरील फळे भाजीपाला...
राज्यात हिरव्या मिरचीला १८०० ते ४०००...परभणी : येथील पाथरी रस्त्यावरील फळे -भाजीपाला...
अकोल्यात कृषी सहायकांचे पदोन्नतीच्या...अकोला  ः अमरावती विभागातील कृषी सहायकांच्या...
सांगलीच्या पूर्व भागातील अग्रणी कोरडीठाकसांगली  ः  सांगली जिल्ह्याच्या चार...
सातारा जिल्ह्यातील ‘मराठवाडी’च्या...ढेबेवाडी, जि. सातारा : गेल्या काही...