‘ठिबक’च्या ऑनलाइन अर्जासाठी मुदतवाढ

drip irrigation
drip irrigation

पुणे ः ठिबक सिंचन योजनेचा लाभ घेण्यासाठी ऑनलाइन अर्ज करण्यासाठी मुदतवाढ देण्यात आली आहे. ऑनलाइन अर्ज करण्यासाठी २० फेब्रुवारी ही अंतिम मुदत होती. मात्र, अर्ज करण्याच्या शेवटच्या टप्प्यात संकेतस्थळ सातत्याने बंद पडत असल्याने अनेक शेतकऱ्यांना अर्ज करता आला नाही. त्यामुळे शेतकऱ्यांच्या मागणीचा विचार करून २९ फेब्रुवारीपर्यंत मुदतवाढ देण्यात आली आहे. राज्यातील बहुतांश भागात गेल्या काही वर्षांपासून सातत्याने दुष्काळी परिस्थितीमुळे पाणी टंचाईला सामोरे जावे लागत आहे. अशा परिस्थितीत सुक्ष्म सिंचन पद्धतीचा वापर करण्यास शेतकऱ्यांना प्रोत्साहन देण्यासाठी सरकार ठिबकसाठी अनुदान  देते.   काही भागात ठिबक सिंचनामुळे कमी पाण्यावर पिकांचे चांगले उत्पादन घेता आले. यामुळे जास्तीत जास्त शेतकऱ्यांनी ठिबक सिंचनाचा वापर करावा, यासाठी सरकारचे प्रयत्न सुरू  आहेत. २० फेब्रुवारीच्या अखेरीस मुदत संपण्याअगोदर अनेक ठिकाणी अर्ज करताना संकेतस्थळे बंद पडल्याने बहुतांशी शेतकऱ्यांना अर्ज करता आले नाहीत. त्यामुळे मुदतवाढ दिली आहे. ठिबक सिंचनासाठी केंद्र सरकार ५५ टक्के व राज्य सरकार २५ टक्के अनुदान देत आहे. दोन वर्षांपासून शेतकऱ्यांना ठिबक व तुषार सिंचनाचा कृषी विभागाकडून लाभ मिळावा यासाठी ऑनलाइन सुविधा उपलब्ध करून दिली आहे. अडीच लाख अर्ज पात्र यंदा ठिबक अनुदानासाठी जवळपास तीन लाख ५७ हजार ६०८ अर्ज दाखल झाले. त्यापैकी एक लाख १४ हजार ५६० अर्ज किरकोळ त्रुटीच्या कारणास्तव रद्द झाले आहेत. दोन लाख ४३ हजार ४८ अर्ज पात्र ठरविण्यात आले आहेत. यापैकी दोन लाख ९ हजार ९०२ अर्जांना पूर्वसंमती देण्यात आली आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com