agriculture news in Marathi, date extension for MSP procurement, Maharashtra | Agrowon

उडीद, मूग, सोयाबीन ऑनलाइन नोंदणीला मुदतवाढ

टीम अॅग्रोवन
गुरुवार, 17 ऑक्टोबर 2019

हमी दराने शेतमाल खरेदीसाठीचे ऑनलाईन पोर्टल बंद केलेले नाही.शासन व नाफेडकडून नोंदणीसाठी मुदतवाढ दिल्याची सूचना आली आहे . त्यानुसार मुगाकरिता 31 ऑक्टोबर पर्यंत तर उडीद व सोयाबीन करिता 15 नोव्हेंबर पर्यंत नोंदणी करता येणार आहे
- महेंद्र भेकाने, उपव्यवस्थापक, नाफेड खरेदी मार्केटिंग फेडरेशन

औरंगाबाद: हमीदराने उडीद, मूग, सोयाबीन खरेदीसाठीच्या नोंदणीला मुदतवाढ देण्यात आल्याची माहिती मार्केटिंग फेडरेशनच्या सूत्रांनी दिली. नवीन मुदतीनुसार उडीद, मुगाच्या हमीदराने खरेदीसाठी ३१ ऑक्‍टोबरपर्यंत तर सोयाबीनच्या खरेदीसाठी १५ नोव्हेंबरपर्यंत शेतकऱ्यांना ऑनलाइन नोंदणी करता येणार आहे.

केंद्र शासनाच्या या हमीदराने शेतमाल खरेदीसाठी राज्यात जवळपास २७६ केंद्रांना मंजुरी मिळालेली आहे. त्यामध्ये मार्केटिंग फेडरेशनचे १४४, विदर्भ मार्केटिंग फेडरेशनचे ३३ तर महा एफपीसीचे ९९ केंद्राचा समावेश आहे. यंदा मराठवाड्यात पावसाने पुन्हा एकदा आपल्या लहरीपणाचा परिचय दिल्याने खरिपाची पेरणी व त्यामुळे काढणीचा हंगाम लांबला. हंगाम लांबला असला तरी नाफेड, मार्केटिंग फेडरेशन, खरेदीविक्री संघ व महाएफपीसीअंतर्गत शेतकरी उत्पादक कंपनीच्या माध्यमातून खरेदी केंद्राला मंजूरात देण्यालाही विलंब झाला होता.  

केंद्र मंजूरीला विलंब झाला तरी उडीद मुगाची हमी दराने खरेदी करण्यासाठी १५ ऑक्‍टोबरपर्यंत तर सोयाबीनसाठी ३१ ऑक्‍टोबरपर्यंत ऑनलाईन नोंदणीची मुदत देण्यात आली होती. या मुदतीपर्यंत मराठवाड्यातील हमी दराच्या खरेदी केंद्रावर शेतकऱ्यांच्या नोंदणीला अत्यल्प प्रतिसाद मिळाला. यामध्ये सातबारावर अद्यावत पीक पेरा नसण्याचे कारण असल्याचे समोर आले होते. संबंधित यंत्रणा इलेक्‍शन मोडवर असल्याने अद्यावत पिक पेऱ्याचा सातबारा मिळण्यात अडचणी निर्माण झाल्याचे शेतकरी सांगत आहेत.  शिवाय पावसाच्या लहरीपणाने उत्पादनात आलेली घटही नोंदणीला प्रतिसाद न मिळण्याचे कारण बनली होती. 

अडथळ्याची शर्यत बनलेल्या हमी दराच्या खरेदीसाठी ऑनलाईन नोंदणीला वाढ देण्याची बाब शेतकरी वर्गातून पुढे येत होती. ‘ॲग्रोवन’ने १५ ऑक्‍टोबरच्या अंकात याविषयीच्या अडचणीविषयी  सविस्तर वृत्त प्रकाशीत केले होते. त्यानंतर १५ ऑक्‍टोबरलाच महाएफपीसीच्या माध्यमातून त्यांच्या अंतर्गत हमी दराने खरेदीत उतरलेल्या सर्व शेतकरी उत्पादक कंपन्यांना उडीद व मुगाच्या नोंदणीसाठी ३१ ऑक्‍टोबरपर्यंत तर सोयाबीनच्या नोंदणीसाठी १५ नोव्हेंबरपर्यंत मुदतवाढ देण्यात आल्याचे कळविण्यात आले होते.

याविषयी मार्केटिंग फेडरेशनच्या यंत्रणेशी मुदतवाढीविषयी संवाद साधला असता संबंधीत मुदतवाढ देण्यात आल्याचे सांगून लवकरच याविषयीचे लेखी पत्र सर्व जिल्हा कार्यालयांना पाठविण्यात येणार असल्याचे त्यांच्या वरीष्ठांनी सांगितल्याची माहिती सुत्रांनी दिली.


इतर अॅग्रो विशेष
राज्यात पावसाचा जोर वाढणार पुणे :  राज्यातील बहुतांशी भागात पुन्हा...
कोल्हापूर बाजार समिती संचालकांचे...कोल्हापूर : बेकायदेशीर नोकर भरती तसेच जागा...
मराठवाड्यातील मोठ्या प्रकल्पांत ५१...औरंगाबाद :  मराठवाड्यातील ८७३ प्रकल्पांतील...
धान खरेदीत मोठी अनियमिततागोंदिया: जिल्हा मार्केटिंग फेडरेशनच्या माध्यमातून...
मराठवाड्यात खरिपाची ४८ लाख हेक्टरवर...औरंगाबाद: मराठवाड्यात यंदा ऊस वगळता खरिपाच्या...
शेतकरी न्याय प्राधिकरणासाठी हालचालींना...नागपूर : शेतकऱ्यांच्या फसवणुकीला चाप बसावा...
राज्यात बीएस्सी कृषीची प्रवेश प्रक्रिया...अकोला ः यंदा कोरोनामुळे बीएससी कृषी प्रवेश...
कोकण, मध्य महाराष्ट्राला झोडपलेपुणे ः अरबी समुद्र व उत्तर महाराष्ट्राच्या...
टोमॅटो हंगामावर संभ्रमाचे ढगनाशिक: जिल्ह्यात दरवर्षी पश्चिम पट्ट्यात खरीप...
बुलडाणा जिल्ह्यातील १४ हजार शेतकरी मका...बुलडाणा ः जिल्ह्यातील १८ हजार ६८० शेतकऱ्यांनी मका...
दूध दरप्रश्‍नी राज्याचे केंद्र सरकारला...मुंबई: राज्यातील दूध दराचा तिढा सोडवण्यासाठी...
गोठवलेले शहाळ्यातील पाणी... तेही...शहाळ्यातील पाणी आपण नेहमी पितो. मात्र, तेच...
नव्या शिक्षणाची मांडणी शरद जोशींच्या...शरद जोशी जे म्हणतात ते महत्वाचे आहे की...
रेशीम शेतीला संजीवनीकोरोना लॉकडाउनचा फटका दुग्धव्यवसाय, कोंबडीपालन...
नाशिक विभागात चाळीस लाख टन कापसाची खरेदीनगर ः नाशिक विभागात यंदा १ लाख ३७ हजार ३४५...
देशभरात ‘नाफेड’कडून ८६ हजार टन कांदा...नाशिक: केंद्र सरकारच्या भाव स्थिरीकरण निधी...
कोरोनास्थितीमुळे पोल्ट्री उद्योगाची...नाशिक: कोरोनाच्या पार्श्वभूमीवर चिकनबाबत...
राज्यातील रेशीम कोष उत्पादकांना मिळणार...पुणे ः बदलत्या हवामानामुळे अडचणीत येत...
मका उत्पादकांचे लक्ष शासनाच्या...औरंगाबाद: हमीभाव खरेदी केंद्रांवरील खरेदी बंद...
लाल भेंडीसाठी शेतकऱ्याला केंद्राचे...सिंधुदुर्ग: जिल्ह्यातील आडेली (ता.वेंगुर्ला)...