agriculture news in marathi, deadline extend for last year sugar export | Agrowon

गेल्या वर्षीच्या साखर निर्यातीसाठी मुदतवाढ

राजकुमार चौगुले
शुक्रवार, 14 फेब्रुवारी 2020

कोल्हापूर : गेल्या वर्षीची (२०१८-१९) साखर निर्यात करण्यासाठी केंद्र सरकारने दीड महिन्याचा कालावधी वाढवून दिला आहे. १५ फेब्रुवारीअखेर आता कारखान्यांना नव्याने साखर निर्यात करता येणार आहे.

कोल्हापूर : गेल्या वर्षीची (२०१८-१९) साखर निर्यात करण्यासाठी केंद्र सरकारने दीड महिन्याचा कालावधी वाढवून दिला आहे. १५ फेब्रुवारीअखेर आता कारखान्यांना नव्याने साखर निर्यात करता येणार आहे.

गेल्या वर्षी ज्या साखर कारखान्यांनी काही प्रमाणात साखर निर्यात केलेली आहे. नवीन करार करताना ज्यांना अडचणी आल्या आहेत. त्यांना या मुदतवाढीचा फायदा मिळण्याची शक्‍यता आहे. सुरुवातीला ३० सप्टेंबरपर्यंत निर्यातीची मुदत होती. यानंतर यात वाढ होऊन ती ३१ डिसेबर अशी करण्यात आली. कारखान्यांच्या अडचणी पाहून या मुदतीत पुन्हा दीड महिन्याची वाढ करण्यात आल्याचे पत्र केंद्रीय अन्न नागरी पुरवठा ग्राहक मंत्रालयाचे सचिव जितेंद्र जुयल यांनी ११ फेबुवारीस कारखान्यांना दिले आहे. १५ फेब्रुवारीपर्यंत झालेले करार अनुदानास प्राप्त ठरणार आहेत.

दरम्यान, ही मुदत वाढ फक्त ज्यांनी थोड्या प्रमाणात तरी साखर निर्यात केली आहे, त्यांच्यासाठीच आहे. ज्या साखर कारखान्यांनी अजिबातच साखर निर्यात केलेली नाही. त्यांची माहिती मंत्रालयाने जानेवारीच्या शेवटच्या आठवड्यात कारखान्यांकडून मागविली आहे. येत्या काही दिवसांत ही माहिती केंद्राला प्राप्त झाल्यानंतर निर्यातीला नापसंती दाखविणाऱ्या कारखान्यांनाचा कोटा इतर कारखान्यांना देण्यात येणार आहे.

महाराष्ट्रातील कारखान्यांना फटका बसणार?
साखर निर्यातीच्या बाबतीत महाराष्ट्रातील कारखाने पिछाडीवर आहेत. उत्तर प्रदेशाने आपल्या कोट्याएवढी साखर निर्यात केली आहे. तेथील कारखाने खासगी असल्याने त्यांनी तातडीने आंतराष्ट्रीय पातळीवर वाढणाऱ्या दराचा फायदा घेऊन साखर निर्यातीचे करार केले. परंतु महाराष्ट्रातील कारखान्यांनी मात्र यात चालढकलपणा केला. राज्यातील साखरेवर बॅंकांचे कर्ज असल्याने काही कारखान्यांना साखर निर्यात करता आली नाही. याचा फटकाही कारखान्यांना बसू शकतो. उत्तर प्रदेशातील कारखान्यांनी निर्धारित निर्यात पूर्ण केल्याने हा कोटा तेथील कारखान्यांना मिळू शकतो. या कारखान्यांनी निर्यात करार न केल्यास केंद्राच्या इतर सवलतींपासूनही निर्यात न करणाऱ्या कारखान्यांना मुकावे लागण्याची शक्‍यता आहे.

गेल्या सहा महिन्यांपासून केंद्रीय अन्न नागरी पुरवठा ग्राहक मंत्रालयाच्या वतीने कारखान्यांना सातत्याने निर्यातीबाबतचे आवाहन करण्यात येत आहे. उत्तर प्रदेशातील साखर कारखान्यांनी याला तातडीने प्रतिसाद देऊन साखर निर्यात केले. साधारणत: ३० लाख मेट्रिक टनांचे साखर करार झाले आहेत. यापैकी १५ लाखांहून अधिक टन साखर निर्यात झाली आहे. निर्यात प्रक्रियेत उत्तर प्रदेश आघाडीवर आहे. जानेवारी महिन्यात महाराष्ट्रातील काही कारखान्यांनी काही प्रमाणात निर्यात करार करण्यास प्राधान्य दिले. पण ते कारखानेही अपेक्षित निर्यात करू शकले नसल्याची स्थिती आहे. राज्यातून केवळ ५ ते ६ लाख मेट्रिक टन साखर निर्यात होऊ शकली.

राज्यातील साखर कारखान्यांनी कोणत्याही परिस्थितीत जास्तीत जास्त साखर निर्यात करणे गरजेचे आहे. अन्यथा, या कारखान्यांचा कोटा उत्तर प्रदेशातील कारखान्यांना मिळू शकतो. सध्या आंतराष्ट्रीय पातळीवर असलेली दरवाढ ही किती दिवस राहील याची शाश्‍वती नसल्याने आताच निर्यात करण्यास कारखान्यांना संधी आहे.
- प्रकाश नाईकनवरे,
व्यवस्थापकीय संचालक, राष्ट्रीय सहकारी साखर महासंघ


इतर अॅग्रोमनी
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
चांगल्या बाजारभावासाठी ‘एनसीडीईएक्स’चा...शेतकऱ्यांसाठी दराचे संरक्षण (प्राइज इन्शुरन्स)...
‘जीआय’प्राप्त उत्पादनांच्या ब्रँडिंगवर...नाशिक : भारतीय शेतीमाल व खाद्यपदार्थांना जगभर...
ग्राहकांच्या अपेक्षेनुसार उत्पादन...सध्या शेतकरी कायद्यामध्ये बदल झाल्यानंतर करार...
जळगावच्या सुवर्ण बाजाराला झळाळीजळगाव ः शुद्धता, सचोटीसाठी प्रसिद्ध असलेल्या...
सोयाबीनची चाल पाच हजारांकडे  पुणे ः देशांतर्गत बाजारातील कमी आवक, शिकागो बोर्ड...
बेदाणा दरात सुधारणासांगली ः गेल्या चार ते पाच महिन्यांपासून...
नाईक सूतगिरणीचा कंटेनर निघाला चीन,...पुसद, जि. यवतमाळ : लॉकडाउन काळात पिंपळगाव कान्हा...
बांगलादेशच्या वस्त्रोद्योगात चीनची मोठी...जळगाव ः भारतीय कापसाचा सर्वांत मोठा खरेदीदार...
साखर निर्यात यंदा ठरणार फायदेशीरकोल्हापूर : साखरेचा आंतरराष्ट्रीय बाजारात गेल्या...
सांगलीत हळदीची उलाढाल २८० कोटींनी घटलीसांगली ः कोरोना विषाणूमुळे बाजार समित्या बंद...
बांगलादेशमधील संत्रा निर्यात लांबणीवरनागपूर : तांत्रिक कारणांमुळे बांगलादेशमध्ये...
साखरेचे नवे निर्यात करार ठप्पकोल्हापूर: देशातील साखर हंगामास सुरवात होत असली...
हापूस विक्री, निर्यातीला प्रोत्साहनपर...रत्नागिरी ः कोकणच्या हापूसला भौगोलिक मानांकन (...
तांदळाची विक्रमी निर्यात होणार पुणे: देशात यंदा सर्वत्र समाधानकारक पाऊस...
देशातून ३५ लाख कापूस गाठींची निर्यात...जळगाव ः जगभरात कापूस पिकाला नैसर्गिक फटका बसतच...
भारतातील तेलबियांची परिस्थितीभारतामध्ये तेलबियांची विविधता अधिक असून, जागतिक...
बंगलोर रोझ, कृष्णपुरम वाणाचा दहा हजार...नाशिक : बंगलोर रोझ व कृष्णपुरम छोट्या आकाराच्या...
डाळींच्या दरात दहा टक्के वाढ मुंबई : पालेभाज्या, कांदा, बटाटा यांसह आता...