नांदेड ः जिल्हा परिषदेअंतर्गत कृषी योजनांच्या प्रस्तावांसाठी मुदतवाढ

जिल्हा परिषदेअंतर्गत कृषी योजनांच्या प्रस्तावांसाठी मुदतवाढ
जिल्हा परिषदेअंतर्गत कृषी योजनांच्या प्रस्तावांसाठी मुदतवाढ

नांदेड ः डॉ. बाबासाहेब आंबेडकर कृषी स्वावलंबन योजना आणि बिरसा मुंडा कृषी क्रांती योजना (२०१९-२०) अंतर्गत नांदेड जिल्ह्यातील शेतकऱ्यांना ऑनलाइन अर्ज करण्यासाठी गुरुवार (ता. ५) ते गुरुवार (ता. १९ )पर्यंत विशेष बाब म्हणून कृषी आयुक्तालयाने मुदतवाढ दिली आहे.

यापूर्वी या योजनांतर्गत ऑनलाइन अर्ज करण्याची सुविधा www.agriwell.mahaonline.gov.in या संकेतस्थळावर ५ ऑगस्ट ते बुधवार (ता. ४)पर्यंत उपलब्ध करून देण्यात आली होती. मंगळवार (ता. ३) पासून संकेतस्थळ पूर्ण क्षमतेने कार्यान्वित होत नसल्यामुळे बरेच लाभार्थी ऑनलाइन नोंदणी करू शकले नाहीत. तसेच, ग्रामसेवक यांचे राज्यव्यापी आंदोलन सुरू असल्यामुळे ग्रामीण भागातील शेतकऱ्यांना शासकीय योजनेचा लाभ घेण्यासाठी लागणारे प्रमाणपत्र ग्रामसेवकाकडून मिळत नाही. 

त्यामुळे या योजनेंतर्गत ऑनलाइन अर्ज स्वीकारण्यासाठी मुदतवाढ मिळावी, यासाठी कृषी विकास अधिकारी संतोष नादरे यांनी कृषी आयुक्तालयास प्रस्ताव सादर केला होता. त्यामुळे या योजनेअंतर्गत अर्ज करण्यासाठी आता गुरुवार (ता. १९)पर्यंत मुदतवाढ देण्यात आली आहे. गरजू शेतकऱ्यांनी या संधीचा लाभ घ्यावा. 

संकेतस्थळावर ऑनलाइन अर्ज करावेत. अधिक माहितीसाठी पंचायत समितीचे कृषी अधिकारी यांच्याशी संपर्क साधावा, असे आवाहन जिल्हा परिषदेचे कृषी व पशुसंवर्धन सभापती दत्तात्रेय लक्ष्मण रेड्डी, अतिरिक्त मुख्य कार्यकारी अधिकारी डॉ. शरद कुलकर्णी, कृषी विकास अधिकारी संतोष नादरे यांनी केले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com