जालना : निर्यातक्षम द्राक्षांच्या नोंदणीसाठी ३० नोव्हेंबरपर्यंत मुदत

निर्यातक्षम द्राक्षांच्या नोंदणीसाठी ३० नोव्हेंबरपर्यंत मुदत
निर्यातक्षम द्राक्षांच्या नोंदणीसाठी ३० नोव्हेंबरपर्यंत मुदत

जालना : निर्यातक्षम द्राक्ष बागांची नोंदणी करण्याकरिता ग्रेपनेट या ऑनलाइन कार्यप्रणालीची सुविधा १४ ऑक्‍टोबर २०१९ पासून ‘अपेडा’च्या वेबसाइटवर कार्यान्वित करण्यात आली आहे. ३० नोव्हेंबरपर्यंत द्राक्ष उत्पादकांना यासाठी नोंदणी करता येणार आहे. तर उशिरात उशिरा ३१ डिसेंबर २०१९ पर्यंत नोंदणी करता येणार असल्याची माहिती कृषी विभागाच्या सूत्रांनी दिली. 

युरोपियन युनियन तसेच रशिया, चीन, हाँगकाँग, मलेशिया, दुबई व इतर देशांना द्राक्ष निर्यातीकरिता ‘ग्रेपनेट’द्‌वारे बागांची नोंदणी आवश्‍यक आहे. ३० नोव्हेंबरपूर्वी संबंधित तालुक्‍याचे तालुका कृषी अधिकारी त्यासाठी अर्ज करता येईल. मागील वर्षापासून ऑनलाइन द्राक्षबागांची नोंदणी करण्याकरिता अपेडा फार्मरकनेक्‍ट मोबाईल ॲपच्या सुविधा उपलब्ध करून देण्यात आल्या आहेत. 

यंदापासून ग्रेपनेट ही ऑनलाइन कार्यप्रणाली राज्यातील ३४ जिल्ह्यांसाठी कार्यान्वित केली आहे. निर्यातक्षम बागांची नोंदणी, नूतनीकरण करण्यासाठी शेतकऱ्यांनी विविध प्रपत्र-१ मध्ये अर्ज व अर्जासोबत सातबाराची प्रत व बागेचा नकाशा व ५० रुपये शुल्क अर्ज संबंधित कृषी सहायक, कृषी पर्यवेक्षक, कृषी अधिकारी किंवा संबंधित तालुका कृषी अधिकाऱ्यांकडे करावा. 

नोंदणी केल्यानंतर ती झाल्याचा संदेश शेतकऱ्यांच्या मोबाईलवर पाठविण्याची व्यवस्था करण्यात आली आहे. चालू वर्षापासून बाहेरील देशाबरोबरच स्थानिक बाजारपेठेमध्ये ग्राहकांना कीडनाशक उर्वरित अंश मुक्‍त द्राक्ष उपलब्ध करून देण्याच्या दृष्टिकोनातून ९० हजार द्राक्ष बागांची नोंदणी करण्याचे उद्दिष्ट निर्धारीत करण्यात आले आहे. त्यासाठी द्राक्ष बागायतदारांसाठी प्रशिक्षणाचीही सोय करण्यात आली आहे. 

यामध्ये राष्ट्रीय द्राक्ष संशोधन केंद्राचे शास्त्रज्ञ, कृषी विभागाचे अधिकारी व इतर तज्ज्ञांमार्फत मार्गदर्शन करण्यात येणार आहे. जालना जिल्ह्यातील कडवंचीसह इतर गावांमधील शेतकऱ्यांना याविषयी अवगत करण्यात आले असल्याची माहिती आत्माचे दत्तात्रय सूर्यवंशी यांनी दिली. जिल्ह्यात १४ ऑक्‍टोबरपासून आजपर्यंत एकही नोंदणी झाली नसल्याचेही त्यांनी स्पष्ट केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com