Agriculture news in Marathi Deadline for registration of sale of cotton in Akola till Tuesday | Agrowon

अकोल्यात कापूस विक्री नोंदणीसाठी मंगळवारपर्यंत मुदत

टीम अॅग्रोवन
शनिवार, 23 मे 2020

अकोला : सध्या सुरू असलेल्या कापूस खरेदीचा वेग वाढविण्यासाठी प्रयत्न सुरू असून हजारो शेतकऱ्यांकडे कापूस पडून आहे. अनेकांची नोंदणी व्हायची आहे. आता नोंदणी राहलेल्या शेतकऱ्यांना मंगळवार (ता. २६) पर्यंत मुदत देण्यात आली आहे.

अकोला : सध्या सुरू असलेल्या कापूस खरेदीचा वेग वाढविण्यासाठी प्रयत्न सुरू असून हजारो शेतकऱ्यांकडे कापूस पडून आहे. अनेकांची नोंदणी व्हायची आहे. आता नोंदणी राहलेल्या शेतकऱ्यांना मंगळवार (ता. २६) पर्यंत मुदत देण्यात आली आहे.

अकोला जिल्ह्यात कापूस उत्पादक शेतकऱ्यांकडे मोठ्या प्रमाणात कापूस शिल्लक आहे. तो कापूस शासनाने खरेदी करावा म्हणून शेतकरी, संघटना, लोकप्रतिनिधींनी शासनाकडे दबाव वाढवलेला आहे. शुक्रवारी (ता. २२) शेतकरी संघटनेने कापूस जाळा आंदोलनही केले. अशा स्थितीत शासनाने सीसीआयच्या केंद्रावर खरेदीला वेग देण्याचे जाहीर केले आहे. बाजार समितीतर्फे कापूस खरेदीसाठी वेळ निश्चित करून देण्यात आली आहे.

जिल्हा उपनिबंधकांनी दिलेल्या माहितीनुसार मंगळवारपर्यंत शेतकऱ्यांना त्यांच्याकडील कापूस विक्रीसाठी नोंदणी करता येणार आहे. आगामी महिन्यात पाऊस सुरू होण्यापूर्वी कापूस खरेदीची प्रक्रिया करण्यासाठी प्रशासनाकडून कापूस पणन महासंघ व सीसीआय यांना वेळोवेळी सूचित करण्यात आले आहे. त्यामुळे ज्या शेतकऱ्यांकडे अजून कापूस विक्रीसाठी शिल्लक आहे, त्या शेतकऱ्यांनी २६ मेपर्यंत नोंदणी करावी, असे आवाहन जिल्हा उपनिबंधक डॉ. प्रवीण लोखंडे यांनी केले आहे.

जिल्ह्यात ९.८४ लाख क्विंटल कापसाची खरेदी
जिल्ह्यात या हंगामात सुरू असलेली कापूस खरेदी अद्यापही सुरू आहे. मिळालेल्या माहितीनुसार आत्तापर्यंत ३२ हजार ५०० शेतकऱ्यांकडील ९ लाख ८४ हजार क्विंटल कापूस खरेदी झालेला आहे. कापूस खरेदीसाठी शेतकऱ्यांकडून जिल्ह्यातील सर्व कृषी उत्पन्न बाजार समित्यांमध्ये नोंदणी केली जात आहे. जिल्ह्यात कापूस पणन महासंघाकडून आजपर्यंत एकूण ४३३८ शेतकऱ्यांचा १ लाख २१ हजार ९८५ क्विंटल कापूस खरेदी झाला. तर सीसीआयने २८ हजार १९९ शेतकऱ्यांचा ८ लाख ६० हजार १६८ क्विंटल कापूस खरेदी केला. अद्यापही काही शेतकऱ्यांकडे कापूस विक्री व्हायचा आहे. या शेतकऱ्यांकडील कापूस खरेदी करण्यासाठी २६ मे पर्यंत नोंदणीची मुदत देण्यात आली आहे.

बार्शीटाकळी येथील केंद्र होणार २९ मे रोजी बंद
सीसीआयचे बार्शीटाकळी येथे कापूस खरेदी केंद्र आहे. या केंद्रावर ज्या शेतकऱ्यांनी कापूस खरेदीकरिता नोंदणी केली त्यांचा कापूस खरेदी करणे बाकी आहे. त्या शेतकऱ्यांना शुक्रवारी (ता. २९) सायंकाळी पाच वाजेपर्यंत विक्री करता येणार आहे. त्यानंतर बार्शीटाकळी येथील कापूस खरेदी केंद्र बंद करण्यात येणार आहे. संबंधित शेतकऱ्यांनी दिलेल्या दिवशी कापूस विक्रीसाठी केंद्रावर आणावा, असे आवाहन करण्यात आले आहे.


इतर ताज्या घडामोडी
स्वामीनाथन सूत्रानुसार हमीभाव दिल्याचा...नाशिक: स्वामीनाथन सुत्राप्रमाणे उत्पादन खर्च...
उस्मानाबाद, लातूर, बीडमध्ये पावसाचा जोर औरंगाबाद : मराठवाड्यातील पाच जिल्ह्यात बुधवारी (...
नगरच्या ४० महसूल मंडळांत जोरदार पाऊसनगर : जिल्ह्यात सलग तिसऱ्या दिवशी बुधवारी (ता.३)...
परभणी, नांदेड, हिंगोलीत पावसामुळे कापूस...परभणी : परभणी, नांदेड, हिंगोली जिल्ह्यात गेल्या...
बुलडाण्यात पीककर्जाचे ७ टक्केच वाटप बुलडाणा : पावसामुळे शेतकऱ्यांनी पेरणीच्या...
कोल्हापूर जिल्ह्यात दिवसभर संततधार...कोल्हापूर : जिल्ह्यात दिवसभर संततधार पाऊस सुरूच...
निसर्ग चक्रीवादळाचा पुणे जिल्ह्याला...पुणे : निसर्ग चक्रीवादळाचा जिल्ह्यालाही फटका...
नाशिकच्या पूर्व भागात वादळामुळे नुकसान नाशिक : जिल्ह्यात बुधवार (ता.३) सकाळपासून सर्वदूर...
सांगली जिल्ह्यात बरसला मुसळधार सांगली : कोकणचे प्रवेशद्वार समजल्या जाणाऱ्या...
विदर्भात सर्वदूर मान्सूनपूर्व पावसाची...नागपूर : विदर्भात सर्वदूर मान्सूनपूर्व पावसाने...
साताऱ्यात वाऱ्यासह मुसळधार पाऊस सातारा : जिल्ह्यात बुधवारी सकाळापासून...
‘निसर्ग’मुळे रत्नागिरी जिल्ह्यात...रत्नागिरी : निसर्ग चक्रीवादळाने जिल्ह्यात...
भाटी मिऱ्या समुद्रात नांगरलेली जहाज...चिपळूण, रत्नागिरी : निसर्ग चक्रीवादळाचा जोरदार...
जीएम पिकांच्या मान्यतेसाठी केंद्राकडे...नागपूर: जागतिकस्तरावर जीएम पिकांच्या लागवडीस...
विविध मागण्यांसाठी रेशन दुकानदार ...नाशिक: राज्यातील स्वस्त धान्य दुकानदार व...
मका खरेदी तातडीने सुरू कराबुलडाणा ः मोताळा तालुक्‍यात मागील दहा दिवसांपासून...
शेतकऱ्यांना त्रास झाल्यास भाजप आंदोलन...अकोला ः शेतकऱ्यांना बी-बियाणे, कर्जपुरवठा तसेच...
सिंधुदुर्गात पाऊस सुरूच सिंधुदुर्ग: जिल्ह्यात तिसऱ्या दिवशीही...
जादा खरेदी दर, नापासच्या अधिक ...अकोला ः महाबीजने सोयाबीन वाणाच्या प्रमाणित...
ऊस उत्पादक केंद्राचे वैरी आहेत काय? कोल्हापूर: केंद्र सरकारने शेतकऱ्यांना दिलेल्या...