Agriculture news in Marathi, Decide before code of conduct for tanker, fodder camps: Ajit Pawar | Page 2 ||| Agrowon

टॅंकर, चारा छावण्यांबाबत आचारसंहितेपूर्वी निर्णय घ्या ः अजित पवार

टीम अॅग्रोवन
शनिवार, 14 सप्टेंबर 2019

पुणे : जिल्ह्याच्या काही तालुक्यांत पाणी आणि चाराटंचाईची स्थिती कायम आहे. ३० सप्टेंबरपर्यंत जनावरांच्या छावण्या सुरू राहणार आहेत. येत्या काही दिवसांतच आचारसंहिता लागणार आहे. त्यामुळे आताच लक्ष देऊन टँकर व चारा छावण्यांबाबत ठोस निर्णय घ्या, अन्यथा पुन्हा आचारसंहितेकडे बोट दाखवू नका, अशा सूचना जिल्हाधिकाऱ्यांना दिल्याचे माजी उपमुख्यमंत्री अजित पवार यांनी सांगितले. 

पुणे : जिल्ह्याच्या काही तालुक्यांत पाणी आणि चाराटंचाईची स्थिती कायम आहे. ३० सप्टेंबरपर्यंत जनावरांच्या छावण्या सुरू राहणार आहेत. येत्या काही दिवसांतच आचारसंहिता लागणार आहे. त्यामुळे आताच लक्ष देऊन टँकर व चारा छावण्यांबाबत ठोस निर्णय घ्या, अन्यथा पुन्हा आचारसंहितेकडे बोट दाखवू नका, अशा सूचना जिल्हाधिकाऱ्यांना दिल्याचे माजी उपमुख्यमंत्री अजित पवार यांनी सांगितले. 

जिल्हा परिषदेच्या पंचायत विभागाच्या वतीने आदर्श ग्रामसेवक, सरपंच आणि जिल्हा परिषद सदस्य पुरस्कारांचे वितरण अजित पवार यांच्या हस्ते झाले. जिल्हा परिषदेचे अध्यक्ष विश्वास देवकाते, उपाध्यक्ष विवेक वळसे-पाटील, मुख्य कार्यकारी अधिकारी उदय जाधव, जिल्हा बँकेचे अध्यक्ष रमेश थोरात, सभापती प्रवीण माने, सुजाता पवार, राणी शेळके, सुरेखा चौरे आदी उपस्थित होते.

पवार म्हणाले की, ‘‘राज्यातील शिक्षक, आरोग्य सेवक, अंगणवाडी सेविका यांच्यासह शासनातील अनेक घटकांचे प्रश्न प्रलंबित आहेत. आचारसंहितेपूर्वी शासनाने ग्रामसेवकांचे सर्व प्रश्न मार्गी लावावेत. ग्रामसेवकांच्या संपामुळे अनेक कामे खोळंबली आहेत. या प्रश्नांवर मार्ग काढण्यासाठी सरकार अपयशी ठरत असल्याची टीका पवार यांनी केली. सरपंच, उपसरपंच यांना मिळणारे मानधन त्यांना कमीपणा आणणारे आहे. लोकप्रतिनिधींना अधिक मानधन मिळाले पाहिजे, ही आमची भूमिका आहे. आमचे सरकार आल्यावर त्यामध्ये नक्कीच वाढ करू,’’ असे आश्वासनही पवार यांनी दिले. 

चांगले काम करणाऱ्या लोकप्रतिनिधींना पुरस्कार देऊन गौरविले जाते हीच त्यांच्या कामाची पावती आहे. मात्र, त्यांनी यामध्ये सातत्य ठेवणे गरजेचे आहे. तीन वर्षांचे पुरस्कार एकदाच दिल्याने नाराजी व्यक्त करताना गुणवत्तेचा सत्कार वेळीच होणे गरजेचे आहे. तीन वर्षापूर्वी जे सरपंच होते, त्यांचे सरपंचपदही आता संपले असेल, त्यामुळे ज्या वर्षीचे पुरस्कार त्याच वर्षी द्यावेत, अशा सूचना पवार यांनी केल्या. प्रास्ताविक मुख्य कार्यकारी अधिकारी उदय जाधव यांनी केले. सूत्रसंचालन आशिष जराड यांनी केले, तर सामान्य प्रशासन विभागाचे उपमुख्य कार्यकारी अधिकारी महादेव घुले यांनी आभार मानले.

कमकुवत विरोधी 
पक्ष धोक्याची घंटा

काम चांगले असेल तर ते लाट थोपवू शकते याचे उत्तम उदाहरण म्हणजे शरद पवारसाहेब हेच आहेत. त्यांच्याविषयी लोकांमध्ये विश्वास होता म्हणूनच ते अनेक वर्षे राजकारण करत आहेत. मात्र, काही जण पक्षनिष्ठा बाजूला ठेवत आहेत. विरोधी पक्ष कमकुवत असणे ही लोकशाहीसाठी धोक्याची घंटा असल्याचेही मत अजित पवार यांनी व्यक्त केले.


इतर ताज्या घडामोडी
सोलापूर जिल्ह्यात उसावर ‘हुमणी’चा...सोलापूर  : जिल्ह्यात खरिपातील मूग, उडदावर...
राधानगरीतून २८०० क्युसेक विसर्गकोल्हापूर : जिल्ह्याच्या पश्चिम भागात पावसाचा जोर...
सांगली जिल्ह्यात तुरीच्या पेरणी...सांगली : जिल्ह्यात गतवर्षी परतीचा झालेला पाऊस आणि...
मका बनले नाशिक जिल्ह्यातील प्रमुख पीकयेवला : कांद्याचा अन् द्राक्षाचा जिल्हा अशी...
रत्नागिरीत मत्स्य शेतीकडे छोट्या...रत्नागिरी : मत्स्य व्यवसाय विभागाला लाखोंचे...
रासायनिक खतांचा योग्य वापर महत्त्वाचापिकांना खताची मात्रा ठरविण्यापूर्वी जमिनीचे...
मका, सीताफळ, केळी, भाजीपाला पीक सल्ला (...प्रादेशिक हवामान केंद्र, मुंबई येथून प्राप्‍त...
दूध प्रश्नी मुख्यमंत्र्यांनी हस्तक्षेप...नगर ः दुधाला प्रतिलिटर किमान 30 रुपये दर मिळावा...
सुपारी, आंबा, नारऴ, काजू फळबाग सल्ला (...ढगाळ व दमट वातावरणामुळे, आंब्याच्या नवीन येणाऱ्या...
राज्यात लिंबं २०० ते १६०० रूपये क्विंटलऔरंगाबादमध्ये क्विंटलला ५०० ते ७०० रुपये दर...
खानदेशात भिज पावासाने पिकांना लाभजळगाव  ः खानदेशात मागील दोन दिवस भिज पाऊस...
सोलापूर जिल्ह्यात मूगाची पाने पिवळी पडू...सोलापूर  ः जिल्ह्यात पावसाने वेळेवर हजेरी...
प्राथमिक शिक्षकांच्या प्रशासकीय बदल्या...कुसुंबा, जि. धुळे ः सर्वांत मोठा नोकर वर्ग म्हणून...
बार्शीतील रेशनच्या धान्य...सोलापूर  ः बार्शी तालुक्यातील रेशनचे धान्य...
शेत जमिनीच्या मोजणीसाठी चार हजार...सोलापूर ः पती-पत्नीच्या नावावर असलेल्या...
‘आयआयएचआर’चे बियाणे आता ऑनलाइन नाशिक : भारतीय कृषी संशोधन परिषदेच्या बंगळुरू...
मराठवाड्यात पीक कर्जाचे ४०.८३ टक्केच...औरंगाबाद : मराठवाड्यात शेतकऱ्यांना खरीप पीक...
पुणे जिल्ह्यातील सहा धरणांत ८०...पुणे ः धरणाच्या पाणलोट क्षेत्रात पावसाचा जोर कायम...
सातारा जिल्हा बँकेतर्फे १३४ टक्के...सातारा : जिल्हा वार्षिक पत आराखाड्यात २०२०-२१...
जनावरांमध्ये `लंपी स्किन`चा संसर्ग नांदेड  ः अर्धापूर परिसरात गाय, बैल आदी...