agriculture news in Marathi decision on cane chopping labor payment didnt came out in fourth meeting Maharashtra | Agrowon

चौथ्या बैठकीतही ऊसतोडणी दरवाढीवर तोडगा नाहीच 

टीम अॅग्रोवन
रविवार, 25 ऑक्टोबर 2020

ऊसतोडणी मजुरांच्या तोडणी दरात वाढ करावी यासह अन्य मागण्यांसाठी यंदा ऊसतोडणी कामगार संघटनांनी संप पुकारला आहे. 

नगर ः ऊसतोडणी मजुरांच्या तोडणी दरात वाढ करावी यासह अन्य मागण्यांसाठी यंदा ऊसतोडणी कामगार संघटनांनी संप पुकारला आहे. मजुरीच्या दरवाढीवर चर्चा करण्यासाठी दोन दिवसांपूर्वीही साखर संघाच्या कार्यालयात मजुर प्रतिनिधींसोबत बैठक झाली. मात्र त्यातही तोडगा निघाला नाही. यंदाच्या संपानंतर ही चौथी बैठक होती. सर्व संघटनांनी एकमत करुन दराबाबत बोलणी करावी, असे आवाहन साखर संघाने केले. मात्र दराबाबत संघटनांत एकमत नसल्याचेही यावेळी दिसून आले. तर, यंदा गाळपासाठी ऊस अधिक असल्याने हंगाम लांबण्याची शेतकऱ्यांना भीती आहे. 

दरम्यान, दसऱ्यानंतर दोन ते तीन दिवसात संपावर तोडगा निघण्याची शक्यता व्यक्त केली जात आहे. 

ऊसतोड कामगारांच्या दराचा करार संपलेला असल्याने ऊसतोडणी दरात दुप्पट वाढ करावी, मुकादमाच्या कमिशनमध्येही वाढ करावी, लवादाचा करार पाच ऐवजी तीन वर्षाचा करावा यासह अन्य मागण्यासाठी यंदा ऊसतोडणी कामगार संघटनांनी संप पुकारला आहे. संपावर तोडगा निघावा यासाठी नुकतीच साखर संघाच्या कार्यालयात साखर संघाचे अध्यक्ष जयप्रकाश दांडेगावकर यांच्या अध्यक्षतेखाली संघटनांच्या प्रतिनिधींची बैठक झाली. साखर संघाचे संचालक यांच्यासह ऊसतोडणी कामगार संघटनांचे नेते गहिनीनाथ थोरे पाटील, माजी आमदार केशवराव, प्रदीप भांगे, प्रा. सुशिला मोराऴे, मोहन जाधव, दत्तु भांगे, श्रीमंत जायभाये यांच्यासह संघटनांचे प्रतिनिधी उपस्थित होते. 

बैठकीत ऊसतोडणी मजुरांच्या दरवाढीसह इतर मागण्यांवर चर्चा झाली. दरवाढीबाबत प्रत्येक संघटनेच्या प्रतिनिधींनी वेगवेगळी मागणी केली. सर्व संघटनांनी दराबाबत एकमत करुन मागणी करावी, असे आवाहन यावेळी साखर संघाने केले. मात्र या बैठकीत दराबाबत एकमत झाले नाही. मात्र पुरेशी दरवाढ झाल्याशिवाय संप मागे घेणार नसल्याचे सर्व संघटनांनी यावेळी स्पष्ट केले. संपाबाबत चर्चा करुन तोडगा काढण्यासाठी ही चौथी बैठक होती. दसऱ्यानंतर दोन दिवसात तोडगा काढण्याचा प्रयत्न असेल, मात्र मागण्या मान्य होईपर्यंत संप सुरुच राहणार असल्याचे थोरे यांनी सांगितले. 

दरम्यान, शरद पवार यांनी संपावर तोडगा काढावा अशी मागणी असल्याने मजूर आणि कारखानदार दोघांचेही शरद पवार यांच्या भूमिकेकडे लक्ष लागले आहे. 

केवळ दहा टक्के मजुरांनी घर सोडले 
ऊसतोडणी मजुरांच्या तोडणी दरात वाढ करण्यासाठी मजुरांच्या संघटनांनी संप पुकारला आहे. तरीही राज्यातील चाळीसगाव, जळगाव भागातील काही मजूर कारखान्यांकडे गेले आहेत. मात्र मराठवाडा, नगर, धुळे, वाशीम, पुसद भागातील मजुरांनी घर सोडलेले नाही. योग्य दरवाढ झाल्याशिवाय घरही सोडणार नाही, असे ऊसतोडणी मजूर संघटनांनी बैठकीत सांगितले. 
 


इतर बातम्या
महाटीत उपसरपंचपदासाठी साडेदहा लाखांची...नांदेड ः ग्रामपंचायत निवडणुकीपूर्वी उपसरपंचपदाचा...
राज्यात शनिवारपासून ‘जनप्रबोधन यात्रा’नगर/पुणे ः शेतकरी आत्महत्येला कारणीभूत असलेल्या...
फळांपासून वाइननिर्मितीसाठी महाराष्ट्र...नाशिक : द्राक्षाबरोबर डाळिंब, जांभूळ,...
सोलापूर जिल्ह्यात ऊसदरासाठी शेतकरी...सोलापूर ः सोलापूर जिल्ह्यातील सर्व कारखानदार...
शेतकऱ्याने १८ एकरांतील कपाशीत घातली...अकोला ः जिल्ह्यातील कापूस क्षेत्र यंदा बोंड अळीने...
गोदावरी खोरे सिंचन आराखडा सरकारने...नांदेड : आपल्या शासनाच्या काळात मराठवाड्यातील...
शिराळा तालुक्यात गुऱ्हाळघरांना उशिरा...सांगली ः शिराळा तालुक्यात यंदा गूळ उत्पादनाचा...
केंद्रीय पथकाकडून कापूस पिकाची पाहणीआरेगाव, यवतमाळ ः गुलाबी बोंड अळीचा प्रादुर्भाव...
नाशिक बाजार समितीत व्यापाऱ्याकडून...नाशिक : येथील कृषी उत्पन्न बाजार समितीत...
धान उत्पादकांना प्रतिक्विंटल सातशे...मुंबई: आधारभूत किंमत खरेदी योजनेअंतर्गत खरीप पणन...
पंढरपुरात कार्तिकी वारीचा उद्या मुख्य...सोलापूर: कार्तिकी वारी यात्रेचा मुख्य सोहळा उद्या...
‘सौर कृषिपंपा’चा लक्ष्यांक संपल्याने...पुणे : मुख्यमंत्री सौर कृषिपंप योजनेसाठी मोठ्या...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
मराठवाडा, विदर्भात हलक्या पावसाची शक्यतापुणे ः बंगालच्या उपसागराच्या नैर्ऋत्य भागात ‘...
पीककर्जाची प्रकरणे तत्काळ मार्गी लावा...नाशिक ः ‘‘छत्रपती शिवाजी महाराज सन्मान...
नाशिक जिल्ह्यातील कांद्याच्या दरात...नाशिक : सोमवारी (ता. २३) जिल्ह्यातील प्रमुख बाजार...
कुरखेड्यात ‘महावितरण’वर शेतकऱ्यांचा...गडचिरोली : कृषी पंपाच्या फिडरवर सुरू असलेले...
बुलडाणा जिल्ह्यात गुलाबी बोंडअळीने...बुलडाणा : जिल्ह्यात सुमारे १७४ गावांत गुलाबी...
मठपिंपळगाव-गोलापांगरीत द्राक्षात खर्च,...अंबड, जि. जालना : मठपिंपळगाव-गोलापांगरी परिसरातील...
`नांदेड जिल्ह्यातील नुकसानग्रस्तांना...नांदेड : अतिवृष्टी तसेच परतीच्या पावसामुळे...