Agriculture news in Marathi Decision to continue Krishi Nivistha Kendras: Jayant Patil | Page 2 ||| Agrowon

कृषी निविष्ठा केंद्रे सुरू ठेवण्याचा निर्णय घेणार ः जयंत पाटील

टीम अॅग्रोवन
बुधवार, 12 मे 2021

कृषी निविष्ठांची दुकाने काही काळ उघडी ठेवण्याबाबत मंत्रिमंडळाच्या बैठकीत चर्चा करून निर्णय घेण्यात येईल, असे प्रतिपादन जलसंपदा तथा सांगली जिल्ह्याचे पालकमंत्री जयंत पाटील यांनी केले.

सांगली ः जिल्ह्यात १५ मे नंतर लॉकडाउन संपल्यानंतर खरीप हंगामासाठी खते, बी-बियाणे यांचा सुरळीत पुरवठा व्हावा, या दृष्टीने कृषी निविष्ठांची दुकाने काही काळ उघडी ठेवण्याबाबत मंत्रिमंडळाच्या बैठकीत चर्चा करून निर्णय घेण्यात येईल, असे प्रतिपादन जलसंपदा तथा सांगली जिल्ह्याचे पालकमंत्री जयंत पाटील यांनी केले.

खरीप हंगामपूर्व नियोजन आढावा बैठक सोमवारी (ता. १०) पालकमंत्री पाटील यांच्या अध्यक्षतेखाली व्हीडिओ कॉन्फरन्सिंगद्वारे झाली. बैठकीस सहकार व कृषी राज्यमंत्री डॉ. विश्वजित कदम, खासदार संजय पाटील, आमदार अरुण लाड, आमदार गोपीचंद पडळकर, आमदार अनिल बाबर, आमदार मानसिंगराव नाईक, आमदार सुमनताई पाटील, जिल्हाधिकारी डॉ. अभिजित चौधरी, जिल्हा अधीक्षक कृषी अधिकारी बसवराज मास्तोळी उपस्थित होते.

बैठकीत शेततळे ५ एकर जमीन अट शिथिलता, खताचे दर कमी कराची मागणी झाली. प्रलंबित वीज जोडण्या लवकर करण्यात याव्यात, असे आदेश देण्यात आले. पीक विम्याबाबत ११ मे रोजी कृषिमंत्री दादा भुसे यांच्यासमवेत बैठक होणार असल्याचे स्पष्ट झाले. जिल्ह्यात खरीप क्षेत्र ३ लाख ८६ हजार हेक्टर क्षेत्र असून ३३ हजार ६०० क्विंटल बियाणे मागणी तर १ लाख ४२ हजार १६० टन खत मागणी आहे.  जिल्ह्यात खरीप हंगामात २५८ शेतीशाळा राबविण्यात येणार असून ५१ महिला शेतीशाळा राबविण्याचे नियोजन केले आहे. खरीप हंगामामध्ये ‘विकेल ते पिकेल’ अंतर्गत नावीन्यपूर्ण पिकांचे प्रकल्प जोंधळा भात, माडग्याळ मटकी, रोपाव्दारे तूर लागण, सोयाबीन ग्राम बीजोत्पादन, शेवगा लागवड व ड्रॅगन फ्रूट लागवडीचे प्रकल्प राबविण्यात येणार आहेत. कर्ज पुरवठा खरीप हंगामात १ हजार ८९० कोटी व रब्बी हंगामामध्ये ८१० कोटी असा एकूण २ हजार ७०० कोटी कर्ज वितरणाचे नियोजन करण्यात आले आहे.

पीकविमा योजना व हवामान आधारित पीकविमा योजनेचा लाभ ट्रीगरमुळे विमा कंपन्या शेतकऱ्यांना देत नाहीत. याबाबत लोकप्रतिनिधींनी विचारणा केल्यानुसार मंगळवारी (ता. ११) कृषिमंत्री भुसे यांच्यासमवेत बैठक घेऊन ट्रीगरमध्ये सुधारणा करण्यात येईल, असे सहकार व कृषी राज्यमंत्री डॉ. विश्वजीत कदम यांनी सांगितले. गोपीनाथ मुंडे अपघात विम्याचा लाभ मिळण्यासाठी विलंब होतो. याबाबत सुद्धा योग्य ती सुधारणा करण्यात येईल.


इतर बातम्या
औरंगाबाद :सोयाबीनची सरासरीच्या दीडपट...औरंगाबाद : सोयाबीनची सरासरी क्षेत्राच्या दीडपट...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...