Agriculture news in Marathi Decline in sugar prices in the world market | Page 2 ||| Agrowon

जागतिक बाजारात साखर दरात घट

राजकुमार चौगुले
गुरुवार, 24 जून 2021

ब्राझीलमध्ये जूनमध्ये झालेला पाऊस व भारतामध्ये गाळप हंगामाच्या शेवटच्या टप्प्यात गेल्या वर्षीच्या तुलनेत वाढलेले साखर उत्पादन या दोन्ही बाबीचा परिणाम म्हणून आंतरराष्ट्रीय बाजारात साखरेच्या दरामध्ये जवळपास ४० ते ५० डॉलरनी घट झाली. 

कोल्हापूर : जगातील सर्वांत जास्त साखर उत्पादन असणाऱ्या ब्राझीलमध्ये जूनमध्ये झालेला पाऊस व भारतामध्ये गाळप हंगामाच्या शेवटच्या टप्प्यात गेल्या वर्षीच्या तुलनेत वाढलेले साखर उत्पादन या दोन्ही बाबीचा परिणाम म्हणून आंतरराष्ट्रीय बाजारात साखरेच्या दरामध्ये जवळपास ४० ते ५० डॉलरनी घट झाली. 

गेल्या दोन महिन्यांच्या तुलनेत पहिल्यांदाच साखरेचे दर इतक्या खाली आले आहेत. बुधवारी (ता. २३) जागतिक बाजारात रिफाइन साखरेस टनास ४२३ डॉलर, तर कच्च्या साखरेचे दर १६ सेंट प्रति पौंड इतके होते. ८ जूनला रिफाइन साखरेचा दर ४६७ डॉलर होता. तर रिफाइन साखरेचा दर १७.८० सेंट प्रति पौंड होते. 

यंदा ब्राझीलमध्ये दुष्काळ असल्याने साखरेचे उत्पादन कमी होईल, असा अंदाज साखर उद्योगाने व्यक्त केला होता. तसेच इथेनॉलला ही मागणी वाढत असल्याने ब्राझील इथेनॉलकडे वाढणार असल्याने त्याचाही परिणाम साखरेच्या उत्पादनावर होईल, असे चित्र असल्याने दोन महिन्यांपासून आंतरराष्ट्रीय बाजारात साखरेचे दर वाढून होते. 

पावसाअभावी उसाची रखडलेली वाढ उत्पादन घटीस कारणीभूत ठरत असल्याने ब्राझीलमधून साखरेचा पुरवठा जागतिक बाजारात कमी होत होता. परंतु जूनच्या पहिल्या आठवड्यामध्ये ब्राझीलमध्ये सरासरी १५ ते २० मिलिमीटर पाऊस झाला. यामुळे नुकसानीत आलेल्या उसाला जीवदान मिळाले. हवामान विभागाने जून ते ऑगस्ट दरम्यान ब्राझीलमध्ये पाऊस होण्याची शक्यता वर्तवली आहे. जूनमध्ये याची सुरुवात झाल्याने ऊस पीक चांगले येईल, अशी अपेक्षा निर्माण झाली. यामुळे पुन्हा जागतिक बाजारात साखरेचे दर कमी झाल्याचे व्यापारी सूत्रांनी सांगितले. 

याबरोबर दुसरे एक महत्त्वाचे कारण म्हणजे भारतातील साखर हंगाम संपला आहे. गेल्या वर्षीपेक्षा सुमारे पस्तीस लाख टन साखर जादा उत्पादित झाली आहे. साखर निर्यातीचे करारही वेगात आहेत. भारतातून साखर जादा प्रमाणात आंतरराष्ट्रीय बाजारात येईल या अपेक्षेने जागतिक बाजारांमध्ये दर कमी झाले आहेत. सुरुवातीच्या अंदाजामध्ये ब्राझीलमधून सत्तावीस लाख टन साखर पहिल्या काही महिन्यात बाजारात येईल, असा अंदाज होता. 

पावसाची शक्‍यता पाहता तीस लाख टनांहून अधिक साखर बाजारात येण्याचा अंदाज नव्याने वर्तविण्यात आला आहे. सध्या ब्राझीलमध्ये ३५ टक्के पर्यंत साखर हंगाम पूर्ण झाला आहे. जोपर्यंत ७० टक्क्यांपर्यंत तेथील साखर हंगाम पोहोचणार नाही तोपर्यंत जागतिक बाजारात साखरेची स्थिती कशी राहील याबाबत नेमका अंदाज व्यक्त करणे कठीण असल्याचे व्यापारी सूत्रांनी सांगितले.

सध्या जागतिक बाजारात साखरेचे दर कमी झाले असले तरी ते काहीच दिवस कमी राहतील, असा अंदाज व्यापारी सूत्रांचा आहे. ब्राझीलमध्ये जूनला पाऊस झाला असला तरी जुलै-ऑगस्टमध्ये पुरेसा पाऊस होईल याबाबत ठोस कुणी ही सांगू शकत नाही. ब्राझीलमधील काही कारखाने यंदाही खास इथेनॉल निर्मितीकडे वळले आहेत. याचा सकारात्मक परिणाम साखर उत्पादन घटण्यावर होईल व आंतरराष्ट्रीय बाजार ऑगस्टपर्यंत पुन्हा तेजीत येऊन दर स्थिर होतील, असा अंदाज निर्यातदार सूत्रांचा आहे.

जूनच्या पहिल्या आठवड्यापर्यंत असणारी तेजी जूनच्या अंतिम टप्यात कमी झाली. सध्या जूनच्या पहिल्या आठवड्याच्या तुलनेत रिफाइन साखरेचे दर ४० ते ५० डॉलरनी तर कच्या साखरेचे दर सरासरी २ सेंटनी कमी झाले आहेत. दरात घसरण झाली आहे पण ही घसरण फार काळ चालणार नाही, अशी आशा उद्योगाला आहे.
- अभिजित घोरपडे, साखर निर्यातदार


इतर अॅग्रोमनी
वाढत्या मागणीने हरभरा दरात सुधारणापुणे : साठेबाज, व्यापारी आणि मिलर्सवर असलेली...
तूर, मूग, उडीद आयातीची प्रक्रिया सुरू;...पुणे : केंद्र सरकारने पंचवार्षिक करार करून...
रब्बीचे हमीभाव जाहीर : गव्हात ४०; हरभरा...नवी दिल्ली : केंद्र सरकारने रबी हंगामासाठी...
उडीद दरात सुधारणेची चिन्हेपुणे ः गेल्या हंगामात देशात उडदाचे उत्पादन कमी...
बेदाणा दरात प्रतिकिलो २५ ते ३० रुपयांची...सांगली : अफगाणिस्तानात तालिबानी राजवट आल्यामुळे...
जालन्यात रेशीम कोषाला उच्चांकी ५१...जालना : जालना कृषी उत्पन्न बाजार समिती अंतर्गत...
साखरेच्या किमान विक्री दरात वाढ करावी...नागपूर : एफआरपीत वाढ झाली असतानाच साखरेच्या...
सोयाबीन दराची पुन्हा दहा हजारी; दर...पुणे ः गेल्या सप्ताहात सोयाबीन दरात मोठी सुधारणा...
कडधान्याचे गणित पावसावरच अवलंबूनमुंबई : देशात यंदा मॅान्सूनची सुरुवात चांगली झाली...
साखरदराचा वारू चौखूर उधळला; ३५०० चा...कोल्हापूर : गेल्या पंधरा दिवसांपासून स्थानिक...
पंढरपुरात बेदाण्यास सर्वाधिक ३०५ रुपये...सोलापूर : पंढरपूर कृषी उत्पन्न बाजार समितीमध्ये...
सोयापेंड आयात थांबवा : राज्य सरकारचे...पुणे : जनुकीय परावर्तित (जीएम) सोयाबीनपेंडच्या...
साखर दराला झळाळी; दोन वर्षांतील...कोल्हापूर : साखरेच्या आंतरराष्ट्रीय बाजारात...
ब्राझीलला दणका; भारतीय साखर उद्योगास...जगात घडणाऱ्या प्रत्येक छोट्या-मोठ्या घटनांमुळे...
ग्लोबल एक्सलन्स ॲवॉर्डने अनिल जैन यांचा...जळगाव : पाणी क्षेत्रातील उत्तम कामगिरीबद्दल ‘...
साखरच्या दरात २०० रुपयांनी वाढकोल्हापूर : आंतरराष्ट्रीय बाजारात साखरेचे दर वाढत...
कच्ची साखरनिर्यात यंदा फायदेशीर कोल्हापूर ः येत्या साखर हंगामात आंतरराष्ट्रीय...
उत्पादक कंपनीच्या संचालक मंडळाचे कार्यप्रत्येक ‘एफपीओ’चे संचालक मंडळ पाचपेक्षा कमी...
राज्यात हंगामावर यंदा जादा साखरेचे ओझेकोल्हापूर : यंदाच्या हंगामापूर्वी देशात गेल्या...
भारतीय साखरेला थायलंडचे आव्हानकोल्हापूर : येत्या हंगामात साखरनिर्यातीसाठी...