agriculture news in marathi Deep Depression intensified into Cyclonic Storm Nisarga | Page 2 ||| Agrowon

‘निसर्ग’चक्रीवादळाची तीव्रता वाढली; उद्या अलिबागजवळ धडकण्याची शक्यता

टीम अॅग्रोवन
मंगळवार, 2 जून 2020

अरबी समुद्रात महाराष्ट्र, कर्नाटकच्या किनाऱ्यालगत आज (ता.२) दुपारी १.४५ वाजता ‘निसर्ग’ चक्रीवादळाची निर्मिती झाली आहे. चक्रीवादळाची तीव्रता वाढत असून, रात्री उशिरा या प्रणालीचे तीव्र चक्रीवादळात रूपांतर होण्याची शक्यता आहे.

पुणे : अरबी समुद्रात महाराष्ट्र, कर्नाटकच्या किनाऱ्यालगत आज (ता.२) दुपारी १.४५ वाजता ‘निसर्ग’ चक्रीवादळाची निर्मिती झाली आहे. चक्रीवादळाची तीव्रता वाढत असून, रात्री उशिरा या प्रणालीचे तीव्र चक्रीवादळात रूपांतर होण्याची शक्यता आहे. किनारपट्टीलगत ताशी ११० ते १२५ किलोमीटर चक्राकार वारे वाहून हे ‘चक्रीवादळ’ उद्या (ता.३) दुपारपर्यंत हरिहरेश्‍वर व दमन दरम्यान जमिनीवर येणार असून, रायगड जिल्ह्यातील अलिबागजवळ किनाऱ्याला धडकण्याचा इशारा देण्यात आला आहे. चक्रीवादळामुळे उंच लाट उसळून समुद्राला उधाण आले आहे.  

महाराष्ट्र, कर्नाटकच्या किनारपट्टीलगत मंगळवारी (ता.२) सकाळी कमी तीव्रतेचे वादळ (डीप डीप्रेशन) होते. त्याची तीव्रता वाढून दुपारी चक्रीवादळाची निर्मिती झाली. ही वादळी प्रणाली गोव्याच्या पणजीपासून २८० किलोमीटर, मुंबईपासून ४९० किलोमीटर, तर गुजरातच्या सुरतपासून ७१० किलोमीटर नैर्ऋत्येला होती. या कमी दाब क्षेत्राचे केंद्र ताशी ११ किलोमीटर वेगाने उत्तरेकडे सरकत आहे. रात्री उशिरापर्यंत अरबी समुद्रात तीव्र चक्रीवादळ घोंगावणार असून, ते महाराष्ट्र व गुजरातच्या किनाऱ्याकडे येणार आहे. 

या वादळामुळे उद्या (ता.३) महाराष्ट्राच्या किनारपट्टीलगत रायगड, मुंबई, पालघर, ठाणे जिल्ह्यात ताशी ११० ते १२० किलोमीटर वेगाने, तर गुजरातच्या वलसाड, नवसारीसह दमण, रत्नागिरी, सिंधुदुर्ग जिल्ह्यात ताशी ९० ते १०० वेगाने वारे वाहण्याची शक्यता आहे. तर महाराष्ट्र, गुजरात, गोवा किनाऱ्यालगत समुद्रात १ ते २ मीटर उंच लाट उसळणार असल्याने मासेमारीसाठी समुद्रात न जाण्याचा इशारा देण्यात आला आहे. किनारपट्टीलगतच्या नागरिकांना सतर्क राहण्याच्या सुचनाही देण्यात आला आहे.

दरम्यान आज सायंकाळपासून जोरदार वारे वाहून, कोकण, गोव्यात मुसळधार, तर उत्तर कर्नाटक, मध्य महाराष्ट्र आणि मराठवाड्यातही तुरळक ठिकाणी जोरदार पावसाची शक्यता वर्तविण्यात आली आहे. तर उद्या उत्तर कोकण, उत्तर महाराष्ट्र, दक्षिण गुजरात दमण, दादरा नगर हवेली मध्ये जोरदार, मध्य प्रदेश, मराठवाड्यात तुरळक ठिकाणी हलक्या पावसाची शक्यता आहे. 

या वादळामुळे किनारपट्टीलगतची कच्ची घरे, घरांची छपरे, पत्रे उडून जाण्याची, वीजेचे आणि टेलिफोनचे लाइन, कच्चे, पक्के रस्ते खराब होण्याचे, तसेच रस्त्यांवर पाणी साचण्याची शक्यता आहे. तर झाडांच्या फांद्या, केळी, पपईच्या बागा, किनारपट्टीय भागातील पिकांना तडाखा बसण्याचा इशारा देण्यात आला आहे. किनारपट्टीय जिल्ह्यांसाठी राष्ट्रीय सुरक्षा दलाच्या (एनडीआरएफ) तुकड्या सज्ज ठेवण्यात आल्या आहेत.


इतर अॅग्रो विशेष
अडीच लाख शेतकऱ्यांच्या जमिनी सावकाराकडे...अमरावती : राष्ट्रीय व खासगी बँकांनी हात आखडता...
धरणक्षेत्रात पावसाची हजेरी पुणे : पावसासाठी पोषक वातावरण नसल्याने पावसाचा...
सर्वदूर हलक्या पावसाची शक्यता पुणे : बंगालच्या उपसागरातील कमी दाब क्षेत्राच्या...
पीक विम्यात कुचराई केल्यास नोटिसा काढा...नाशिक: पीकविमा योजनांची संबंधित कंपन्यांच्या...
मत्स्यबीज केंद्रामुळे महिला झाल्या...भिगवण (जि. पुणे) येथील पाच उपक्रमशील महिलांनी...
गणपतराव देशमुख यांच्या पार्थिवावर...सोलापूर ः शेतकरी कामगार पक्षाचे ज्येष्ठ नेते आणि...
चीनची खत निर्यातीवर बंदी बीजिंग ः चीनमध्ये खतांचे घटलेले उत्पादन, विजेच्या...
राज्याची पीकपेरा नोंद आता शेतकरीच करणार पुणेः सातबारा उतारावरील पीकपेऱ्याची नोंद आता...
निसर्गदूतांच्या सहयोगाने ‘झाडांची भिशी...सोलापुरातील उपक्रमशील डॅाक्टर, इंजिनिअर्स,...
खानदेशात मका पिकात अमेरिकन लष्करी अळीचा...जळगाव : खानदेशात मका पिकाची लागवड यंदा बऱ्यापैकी...
पंधरा दिवस पावसाचा जोर कमी राहणार पुणे : गेल्या पंधरा दिवस कोकण आणि घाटमाथ्यावर...
पूर परिस्थितीवर मात करण्यासाठी यापुढे...कोल्हापूर : सातत्याने निर्माण होणाऱ्या पूर...
दोष पीकविमा कंपन्यांचा, रोष आमच्यावर;...पुणे ः पीकविमा योजनेचे कंत्राट मिळवलेल्या खासगी...
दिवेकर, ताटेंसह १४ कृषी उपसंचालकांच्या...पुणे ः राज्याच्या कृषी आयुक्तालयातील ठिबक कक्षाचे...
मध्य महाराष्ट्र, कोकण, घाटमाथ्यावर हलका...पुणे : राज्यातील धरणक्षेत्रात पावसाचा जोर कमी...
पीकविमा तक्रार निवारण व्यवस्थेचे तीन...पुणे ः पंतप्रधान पीकविमा योजनेबाबत समस्या किंवा...
यवतमाळ जिल्ह्यात वाघांची संख्या वीस यवतमाळ : वनसंपदेने नटलेल्या यवतमाळ जिल्ह्यात...
बावीस जिल्ह्यांत उभारणार तेलघाणे नागपूर ः विदर्भात तेलबियावर्गीय पिकांना...
सोयाबीन पिकाची किडीकडून चाळणआर्णी, जि. यवतमाळ : तालुक्यातील लोणी येथील...
‘आयटी’ मित्रांची शेती व्यवस्थापन कंपनीतुमची शेती आमच्यावर सोपवा, आम्ही आधुनिक...