मराठवाड्यातील प्रकल्पांच्या उपयुक्त पाणीसाठ्यात घट

मराठवाड्यातील प्रकल्पांच्या उपयुक्त पाणीसाठ्यात घट
मराठवाड्यातील प्रकल्पांच्या उपयुक्त पाणीसाठ्यात घट

औरंगाबाद : मराठवाड्यातील २९ मध्यम प्रकल्पांसह ७ बंधाऱ्यांत उपयुक्‍त पाण्याचा थेंब नाही. प्रकल्पांमधील उपयुक्‍त पाणीसाठ्यातील घट सुरूच अाहे. एकूण ८६४ प्रकल्पांमध्ये शुक्रवारअखेर (ता. २८) केवळ ३३.०२ टक्‍के उपयुक्‍त पाणीसाठा झाल्याची नोंद झाली आहे.

यंदा पावसाने दिलेल्या ओढीने मराठवाड्यातील लघू, मध्यम, मोठ्या प्रकल्पांसह बंधाऱ्यांमध्ये अपेक्षित पाणीसाठा झालाच नाही. शुक्रवारच्या माहितीनुसार, ११ मोठ्या प्रकल्पांमध्ये केवळ ३७ टक्‍केच उपयुक्‍त पाणीसाठा झाला. त्यापाठोपाठ ७५ मध्यम प्रकल्पांत २३ टक्‍के, ७४५ लघू प्रकल्पांत २२ टक्‍के, गोदावरी नदीवरील ९ बंधाऱ्यांत ५५ टक्‍के, तेरणा, मांजरा रेणा नदीवरील २४ बंधाऱ्यांमध्ये २४ टक्‍केच उपयुक्‍त पाणीसाठा झाला आहे. मराठवाड्यातील ७५ मध्यम प्रकल्पांत उपयुक्‍त पाणीसाठा केवळ २३ टक्‍क्‍यांवर आला आहे.

औरंगाबाद जिल्ह्यातील १६ मध्यम प्रकल्पांपैकी ९ प्रकल्पांत, जालना जिल्ह्यातील ७ मध्यम प्रकल्पांपैकी ३ प्रकल्पांत, बीड जिल्ह्यातील १६ मध्यम प्रकल्पांपैकी तब्बल १० प्रकल्पांत, तर लातूर जिल्ह्यातील ८ पैकी एका मध्यम प्रकल्पात उपयुक्‍त पाणी नाही. उस्मानाबाद जिल्ह्यातील १७ पैकी ६ मध्यम प्रकल्प तहानलेले आहेत.

मराठवाड्यातील मोठ्या ११ प्रकल्पांपैकी माजलगाव व सिनाकोळेगाव प्रकल्पांचीदेखील हीच स्थिती आहे. मांजरा प्रकल्पात केवळ १ टक्‍के, तर येलदरीत ९ टक्‍केच उपयुक्‍त पाणीसाठा झाला आहे. मराठवाड्यातील ७४५ लघू प्रकल्पांत २८ सप्टेंबरअखेरपर्यंत २०१६ मध्ये २९ टक्‍के, २०१७ मध्ये ४३ टक्‍के उपयुक्‍त पाणीसाठा झाला होता, अशी माहिती जलसंपदा विभागाच्या सूत्रांनी दिली. तेरणा, मांजरा व रेणा या तीन नद्यांवरील २४ पैकी ७ बंधाऱ्यांमध्येही उपयुक्‍त पाणी नाही. त्यामध्ये बोरगाव, वांजरखेडा, कारसा, नागझरी, धनेगाव, टाकळगाव व राजेगाव येथील बंधाऱ्यांचा समावेश अाहे.

जिल्हानिहाय लघू प्रकल्पांची संख्या आणि उपयुक्त पाणीसाठा (टक्के)

जालना ५७
बीड १२६
लातूर १३२ १३
उस्मानाबाद २०१ १४

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com