देहूगाव-लोहगाव गटाच्या पोटनिवडणुकीत तिरंगी लढत

देहूगाव-लोहगाव गटाच्या पोटनिवडणुकीत तिरंगी लढत
देहूगाव-लोहगाव गटाच्या पोटनिवडणुकीत तिरंगी लढत

पुणे : सदस्याचे जातपडताळणी प्रमाणपत्र फेटाळल्याने रिक्त झालेल्या जिल्हा परिषदेच्या देहूगाव-लोहगाव गटाच्या पोटनिवडणुकीसाठी २४ मार्च रोजी मतदान होणार आहे. या जागेसाठी काँग्रेसचे उमेदवार रूपेश बबन चव्हाण, राष्ट्रवादीचे मच्छिंद्र गणपत चव्हाण, शिवसेना शैला राजू खंडागळे रिंगणात असल्याने तिरंगी लढत होणार आहे. 

पुणे जिल्हा परिषदेच्या हवेली तालुक्यातील गट क्र. ३५ देहू- लोहगाव हा गट अनुसूचित जाती प्रवर्गासाठी राखीव आहे. या गटातून निवडून आलेल्या राष्ट्रवादी काँग्रेसच्या सदस्या मंगल नितीन जंगम यांचे सदस्यत्व रद्द ठरवण्यात आल्याने रिक्त झालेला जागेवर पोटनिवडणूक होत आहे. तत्कालीन उमेदवार शैला राजू खंडागळे यांनी तक्रार केल्यानंतर राष्ट्रवादी काँग्रेसच्या मंगल जंगम यांचे जातपडताळणी प्रमाणपत्र फेटाळले गेले होते. 

पोटनिवडणुकांचा कार्यक्रम राज्य निवडणूक आयोगाने जाहीर केल्यानंतर शिवसेना आणि काँग्रेसकडून प्रत्येकी एका उमेदवाराने अर्ज दाखल केला. तर राष्ट्रवादीकडून उषा चंद्रकांत चव्हाण आणि मच्छिंद्र गणपत चव्हाण यांचे उमेदवारी अर्ज पात्र ठरले होते. उमेदवारी अर्ज माघारीच्या शेवटच्या दिवशी सोमवारी (ता. १८) उषा चव्हाण यांनी माघार घेतल्याने राष्ट्रवादीकडून मच्छिंद्र गणपत चव्हाण रिंगणात आहेत. 

रविवारी (ता. २४) मतदान होणार असून, ९ हजार ६०६ पुरुष, तर ८ हजार ९९५ महिला असे एकूण १८ हजार ६०१ मतदार मतदानाचा हक्क बजावणार आहेत. सोमवारी (ता. २५) जिल्हा परिषदेच्या जून्या इमारतीतील महात्मा गांधी सभागृहात मतमोजणी होणार आहे, निवडणूक निर्णय अधिकारी, तथा तहसीलदार हवेली कार्यालयातर्फे सांगण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com