agriculture news in marathi, delay for fodder crop plantation, pune, maharashtra | Page 2 ||| Agrowon

पुणे, नगर जिल्ह्यात पावसाअभावी चारा लागवड खोळंबली
टीम अॅग्रोवन
मंगळवार, 16 जुलै 2019

आमच्या भागात अजूनही पुरेसा पाऊस झालेला नाही. त्यामुळे नवीन चारा उपलब्ध झालेला नाही. सध्या माझ्याकडे एकूण चौदा जनावरे आहेत. त्यांच्यासाठी विकत चारा घेत आहे. पाऊस होईल या अपेक्षेने अडीच एकरांवर मका लागवडीचे काम चालू आहे. त्याचे उत्पादन हाती येण्यासाठी दीड ते दोन महिने अजून लागतील. त्यानंतर चारा उपलब्ध होईल. 
- तपन हरचांदे, सोनवडी, ता. बारामती.

पुणे  : पावसाळ्यात जनावरांसाठी चाऱ्याची अडचण भासू नये, म्हणून खरीप हंगामात चारा पिकांची शेतकरी मोठ्या प्रमाणात लागवड करतात. मात्र, यंदा जूनमध्ये पुरेसा पाऊस न झाल्यामुळे नगर, पुणे जिल्ह्यांत चारा लागवड खोळंबल्याची स्थिती आहे. पुणे विभागातील सोलापूर जिल्ह्यात अवघ्या एक हजार १६ हेक्टरवर चारा पिकांची लागवड झाली आहे. चारा उपलब्ध होण्यासाठी शेतकऱ्यांना अजूनही दीड ते दोन महिने वाट पाहावी लागणार असून तोपर्यंत चाराटंचाई भासणार असल्याचे चित्र आहे.  

शेतीला पूरक उद्योग म्हणून बहुतांशी शेतकरी दुग्धव्यवसाय करतात. त्यामुळे अनेक शेतकरी गाई, म्हशींचे संगोपन करतात. जनावरांसाठी चारा वेळेत उपलब्ध व्हावा म्हणून अनेक शेतकरी मका, कडवळ, बाजरीची पेरणी तर नेपिअर ग्रास, लुसर्नग्रास अशा विविध चारा पिकांची लागवड करतात. त्यामुळे जनावरांना वर्षभर पुरेल एवढा चारा टप्याटप्याने उपलब्ध होतो. याशिवाय साखर कारखान्यांचा हंगाम सुरू झाल्यानंतर अनेक शेतकरी उसाच्या वाढ्याचा वापर चारा म्हणून करतात.

चाराटंचाईमुळे जनावरांसाठी चारा छावण्या सुरू करण्याची वेळ शासनावर आली होती. त्यामुळे पुन्हा तशीच स्थिती उद्भवू नये, म्हणून शेतकरी पुढाकार घेत चारा पिकांचे नियोजन करत आहे. त्यासाठी कृषी विभाग आणि जिल्हा परिषदेच्या कृषी व पशुसंवर्धन विभागाकडून शेतकऱ्यांना मका बियाणे उपलब्ध करून देण्यात येते. त्याचा लाभ बहुतांशी शेतकरी घेतात. 

यंदाही पुणे विभागात जानेवारी, फेब्रुवारीपासून चाराटंचाई भासण्यास सुरवात झाली होती. त्यामुळे शासनाने नगर, सोलापूर, पुणे जिल्ह्यांतील अनेक भागांत चारा छावण्या सुरू केल्या असून त्या आजतागायत सुरू आहे. गेल्या दहा ते पंधरा दिवसांपासून काही भागात पावसाच्या हलक्या सरी कोसळत आहेत. त्यामुळे नवीन चारा उपलब्ध होईल या हेतूने शेतकरी चारा छावण्यांतील जनावरे घरी घेऊन जात आहेत. त्यामुळे हळूहळू चारा छावण्या बंद होऊ लागल्या आहेत. परंतु पुरेसा पाऊस न झाल्याने अजूनही चारा पिकाची लागवड होऊ शकलेली नाही.   
 

इतर बातम्या
छावण्या सुरू ठेवण्यासाठी शेवगावात आंदोलननगर ः शेगाव तालुक्यातील बहुतांश गावांमध्ये अजूनही...
आघाडीचे सरकार आल्यास सरसकट कर्जमाफी ः...जालना : केंद्र आणि राज्य सरकारच्या चुकीच्या...
नगरमध्ये कांदा प्रतिक्विंटल कमाल पाच...नगर : नगर तालुका कृषी उत्पन्न बाजार समितीच्या...
नाशिकच्या सभेत पंतप्रधानांकडून ज्वलंत...नाशिक : मुख्यमंत्री देवेंद्र फडणवीस यांच्या...
साताऱ्याच्या दुष्काळी भागात दुसऱ्या...सातारा : जिल्ह्यातील दुष्काळी माण, खटाव तालुक्‍...
विधानसभा निवडणुकीसाठी मनसे १०० जागा...मुंबई : आगामी विधानसभा निवडणुकीत महाराष्ट्र...
विधानसभा निवडणुकीच्या आचारसंहितेची...मुंबई ः चौदाव्या विधानसभा निवडणुकीची आचारसंहिता...
उन्हाळ कांद्याचा आलेख चढाचनाशिक : मागील दोन आठवड्यांपासून उन्हाळ कांद्याची...
राज्यात अनेक ठिकाणी हलक्या ते मध्यम सरीपुणे ः  कमी दाबाच्या क्षेत्रामुळे राज्यातील...
खानदेशात लष्करी अळीकडून ४० टक्के मका...जळगाव  ः खानदेशात मका पिकावर अमेरिकन लष्करी...
औरंगाबाद, जालना जिल्ह्यांत पावसाचा कमी-...औरंगाबाद  : मराठवाड्यातील ४२१ पैकी तब्बल २७५...
कोल्हापूर, सिंधुदुर्गात पावसाची रिपरिपकोल्हापूर, सिंधुदुर्ग : सप्टेंबरच्या पहिल्या...
शेतीमाल तारण कर्ज योजनेसाठी एक कोटीपरभणी : ‘‘परभणी कृषी उत्पन्न बाजार समितीतर्फे...
पाचोरा, जामनेरातही १०० टक्के पाऊसजळगाव ः खानदेशात जळगाव, धुळ्यात या...
‘टेंभू‘चे पाणी आटपाडीत, शेतकऱ्यांना...आटपाडी जि. सांगली :  टेंभू पंपगृहातील पंपात...
‘शेतकरी सन्मान योजने‘च्या अनुदानासाठी...कळमनुरी : प्रधानमंत्री शेतकरी सन्मान योजनेंतर्गत...
तीन कारखान्यावरील कारवाई अंतिम टप्प्यातसोलापूर : ‘‘सोलापूर जिल्हा मध्यवर्ती सहकारी...
विषबाधितांवरील उपचाराबाबत वैद्यकीय...अकोला  ः कृषी विभाग, जिल्हा परिषद व सिंजेंटा...
संत्र्याला जागतिक बाजारपेठेत पोचवण्याचे...अमरावती : जिल्ह्यात उत्पादित होणाऱ्या...
पुणे जिल्ह्याच्या दुष्काळी भागात...पुणे ः गणपतीच्या विसर्जनानंतर पुन्हा पावसाने जोर...