agriculture news in marathi Delays in work due to vacancies in Jalgaon Zilla Parishad | Page 2 ||| Agrowon

जळगाव जिल्हा परिषदेत रिक्त पदांमुळे कामांचा खोळंबा

टीम अॅग्रोवन
मंगळवार, 1 डिसेंबर 2020

जळगाव : ग्रामविकासाचा केंद्रबिंदू असलेल्या जिल्हा परिषदेत अनेक प्रमुख पदे एक ते दीड वर्षांपासून रिक्त आहेत. काही अधिकारी प्रशिक्षणात व्यस्त आहेत.

जळगाव : ग्रामविकासाचा केंद्रबिंदू असलेल्या जिल्हा परिषदेत अनेक प्रमुख पदे एक ते दीड वर्षांपासून रिक्त आहेत. काही अधिकारी प्रशिक्षणात व्यस्त आहेत. त्यामुळे प्रभारी अधिकारी गाडा हाकत आहेत. यामुळे अनेक कामांचा खोळंबा होत असल्याची स्थिती आहे. 

तत्कालीन अतिरिक्त मुख्य कार्यकारी अधिकारी संजय मस्कर हे सेवानिवृत्त झाले. त्यानंतर त्यांच्या जागी पूर्णवेळ अधिकाऱ्याची नियुक्ती करण्यात आलेली नाही. अतिरिक्त सीईओ हे ग्रामीण पाणीपुरवठा, लघुसिंचन व बांधकाम विभागाचे प्रमुख असतात. त्यांच्या सहीने या विभागातील कामे, फायली अंतिम केल्या जातात. परंतु, हेच पद सुमारे दीड वर्षे रिक्त असल्याने कामांना विलंब होणे, खोळंबा, असा प्रकार सुरू आहे. लॉकडाऊनमुळे रखडलेली रस्ते, पाणीपुरवठा योजना यासंबंधीची कामे सुरू होत आहेत. यासाठी या पदावर पूर्णवेळ अधिकारी असण्याची गरज आहे. 

प्राथमिक शिक्षण विभाग जिल्हा परिषदेचा सर्वात मोठा विभाग आहे. या विभागात साडेसात हजार कर्मचारी आहेत. जिल्हा परिषदेचे निम्मे कर्मचारी या विभागांतर्गत आहेत. परंतु, या विभागातही पूर्णवेळ अधिकारी नाही. मध्यंतरी या विभागात बदल्या व इतर मुद्द्यांवरून तक्रारी करण्यात आल्या होत्या. त्यांचा वाद सुरू आहे.

लघुसिंचन विभागातही पूर्णवेळ कार्यकारी अभियंता नाही. ते आपले अहवाल, फायली अतिरिक्त सीईओंकडे सादर करतात. जिल्हा परिषदेतील सदस्य, पदाधिकारी यांच्यात या विभागातील कामकाजासंबंधी तक्रारी, नाराजी आहे. या विभागातही सुमारे एक वर्षापासून पूर्णवेळ अधिकारी नाही, अशी माहिती मिळाली.

सह्यांविना कामे प्रलंबित 

कृषी विभागात मागील वर्षी कृषी विकास अधिकारी म्हणून वैभव शिंदे यांची नियुक्ती झाली. शिंदे खतपुरवठा, बियाणे यासंबंधीच्या कामात व्यस्त होते. त्यातच त्यांची दोन महिन्यांच्या प्रशिक्षणासाठी निवड झाली आहे. यामुळे शिंदे यांच्या जागी प्रभारी अधिकारी नियुक्त करावे लागले. यामुळे जिल्हा परिषदेतील कामकाजावर परिणाम होत आहे. फक्त वेतन बिले व इतर फायली प्रभारी अधिकारी मार्गी लावतात. महत्त्वाच्या, जबाबदारीच्या फायली, निर्णयांबाबत प्रभारी अधिकारी संबंधित कामे प्रलंबित ठेवली जातात. यामुळे कामे खोळंबत आहेत, अशी माहिती मिळाली.


इतर ताज्या घडामोडी
पीककर्जापासून वंचित शेतकरी सावकारांच्या...अकोला : वऱ्हाडातील प्रत्येक जिल्ह्यांत सावकारी...
वऱ्हाडात ८९३ ग्रामपंचायतींसाठी झाले...अकोला : गेल्या काही दिवसांपासून गावांमध्ये...
सिंधुदुर्गमध्ये चुरशीने मतदान; मतदान...सिंधुदुर्गनगरी : जिल्ह्यातील ६६ ग्रामपंचायतीच्या...
मराठवाड्यात मतदानासाठी मोठी चुरस औरंगाबाद : मराठवाड्यातील ४१३३ ग्रामपंचायतींचे...
सोलापुरात ग्रामपंचायतींसाठी चुरशीने...सोलापूर : सोलापूर जिल्ह्यातील ५९०...
सांगलीत १४३ गावांत कारभाऱ्यांसाठी...सांगली : जिल्ह्यातील १४३ गावांतील कारभारी...
आठ वर्षांपूर्वीच्या आंदोलनाच्या...कऱ्हाड, जि. सातारा : ऊस दरासाठी येथील पाचवड फाटा...
विदर्भात ग्रामपंचायतींसाठी सरासरी...नागपूर : विदर्भात ग्रामपंचायतींसाठी सरासरी पन्नास...
जळगावात मदतनिधीपासून ३५ टक्के शेतकरी...जळगाव ः जिल्ह्यात अतिपावसात कापूस, उडीद, मूग,...
परभणी, हिंगोली, नांदेड जिल्ह्यात...परभणी ः हिंगोली जिल्ह्यात ग्रामपंचायतींसाठी...
जळगावात कापसाच्या चुकाऱ्यांची प्रतीक्षाजळगाव ः जिल्ह्यात बहुसंख्य शेतकऱ्यांनी कापसाची...
‘बाधित कुक्कुटपालकांना नुकसानभरपाई...परभणी ः ‘‘‘बर्ड फ्लू’मुळे मुरुंबा (ता. परभणी)...
राज्यभरात ग्रामपंचायतींसाठी शांततेत...पुणे : राज्यात ग्रामपंचायतींसाठी शुक्रवारी (ता....
‘परभणी विभागाअंतर्गत पाच जिल्ह्यांत...परभणी ः ‘‘महाराष्ट्र राज्य बियाणे महामंडळाच्या (...
नाशिक जिल्ह्यातील ४,२२९ उमेदवारांचे...नाशिक : जिल्ह्यातील ६२१ पैकी ५६५...
गिरणा प्रोड्यूसर कंपनीचा टस्काबेरी...देवळा, जि. नाशिक : तालुक्यातील गिरणा खोरे...
पुणे जिल्ह्यात चारपर्यंत ५० टक्के मतदानपुणे ः जिल्ह्यातील सुमारे ७४६ ग्रामपंचायतींसाठी...
पुणे जिल्ह्यात ‘महाडीबीटी’चे ६५ हजार...पुणे ः कृषी विभागाच्या महाडीबीटी पोर्टलवर...
आसामच्या चहाचे चाहते!भर्रर्रऽऽ असा भिंगरीगत आवाज करत वारा हेल्मेटच्या...
शाश्‍वत विकासासाठी एकात्मिक शेती पद्धतीग्रामीण भागामध्ये काही पिके, त्यावर आधारित पशू-...