महाराष्ट्रातील राजकीय घडामोडींचे केंद्र तूर्तास दिल्ली

political parties
political parties

मुंबई  : भाजपला सत्तेपासून दूर ठेवण्यावर दोन्ही काँग्रेसचे एकमत असले, तरी ‘राष्ट्रवादी’चे सर्वेसर्वा शरद पवार हे शेवटच्या क्षणी नेमकी कोणती भूमिका घेतात, याकडे राज्यातील काँग्रेस नेत्यांचे लक्ष लागले आहे. त्यामुळे महाराष्ट्रातील राजकीय घडामोडींचे केंद्र तूर्तास दिल्ली हेच आहे.

भाजपने संख्याबळाअभावी सरकार स्थापन करण्यास असमर्थता व्यक्त केल्यानंतर शिवसेना, काँग्रेस आणि राष्ट्रवादीच्या हालचालींना वेग आला. ११ नोव्हेंबरला शिवसेनेने राज्यपालांची भेट घेऊन सरकार स्थापनेचा दावा केला. मात्र, त्यावेळी शिवसेनेला काँग्रेस आणि राष्ट्रवादीच्या पाठिंब्याचे पत्र सादर करता आले नाही. त्यामुळे १२ नोव्हेंबरपासून राज्यात राष्ट्रपती राजवट लागू झाली. राष्ट्रपती राजवट लागू झाल्यापासून दोन्ही काँग्रेसमध्ये चर्चेचा घोळ सुरू आहे. काँग्रेस अध्यक्षा सोनिया गांधी यांचे राजकीय सल्लागार अहमद पटेल यांनी मुंबईत येऊन ‘राष्ट्रवादी’चे अध्यक्ष शरद पवार आणि शिवसेना पक्षप्रमुख उद्धव ठाकरे यांच्याशी चर्चा केली.

चर्चेअंती किमान समान कार्यक्रमाच्या मुद्यावर राज्यातील तीनही पक्षांचे नेते एकत्र आले. सत्तावाटपाच्या सूत्राविषयी चर्चा झाल्यानंतर काँग्रेस, राष्ट्रवादी आणि शिवसेनेत बैठका सुरू झाल्या. काँग्रेसने सुरुवातीपासून तीनही पक्षांत मंत्रिपदे तसेच इतर सत्तापदांची समान विभागणी व्हावी, असा आग्रह धरला आहे. याशिवाय विधानसभा अध्यक्षपदाची मागणी काँग्रेसने केलीय. शिवसेनेच्या नेतृत्वाखालील सरकारमध्ये प्रत्येक पक्षाला १४ मंत्रिपदे मिळावीत; तसेच महत्त्वाच्या खात्यांची समान विभागणी व्हावी, अशी मागणी केल्याचे काँग्रेसच्या एका नेत्याने नाव न प्रसिद्ध करण्याच्या अटीवर सांगितले.

शिवसेनेच्या नेतृत्वाखालील सरकारमध्ये काँग्रेसने सहभागी व्हावे, अशी राष्ट्रवादीची भूमिका आहे. काँग्रेसने बाहेरून पाठिंबा दिला, तर सरकार स्थिर राहणार नाही. स्थिर सरकारसाठी राष्ट्रवादीकडून काँग्रेस नेत्यांचे मन वळविण्याचे प्रयत्न सुरू आहेत. दिल्लीतील काँग्रेसच्या काही नेत्यांमध्ये सरकारला बाहेरून पाठिंबा द्यावा, असा मतप्रवाह आहे. परिणामी पक्षाचा निर्णय लांबणीवर पडत आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com