agriculture news in marathi, Delhi Police permits Tractor parade of farmers on 26th January | Agrowon

दिल्लीतील ट्रॅक्‍टर परेडला हिरवा कंदील; महाष्ट्राचाही देखावा

सकाळ न्यूज नेटवर्क
रविवार, 24 जानेवारी 2021

शेतकऱ्यांना प्रजासत्ताक दिनी (ता.२६, मंगळवारी) राजधानीतील बाह्य वळण रस्त्यावर ट्रॅक्‍टर परेड काढण्यासाठी दिल्ली पोलिसांनी अखेर परवानगी दिली.

नवी दिल्ली : तीन कृषी कायद्यांच्या विरोधात गेले ६० दिवस दिल्लीच्या सीमांवर आंदोलन करणाऱ्या शेतकऱ्यांना प्रजासत्ताक दिनी (ता.२६, मंगळवारी) राजधानीतील बाह्य वळण रस्त्यावर ट्रॅक्‍टर परेड काढण्यासाठी दिल्ली पोलिसांनी अखेर शनिवारी (ता.२४) संध्याकाळी परवानगी दिल्याची माहिती शेतकरी संघर्ष समितीचे अध्यक्ष दर्शन पाल यांनी दिली. 

दरम्यान, या वेळी कोणतीही अप्रिय घटना होणार नाही व परेडनंतर लगेचच आंदोलक शेतकरी पुन्हा सीमांवर परततील याबाबत शेतकरी संघटनांच्या नेत्यांकडून दिल्ली पोलिसांनी रीतसर हमी मागितल्याचेही समजते. ही ‘परेड ऐतिहासिक असेल व सारे जग ती पाहिल’ असेही पाल यांनी सांगितले. दिल्लीतील वेगवेगळ्या ५ रस्त्यांवर शांततापूर्ण मार्गांनी निघणाऱ्या या परेडत किमान सुमारे ७ हजार ते ८ हजार ट्रॅक्‍टर सहभागी होतील असे शेतकरी नेत्यांनी सांगितले.

कृषी कायद्यांबाबत आंदोलनकर्त्या ४१ संघटनांचे नेते व शेतकरी यांच्यात शुक्रवारी झालेली १२ व्या फेरीची चर्चाही निष्फळ ठरली. मात्र कालच्या चर्चेत सरकारचा सूर काहीसा तप्त झाल्याचे दिसले. कायदे रद्द करा या मागणीवर शेतकरी नेते ठाम असून तसे करण्यास सरकारची तयारी नाही. शेतकऱ्यांना पाहिजे ते बदल कायद्यांत सुचविण्याचा पर्याय सरकार देत आहे. यामुळे आंदोलनाबाबतची कोंडी फुटलेली नाही.

आंदोलनाबाबत तोडगा निघालेला नसतानाच शेतकरी नेत्यांनी हजारो ट्रॅक्‍टरची परेड दिल्लीतील रस्त्यांवर काढण्याचा इरादा पक्का केल्याने दिल्ली पोलिसांवरील ताण वाढला होता. पोलिस अधिकारी व शेतकरी नेते यांच्यात याबाबत ३ बैठका झाल्या. त्यात पोलिसांनी दिलेला पर्यायी मार्गांचा प्रस्ताव शेतकऱ्यांनी फेटाळला होता. अखेर शनिवारी झालेल्या चर्चेअंती दिल्ली पोलिसांनी शेतकऱ्यांच्या ट्रॅक्‍टर परेडला परवानगी दिल्याचे पाल यांनी सायंकाळी साडेसातच्या सुमारास जाहीर केले. ही परेड शांततापूर्ण मार्गाने काढण्याबाबत दोन्ही बाजूंमध्ये सहमती झाली आहे असे योगेंद्र यादव यांनी सांगितले. 

पाल म्हणाले की पोलिस आम्हाला अडवणार नाहीत. ही ट्रॅक्‍टर परेड २६ जानेवारीला वेगवेगळ्या ५ सीमांच्या लगतच्या रस्त्यांवर सुमारे १०० किलोमीटरच्या अंतरावरून जाईल. यासाठी जितका वेळ लागेल तेवढा पोलिसांनी आम्हाला दिला आहे. या परेडसाठी पंजाबातील हजारो शेतकरी ट्रॅक्‍टरसह दिल्लीकडे आज व उद्या रवाना होतील असे भारतीय किसान संघटनेचे महासचिव सुखदेवसिंग कोकरीकला यांनी सांगितले. हरियाणातही करनाल, अंबाला, रोहतक, भिवानी, गुडगाव, कुरुक्षेत्र आदी भागांतून शेतकरी निघाले आहेत.

महाष्ट्राचाही देखावा असणार
प्रस्तावित ट्रॅक्‍टर परेडचा सविस्तर कार्यक्रम आज (ता.२४) जाहीर करण्यात येणार आहे. राष्ट्रीय किसान महासंघ व संयुक्त संघर्ष मोर्चाचे हजारो शेतकरी यात सहभागी होणार आहेत. संघर्ष मोर्चाच्या वतीने आपला एक चित्ररथही सज्ज केला असून त्यात छत्रपती शिवाजी महाराज यांच्या काळातील महाराष्ट्रातील कृषीसंस्कृती हा देखावा उभारण्यात येणार आहे असे प्रतिभा शिंदे यांनी सांगितले.


इतर बातम्या
पुणे जिल्ह्यात अवकाळीचा १०८ हेक्टरवरील...पुणे : पुणे जिल्ह्यात १८ आणि १९ फेब्रुवारीला खेड...
खानदेशात कांदा काढणी लवकरच सुरू होणार जळगाव : खानदेशात कांद्याची लागवड सुमारे १८ हजार...
कोरोनामुळे अंतिम टप्प्यातील ऊस हंगाम...कोल्हापूर : राज्यातील गळीत हंगाम अंतिम टप्प्यात...
सातबारा, आठ ‘अ’च्या अधिकारासह पंतप्रधान...नाशिक : केंद्र तसेच राज्य शासनाच्या विविध...
क्षारपड जमिनी सुधारण्यासाठी सातारा...सातारा : जिल्ह्यातील नदीकाठी क्षारपड जमिनी...
बेदाणा निर्यात अनुदान बंदचा उत्पादकांना...सांगली ः गतवर्षी देशातून बेदाण्याची सुमारे ३०...
कृषी सहायकांची बैठक व्यवस्था योजना...नागपूर ः गावपातळीवर ग्रामविस्ताराला चालना मिळावी...
डिझेल दरवाढीने पीक काढणीचे दर वाढलेअकोलाः गेल्या काही दिवसांत डिझेलचे दर सातत्याने...
‘माफसू’तील प्राध्यापकांना सातवा वेतन...नागपूर : महाराष्ट्र पशू व मत्स्य विज्ञान...
सर्वोच्च न्यायालयातील सुनावणीपूर्वी ...मुंबई : ‘‘मराठा आरक्षणाचा लढा हा आता अंतिम...
शेतमाल बाजारपेठेसाठी सरकारचे विशेष...मुंबई : ‘विकेल ते पिकेल’ या अभियानामध्ये पीक,...
विठ्ठलराव शिंदे कारखान्याच्या...सोलापूर ः पिंपळनेर (ता. माढा) येथील विठ्ठलराव...
महावितरणचे राज्यात आता 'कृषी ऊर्जा...सोलापूर ः राज्य शासनाने कृषिपंप वीजजोडणी धोरण-...
...त्यानंतर वैधानिक मंडळे घोषित करू : ...मुंबई : ‘‘ज्या दिवशी राज्यपाल नियुक्त बारा...
मानोलीत रब्‍बी ज्‍वारीची पीक प्रात्‍...परभणी ः ‘‘आहारात ज्‍वारीच्‍या भाकरीस पोषणाच्‍या...
शेळ्या-मेंढ्यांना आधुनिक औषधोपचाराची...अकोला ः भारतातील बहुसंख्य अल्पभूधारक व भूमिहीन...
रानवाडी प्रकल्पाचा वनवास केव्हा संपणार?जलालखेडा, जि. नागपूर : नरखेड तालुक्यामधील पंचायत...
उन्हाळ्यासाठी चारवेळा मिळणार ‘इसापूर’चे...नांदेड : जिल्ह्याला वरदान ठरलेला ऊर्ध्व पैनगंगा...
भातगाव येथे आंबा, काजूची बाग होरपळलीगुहागर, जि. रत्नागिरी : तालुक्यातील भातगाव येथे...
गारपीटीने कांदा पातींसह स्वप्नेही तुटली...नाशिक : अतिवृष्टीमुळे रब्बी हंगामात अनेक कारणांनी...