agriculture news in Marathi demand for colam and ambemohor rice Maharashtra | Agrowon

हंगामाच्या प्रारंभीच कोलम, आंबेमोहोर तांदळाला उठाव

टीम अॅग्रोवन
मंगळवार, 22 डिसेंबर 2020

देशातील तांदळाचा हंगाम सुरु झाला आहे. परदेशातून मागणी वाढल्याने यंदा आंबेमोहोर व कोलम या नॉन बासमती तांदळाला बाजारपेठेत उठाव राहण्याची शक्यता निर्माण झाली आहे.

कोल्हापूर: देशातील तांदळाचा हंगाम सुरु झाला आहे. परदेशातून मागणी वाढल्याने यंदा आंबेमोहोर व कोलम या नॉन बासमती तांदळाला बाजारपेठेत उठाव राहण्याची शक्यता निर्माण झाली आहे. गेल्या वर्षीच्या तुलनेत या दोन्ही तांदळाच्या किमती क्विंटलला पाचशे रुपयांनी वाढल्या आहेत.

डिसेंबरच्या मध्यापासून तांदळाच्या हंगामास प्रारंभ झाला आहे. हंगामाच्या प्रारंभी निर्यातदार मध्य प्रदेश व आंध्र प्रदेश येथून आंबेमोहोर तांदळाची तर मध्य प्रदेशातून कोलमची जोरदार खरेदी करत असल्याने यंदा या दोन्ही जातींना सुरवातीलाच चांगला दर मिळत आहे. आफ्रिका, युरोप, अमेरिका या देशांतून गेल्या वर्षीपासून या दोन जातींच्या तांदळाला अधिक मागणी आहे.

सध्या भात पट्यामध्ये भातापासून तांदूळ करण्याची प्रक्रिया वेगात सुरु झाली आहे. जसा तांदूळ तयार होईल तसा तो विविध राज्यांमध्ये पाठविला जात आहे. परदेशात या दोन्ही तांदळाला मागणी वाढत असल्याचे पाहून व्यापाऱ्यांनी या दोन जातींच्या तांदळाच्या खरेदीला प्राधान्य दिल्याचे व्यापारी सूत्रांनी सांगितले. हंगामाच्या सुरवातीच्या टप्प्यात तरी दोन्ही जातींचे दर चढेच राहतील, असा अंदाज व्यापाऱ्‍यांचा आहे.

११७५ लाख टन उत्पादनाची शक्यता
देशात यंदा पावसाचे प्रमाण चांगले राहिल्याने भात उत्पादक पट्ट्यातून तांदळाचे उत्पादनही चांगले झाले आहे. यंदा देशात ९७५ लाख हेक्टरवर भाताची लागवड झाली आहे. यातून ११७५ लाख टन तांदळाचे उत्पन्न अपेक्षित आहे. सध्या तांदळाची आवक होत आहे. निर्यातदारांनी यंदाच्या हंगामाच्या सुरवातीलाच आंबेमोहोर व कोलम या दोन्ही जातीच्या भातांवर पकड ठेवून चढ्या दराने खरेदी करण्यास प्रारंभ केला. गेल्या वर्षीच्या तुलनेत पाचशे रुपये क्विंटलने तांदळाचे दर वाढले आहेत.

दरात ५०० रुपयांनी वाढ
डिसेंबर २०१९ मध्ये आंबेमोहोरला मध्य प्रदेशात जागेवर क्विंटलला ५५०० ते ६००० रुपये दर होता. यंदा हा दर वाढून ६००० ते ६५०० रुपयापर्यंत गेला आहे. आंध्र प्रदेशमध्ये डिसेंबर २०१९ ला ६००० ते ६५०० होता. यंदा ६५०० ते ७००० दर मिळत आहे. मध्य प्रदेशात जागेवर कोलम तांदूळ ४००० ते ४५०० रुपये दराने विकला जात होता. यंदा यात क्विंटलला ५०० रुपयांनी वाढ झाली आहे.

प्रतिक्रिया
गेल्या वर्षी आंबेमोहोर व कोलमला चांगली मागणी राहिली. या पार्श्‍वभूमीवर यंदाही तांदळाची खरेदी करताना निर्यातदारांनी या दोन जातींच्या तांदळाला पसंती दिली आहे. साहजिकच जागेवरुनच विक्री होताना त्यांच्या किमती वाढल्या आहेत. आंबेमोहोरची मध्य प्रदेश, आंध्र प्रदेशातून खरेदी होते. नॉन बासमतीमध्ये दराच्या बाबतीत दोन्ही जाती इतर तांदळापेक्षा अग्रेसर राहतील हे निश्‍चित आहे.
- राजेश शहा, संचालक, जयराज ग्रुप, पुणे


इतर अॅग्रोमनी
जागतिक मका उत्पादनात घट वॉशिंग्टन ः जागतिक मका उत्पादनात घट होणार...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
दराचे संरक्षण देणाऱ्या योजना राबवाव्यात पुणे ः ‘एनसीडीईएक्स’ने ‘पुट ऑप्शन’मधून शेतकरी...
‘बासमती’ची तांदळाचा तुटवडाकोल्हापूर: गेल्या महिन्यापासून सुरु असलेल्या...
सोयाबीन बाजारात तेजीचेच संकेतपुणे ः शेतकरी आणि व्यापाऱ्यांनी ८० टक्के सोयाबीन...
तांदळाच्या विक्रमी निर्यातीची यंदा शक्‍...कोल्हापूर : देशात यंदा भाताचे चांगले उत्पादन...
कापसाच्या दरात सुधाराची चिन्हेपुणे ः ‘सीसीआयने’ कापसाला हमीभावापेक्षा  ३००...
केंद्रीय अर्थसंकल्पातून होणार सवलतींची...नवी दिल्ली ः कोरोनाच्या संसर्गामुळे...
मालविक्रीसाठी ३५ शेतकरी कंपन्या एकाच...शेतकऱ्यांना ‘शेतीमाल पिकवता येतो, मात्र विकता येत...
हंगामाच्या प्रारंभीच कोलम, आंबेमोहोर...कोल्हापूर: देशातील तांदळाचा हंगाम सुरु झाला आहे....
राष्ट्रीय सहकारी साखर कारखाना महासंघ...कोल्हापूर : राज्य सहकारी साखर कारखाना...
सुताच्या दरात मोठी वाढजळगाव ः जगभरातील प्रमुख आयातदारांकडून सुताची मोठी...
कारखान्यांपुढे साखर विक्रीचे आव्हानकोल्हापूर : गेल्या काही दिवसांत देशात वाढणारी...
हमीभावाने १८ टक्के अधिक धान्य खरेदी :...नवी दिल्ली : केंद्र सरकारने नोव्हेंबरअखेर खरीप...
कापूस गाठींच्या दरात सुधारणाजळगाव ः जगातील वस्त्रोद्योग ९५ ते ९७ टक्के...
आंतरराष्ट्रीय बाजारात साखरेला दराचा...कोल्हापूर : आंतरराष्ट्रीय बाजारात गेल्या पंधरा...
खाद्यतेल आयातीत १२ टक्के घटपुणे ः देशात २०१९-२० (नोव्हेंबर ते ऑक्टोबर) मध्ये...
चांगल्या बाजारभावासाठी ‘एनसीडीईएक्स’चा...शेतकऱ्यांसाठी दराचे संरक्षण (प्राइज इन्शुरन्स)...
‘जीआय’प्राप्त उत्पादनांच्या ब्रँडिंगवर...नाशिक : भारतीय शेतीमाल व खाद्यपदार्थांना जगभर...