agriculture news in marathi, Demand for declaring drought in Solapur | Agrowon

सोलापुरात दुष्काळ जाहीर करण्याची मागणी
टीम अॅग्रोवन
गुरुवार, 20 सप्टेंबर 2018

सोलापूर : सोलापूर जिल्ह्यात अद्यापही दमदार पाऊस झालेला नाही. त्यामुळे खरीप हंगाम वाया गेला आहे. पाऊस नसल्याने रब्बी हंगामही शेतकऱ्यांना सापडणार नाही. त्यामुळे जिल्ह्यात दुष्काळ जाहीर करण्याची मागणी मंगळवारी (ता. १९) झालेल्या जिल्हा परिषदेच्या सर्वसाधारण सभेत करण्यात आली. याबाबतचा ठराव करून तो शासनाला पाठविण्याचा निर्णयही घेण्यात आला.

सोलापूर : सोलापूर जिल्ह्यात अद्यापही दमदार पाऊस झालेला नाही. त्यामुळे खरीप हंगाम वाया गेला आहे. पाऊस नसल्याने रब्बी हंगामही शेतकऱ्यांना सापडणार नाही. त्यामुळे जिल्ह्यात दुष्काळ जाहीर करण्याची मागणी मंगळवारी (ता. १९) झालेल्या जिल्हा परिषदेच्या सर्वसाधारण सभेत करण्यात आली. याबाबतचा ठराव करून तो शासनाला पाठविण्याचा निर्णयही घेण्यात आला.

जिल्हा परिषदेचे अध्यक्ष संजय शिंदे यांच्या अध्यक्षतेखाली झालेल्या सर्वसाधारण सभेत सदस्य रणजितसिंह शिंदे, पक्षनेते आनंद तानवडे, त्रिभुवन धाइंजे, अरुण तोडकर, पंढरपूरचे सभापती नानाजी वाघमोडे, शैला गोडसे, सचिन देशमुख या सदस्यांनी जिल्ह्यात पाऊस नसल्याने पाणी व जनावरांच्या चाऱ्याची स्थिती गंभीर झाली असल्याचे सभागृहाच्या निदर्शनास आणून दिले. परतीचा पाऊस येण्याची शक्‍यता खूपच कमी आहे. त्यामुळे जिल्ह्यात दुष्काळ जाहीर करण्याची मागणी या सदस्यांनी केली. रणजितसिंह शिंदे यांनी महात्मा गांधी राष्ट्रीय ग्रामीण रोजगार हमी योजनेची कामे सुरू करावीत, विहीर व बोअरचे अधिग्रहण करावे, ज्या ठिकाणी हे दोन्ही उपलब्ध नाही, त्या ठिकाणी टॅंकर सुरू करण्याची मागणी केली.

उजनी धरण जरी भरले असले, तरी जिल्ह्यातील अनेक तालुक्‍यांमध्ये त्या धरणाचे पाणी पोचत नाही. त्यामुळे त्या तालुक्‍यांमध्ये दुष्काळाच्या संदर्भात असलेल्या उपाययोजना करण्याच्या सूचनाही त्यांनी केल्या. याबाबत मुख्य कार्यकारी अधिकारी डॉ. राजेंद्र भारुड म्हणाले, ‘‘महात्मा गांधी ग्रामीण रोजगार हमी योजनेच्या माध्यमातून ५२८ विहिरींचे परिपूर्ण प्रस्ताव प्राप्त झाले आहेत. दुष्काळाच्या पार्श्‍वभूमीवर जिल्ह्यात यंदा जवळपास पाच हजार विहिरी पूर्ण करण्याचे नियोजन सुरू आहे. 

चाऱ्यासाठी पैसे ठेवा

पशुसंवर्धन विभागाने औषधांच्या खरेदीसाठी, तर कृषी विभागाने टॅक्‍टरचलित यंत्रांच्या खरेदीसाठी निधीची तरतूद केली आहे. दुष्काळाच्या पार्श्‍वभूमीवर यंदाच्या वर्षी त्यावर तरतूद करण्याऐवजी ते पैसे जनावरांच्या चाऱ्यासाठी वर्ग करण्याची मागणी सदस्य त्रिभुवन धाइंजे यांनी केली. मात्र, याबाबत निर्णय घेता येणार नसल्याचे अध्यक्ष शिंदे यांनी सांगितले. जनावरांच्या चाऱ्यासाठी इतर ठिकाणाहून काही पैसे देता येतील का, हे पाहू असेही त्यांनी सांगितले.

इतर ताज्या घडामोडी
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...
राज्यातील ३४ जिल्हा परिषद अध्यक्षपदाची...मुंबई ः राज्यातील ३४ जिल्हा परिषद अध्यक्षपदाची...
भारत 'या' देशाला देणार कापूस...नागपूर ः मुस्लिम बहूल असलेल्या अझरबैजान देशातील...
कांदा घेऊन जाणाऱ्या ट्रक ड्रायव्हरची...नाशिक : परराज्यांत होणाऱ्या कांद्याच्या...
हमीभाव खरेदी केंद्रावर आली वजनकाटे...अकोला ः शासनाने या हंगामात सुरु केलेल्या आधारभूत...
मराठवाड्यात रब्बी पेरणीला मिळेना गती लातूर : मराठवाड्यातील रब्बी पेरणीची गती...
परभणी जिल्ह्यात कापूस वेचणीसाठी...परभणी : जिल्ह्यात यंदाच्या हंगामात सद्य:स्थितीत...
अरुणा प्रकल्पग्रस्तांनी मांडले...सिंधुदुर्ग : आयुक्त कार्यालयावर ‘दे धडक बेधडक’...
पाण्याच्या निचऱ्यासाठी गादीवाफ्यावर धान...भंडारा ः‘पावसाच्या पाण्याचा योग्य निचरा...
अस्मानीमुळे नुकसान सोसवेना, चालविली...नाशिक : अगदी प्रतिकूल परिस्थितीत भांडवल जमा करून...
अचूक सांख्यिकीमुळे शेती उत्पन्न वाढविणे...नवी दिल्ली: बदलत्या हवामानाच्या आव्हानावर...
पुणे जिल्हा परिषदेत येणार ‘महिला राज’पुणे  : जिल्हा परिषदेच्या नवीन अध्यक्ष...
पुणे बाजार समितीत रताळ्यांची २० टन आवक...पुणे  ःकार्तिकी एकादशीनिमित्ताने पुणे बाजार...
कशामुळे घटले साताऱ्यातील स्ट्राॅबेरीचे...सातारा  ः जिल्ह्यात अतिपावसाचा फटका...
साताऱ्यात पुढील वर्षी सहकारी संस्थांची...सातारा  : आगामी वर्ष हे सहकारातील विविध...
नगर जिल्हा परिषदेतही वाहताहेत...नगर ः राज्यात एकीकडे भाजपला सत्तेपासून दूर...
थकीत पीकविम्यासाठी किसान सभेचा पुण्यात...पुणे  ः बीडमधील शेतकऱ्यांना थकीत पीकविम्याची...
किसान सभेचे सोमवारपासून राज्यभर आंदोलन...पुणे  ः अतिवृष्टीने पिकांचे नुकसान झाले. या...
महाराष्ट्रातील राजकीय घडामोडींचे केंद्र...मुंबई  : भाजपला सत्तेपासून दूर ठेवण्यावर...
भारतीय मक्याचे पुढे काय होते ? जाणून...मका हे एक महत्त्वाचे तृणधान्य आहे. जगातील चार...