Agriculture news in Marathi Demand for dried fruits increased | Agrowon

पितृपक्षामुळे सुकामेव्याला मागणी वाढली

टीम अॅग्रोवन
शनिवार, 25 सप्टेंबर 2021

पितृपक्षाला प्रारंभ झाल्यानंतर काही मसाल्याचे पदार्थ तसेच सुकामेव्याला मागणी वाढली आहे. काजू, बादाम, पिस्ता आणि चारोळीला या काळात जास्त मागणी असते.

पुणे : पितृपक्षाला प्रारंभ झाल्यानंतर काही मसाल्याचे पदार्थ तसेच सुकामेव्याला मागणी वाढली आहे. काजू, बादाम, पिस्ता आणि चारोळीला या काळात जास्त मागणी असते. देशातील अग्रगण्य अशा इंदूर येथील बाजारात काजू ७५० ते ११७५ रुपये प्रतिकिलो, पिस्ता १८५० ते १९०० रुपये, बादाम ७०० ते ७५० रुपये आणि चारोळीचे दर ११५० ते १२०० रुपये प्रतिकिलोपर्यंत आहेत. तर बेदाण्याला १७० ते २४० रुपये दर मिळत आहेत. नंतर लगेच नवरात्री असल्याने दर टिकून राहण्याची शक्यता असल्याचे जाणकारांनी व्यक्त केली आहे. 

पितृपक्षात काही मसाल्याच्या पदार्थांनाही मागणी वाढली आहे. चारोळीची उपलब्धता कमी असल्याने दरात तेजी आहे. सध्या ग्राहकांना चढ्या दराने खरेदी करावी लागत आहे. बादाम दरात गेल्या काही दिवसांपासून नरमाई होती. परंतु आता मागणी वाढल्याने दरातही काही प्रमाणात सुधारणा झाल्याचे पाहायला मिळाले आहे. पितृपक्ष सुरू झाल्यापासून बादामच्या दरात सातत्याने वाढ होत आहे. काजूच्या दरातही काही प्रमाणात सुधारणा झाली आहे. तर बेदाणाचे दर टिकून आहेत.

पितृपक्ष संपल्यानंतर नवरात्रीचा उत्सव आहे. नवरात्रीतही सुकामेव्याला मागणी कायम राहण्याची शक्यता आहे. दरवर्षी नवरात्रीतही या पदार्थांना मोठी मागणी असते. त्यानंतर लगेच दिवाळी असल्याने पुढील दोन महिने मागणी कायम राहण्याची शक्यता आहे. दिवाळीच्या आसपास सुकामेव्याची उलाढाल जास्त वाढलेली असते. जम्मू आणि काश्मीरमध्ये नव्या अक्रोड पिकाची आवक सुरू झाली आहे. पोषक वातावरण असल्याने यंदा जास्त उत्पादन होण्याची शक्यता आहे. येथे सेंद्रिय अक्रोडचेही उत्पादन होते. या अक्रोडला देशांतर्गत जास्त मागणी आहे. सणांबरोबरच हॉटेल्स आणि रेस्टॅरेंट्स मोठ्या प्रमाणावर सुरू होत असून, सुकामेव्याला मागणी वाढत आहेत. येणाऱ्या काळात यात आणखी सुधारणा होण्याची शक्यता आहे. 

यंदा चांगल्या दराची अपेक्षा
तब्बल दीड वर्षानंतर कोरोनाची स्थिती सणांच्या काळात पूर्वपदावर आहे. काही भागांत भीती अद्यापही कायम आहे. मात्र उत्तर भारतात सुकामेव्याचा व्यापार जोरात सुरू आहे. देशांतर्गत उद्योगाकडे काजू उपलब्ध असून दरही समाधानकारक आहेत.


इतर बातम्या
‘शेतकरीवाटा वसुली’त चाळीस अधिकाऱ्यांची...पुणे ः राज्यात गाजत असलेल्या कथित अवजारे व...
तापमानात चढ-उतार सुरूचपुणे : राज्यात थंडीची चाहूल लागली असतानाच...
दहा वर्षाआतील वाणांनाच अनुदान द्यावेअकोला ः सध्या रब्बी हंगामात हरभरा व इतर पिकांच्या...
मॉन्सूनचा देशाला निरोपपुणे : नैर्ऋत्य मोसमी वाऱ्यांनी (मॉन्सून) देशाचा...
युरोपातील वादाचा तांदूळ निर्यातीवर...पुणे : भारतातून आयात केलेल्या तांदळापासून पिठी...
शरद पवार, नितीन गडकरी यांना ‘डॉक्टर ऑफ...नगर ः महात्मा फुले कृषी विद्यापीठातर्फे माजी...
शेती, शेतकऱ्यांच्या प्रगतीसाठी संशोधन...परभणी ः कृषी विद्यापीठातून बाहेर पडणारे दहा ते...
तलाठी दप्तराची झाडाझडती जळगाव ः नाशिकचे विभागीय महसूल आयुक्त राधाकृष्ण...
पुण्यात रब्बी पेरण्यांना सुरुवातपुणे : परतीचा पाऊस गेल्याने पहाटेचा गारठा वाढू...
निवडणुकीत होणार महाविकास आघाडी? सांगली : राज्यात शिवसेना, काँग्रेस आणि...
जांभा गावाच्या संपूर्ण पुनर्वसनाचा...अकोला : मूर्तीजापूर तालुक्यातील काटेपूर्णा बॅरेज...
'रासाका' सुरू करण्याच्या आश्वासनाची...नाशिक : निफाड तालुक्यातील ''रासाका'' म्हणजेच...
खानदेशात कांदेबाग केळीची लागवड निम्मीचजळगाव ः  खानदेशात कांदेबाग केळी...
रिसोड, जि. वाशीम :‘पळसखेड’च्या अर्धवट... रिसोड, जि. वाशीम : शासनासह अधिकाऱ्यांच्या...
नगर जिल्ह्यातील अतिरिक्त उसाबाबत मार्ग... नगर : नेवासे तालुक्यासह नगर जिल्ह्यातील...
औरंगाबाद, जालना, बीड जिल्ह्यांत एक लाख...औरंगाबाद : मराठवाड्यातील औरंगाबाद, जालना व बीड या...
‘ट्वेन्टीवन शुगर्स’कडून कोट्यावधीचे...परभणी ः सन २०२०-२१ च्या हंगामात गाळप केलेल्या...
निकृष्ठ दर्जाच्या धान खरेदीवर नियंत्रण...नागपूर  : आधारभूत किंमत खरेदी योजनेअंतर्गत...
आधार प्रमाणीकरणास १५ नोव्हेंबरपर्यंत...धुळे : ‘‘महात्मा जोतिराव फुले शेतकरी कर्जमुक्ती...
वन उद्यानाद्वारे जिल्ह्याच्या पर्यटन...नाशिक : ‘‘जिल्ह्याला धार्मिक, ऐतिहासिक या सोबतच...