agriculture news in marathi, demand for grant to the solvent fertilizers, jalgaon, maharashtra | Page 2 ||| Agrowon

विद्राव्य खतांना अनुदान देण्याची मागणी

टीम अॅग्रोवन
रविवार, 21 जुलै 2019

कापडणे, जि. धुळे   ः विद्राव्य खतांना अनुदान द्यावे, पंतप्रधान पीक विमा योजना हवामानावर आधारित राबवावी, अशी मागणी करीत राज्य कृषी मूल्य आयोगाचे अध्यक्ष पाशा पटेल यांच्या नेतृत्वाखाली पढावद (ता. शिंदखेडा, जि.धुळे) येथील ॲड. प्रकाश पाटील, चुंचाळे (जि. जळगाव) येथील उदय महाजन यांनी केंद्रीय रस्ते वाहतूक, सूक्ष्म लघू व मध्यम उद्योगमंत्री नितीन गडकरी यांची दिल्ली येथे भेट घेत निवेदन दिले. 

कापडणे, जि. धुळे   ः विद्राव्य खतांना अनुदान द्यावे, पंतप्रधान पीक विमा योजना हवामानावर आधारित राबवावी, अशी मागणी करीत राज्य कृषी मूल्य आयोगाचे अध्यक्ष पाशा पटेल यांच्या नेतृत्वाखाली पढावद (ता. शिंदखेडा, जि.धुळे) येथील ॲड. प्रकाश पाटील, चुंचाळे (जि. जळगाव) येथील उदय महाजन यांनी केंद्रीय रस्ते वाहतूक, सूक्ष्म लघू व मध्यम उद्योगमंत्री नितीन गडकरी यांची दिल्ली येथे भेट घेत निवेदन दिले. 

निवेदनात म्हटले आहे, की केंद्र सरकार रासायनिक खतांसाठी दर वर्षी ८० हजार कोटी रुपयांचे अनुदान देते. मात्र, रासायनिक खतांची उपलब्धता १० ते ४० टक्‍क्‍यांपर्यंतच आहे. यातही पिकांना रासायनिक खत दिल्यानंतर बहुतांश खत विरघळत नसल्याने जमिनीत पडून राहते. यामुळे शेतजमीन दिवसेंदिवस कडक होऊन, निचरा कमी होत आहे. यात शेतकऱ्यांचे मोठे नुकसान होत आहे.

या पार्श्‍वभूमीवर रासायनिक खतांऐवजी विद्राव्य खतांच्या वापरासाठी चालना द्यावी. यामुळे वाहतुकीचा ताण कमी होऊन खत टंचाईही निर्माण होणार नाही. तसेच शेतकऱ्यांचे उत्पादन वाढेल. मात्र, विद्राव्य खतांना अनुदान नसल्याने त्याचा वापर अत्यंत कमी आहे. विद्राव्य खतांची उपलब्धता ९० टक्‍क्‍यांपर्यंत आहे. ही खते पिकांच्या मुळाशी दिल्यामुळे उत्पादनही चांगले येते. यामुळे विद्राव्य खतांना अनुदान द्यावे. तसे झाल्यास जास्त प्रमाणात लागणाऱ्या मिश्र खतांचा वापर कमी होऊन त्यावरील अनुदानही कमी होईल. याचा शासनाने विचार करावा, अशी मागणीही निवेदनात करण्यात आली. श्री. गडकरी यांनी निवेदनावर शिफारस करत ते केंद्रीय रसायन व खतमंत्री डी. व्ही. सदानंद गौडा यांच्याकडे पाठविले. 

पंतप्रधान पीक विमा योजना ही पीक कापणी प्रयोगावर आधारित असून, याची प्रक्रिया किचकट आहे. पीक कापणीची आकडेवारी, उंबरठा उत्पादन, जोखीम स्तर या संकल्पना शेतकऱ्यांनाच काय कृषी अधिकाऱ्यांनाही समजत नाहीत. यामुळे दुष्काळ दाखविण्यासाठी तसेच पीक विमा नुकसान भरपाई मंजुरीसाठी राजकीय दबावामुळे उत्पादन कमी दाखविल्याने उंबरठा उत्पादन कमी होते, नुकसान होऊनही त्याची शेतकऱ्यांना भरपाई मिळत नाही. उत्पादन कमी दाखविल्याने देशाची उत्पादकताही कमी दिसते.

यामुळे केंद्र सरकार शेतमालाच्या आयातीचा निर्णय घेते. यातून देशांतर्गत शेतीमालाचे भाव कमी होऊन शेतकऱ्यांचेच नुकसान होते. पंतप्रधान पीक विमा योजना पीक कापणी प्रयोगाच्या आधारित न ठेवता हवामानावर आधारित प्रायोगिक तत्त्वावर सुरू करण्याची मागणीही निवेदनात करण्यात आली. याबाबत मंत्री गडकरी यांनी केंद्रीय कृषिमंत्री नरेंद्रसिंह तोमर यांना शिफारस पाठविली.


इतर ताज्या घडामोडी
अकोल्याचे अखर्चित कोट्यवधी रुपये परत...अकोला : कोरोनामुळे राज्याची आर्थिक घडी विस्कळीत...
उजनीतून आष्टी तलावामध्ये पाणी सोडा,...सोलापूर ः उजनी धरणातून सध्या कालवा आणि बोगद्यात...
सेंद्रिय शेती गटांसाठी वाशीममध्ये अर्ज...वाशीम : राष्ट्रीय शाश्वत शेती अभियानाअंतर्गत...
नागपूर : दीड लाख रुपयांचा एचटीबीटी साठा...नागपूर ः मौदा तालुक्‍यातील अरोली पोलिस...
कृषी सेवा केंद्रधारकांकडून होणारी...अमरावती ः लॉकडाऊनच्या परिस्थितीचा फायदा घेत कृषी...
सातारा जिल्ह्यात साडेसात हजार...सातारा  ः ‘कोरोना’च्या पार्श्वभूमीवर...
पुणे जिल्ह्यात खरिपासाठी १ लाख १९ हजार...पुणे  ः खरीप हंगामात शेतकऱ्यांना खतांचा...
नामंजूर वनहक्क दाव्यांसंदर्भात विभागीय...मुंबई  : राज्यपाल भगतसिंह कोश्यारी यांनी...
प्रत्यक्ष खर्चाचे आणि कर्जाचे पॅकेज...मुंबई : पात्र नसणाऱ्या आणि उचल न घेतलेल्या...
पुणे जिल्हा परिषदेच्या शाळांमध्ये १४...पुणे  : ‘कोरोना’चा प्रादुर्भाव झाल्यानंतर...
निशिगंध लागवडीचे नियोजनलागवड केल्यापासून निशिगंध पीक २ ते ३ वर्षे त्याच...
चिखलगावच्या जिनिंगमध्ये कापसाला भीषण आग...अकोला ः येथील पातूर मार्गावर चिखलगाव जवळ असलेल्या...
सांगा साहेब, खरीप कसा पेरू? शेतकऱ्याने...नाशिक : मागील खरिपाच्या हंगामात अतिवृष्टीची...
जैविक शेती मिशनद्वारे यूट्यूब चॅनलच्या...अमरावती ः कमी खर्चाच्या जैविक शेतीला प्रोत्साहन...
मका पिकाची हेक्टरी उत्पादकता वाढवा ः...बुलडाणा ः शासनाने यावर्षी पाऊस चांगला असताना...
समृद्धी महामार्गाच्या धुळीमुळे नुकसान...कारंजालाड, जि. वाशीम : समृद्धी महामार्गाच्या...
बुलडाण्यात पीकविमा बचत खात्यात जमा...बुलडाणा ः जिल्ह्यातील बऱ्याच शेतकऱ्यांचा पीकविमा...
म्हैसाळ योजनेतून तलाव भरून देण्याची...सांगली ः म्हैसाळ उपसा योजना सुरू होऊन महिन्याचा...
शेतकऱ्यांनो पीक कर्जासाठी ऑनलाइन मागणी...औरंगाबाद : ‘‘कोरोनाच्या पार्श्‍वभूमीवर होणाऱ्या...
जळगावात ज्वारी खरेदीसाठी स्वस्त धान्य...जळगाव : जिल्ह्यात भरडधान्याच्या साठवणुकीसाठी...