अकोला : केळीला विमा, नुकसानभरपाई देण्याची मागणी

अकोला जिल्ह्यात केळी पिकाला विमा आणि नुकसानभरपाई देण्याची मागणी
अकोला जिल्ह्यात केळी पिकाला विमा आणि नुकसानभरपाई देण्याची मागणी

अकोला ः जिल्ह्यातील अकोट व तेल्हारा तालुक्यांत केळीचे पीक मोठ्या क्षेत्रावर घेतले जात असून, या वर्षात केळी उत्पादक शेतकरी पाणी समस्या व उष्णतेमुळे अडचणीत आले आहेत. वातावरणातील बदलाचा मोठा फटका या शेतकऱ्यांना झेलावा लागला आहे. अशा परिस्थितीत केळी उत्पादकांना विमा तसेच नुकसानभरपाई दिली जावी, अशी मागणी शेतकऱ्यांनी जिल्हाधिकाऱ्यांमार्फत शासनाकडे केली आहे.   तेल्हारा तालुक्यातील हिवरखेड परिसरात हा केळी पिकाला वातावरण बदलाचा फटका बसला. डिसेंबर व जानेवारी महिन्यात प्रचंड कडाक्याची थंडी आणि १५ एप्रिलपासून उन्हाचा चढलेला पारा, यामुळे केळीचे मोठे नुकसान झाले. एप्रिलपासून या भागात ४५ अंश सेल्सिअसवर तापमान गेलेले गेलेले आहे. अनेकांच्या शेतातील पाणीसुद्धा आटले. यामुळे केळी बागा अक्षरशः होरपळून निघाल्या. काही शेतकऱ्यांनी तर आपल्या बागा कापून टाकल्या. पण अजूनपर्यंत शासकीय पातळीवरून कुठलाही सर्व्हे झालेला नाही किंवा पीकविमासुद्धा मिळाला नाही. त्यामुळे लोकजागर मंचाच्या वतीने अनिल गावंडे यांच्या मार्गदर्शनात पालकमंत्री, खासदार, जिल्हाधिकाऱ्यांना निवेदन देण्यात आले.   दरम्यान, ज्या शेतकऱ्यांनी विमा काढला नसेल त्या शेतकऱ्यांना नुकसानभरपाई मिळावी, अशी मागणी करण्यात आली. या वेळी लोकजागर मंचाचे कार्याध्यक्ष ॲड. सुधाकर खुमकर, महासचिव पुरुषोत्तम आवारे, हिवरखेड शहराध्यक्ष महेंद्र कराळे, उमेश तिडके, उमेश कोल्हे, लक्ष्मण धांडे, गौरव गावंडे, शिवा दिंडोकार, युवराज ठाकरे, आकाश इंगळे, संतोष विखे, मनोहर ताळे, अविनाश म्हसाये, रामचंद्र सित्रे, गजानन अरबट यांच्यासह हिवरखेड, सौंदळा, वारखेड, दानापूर, कार्ला, हिंगणी, गोर्धा आदी ठिकाणचे शेतकरी उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com