Agriculture news in Marathi Demand for jaggery increased from Gujarat | Page 2 ||| Agrowon

गुजरातमधून गुळाला मागणी वाढली

राजकुमार चौगुले
शुक्रवार, 22 ऑक्टोबर 2021

यंदा गुजरातमधून गुळाला मागणी वाढत आहे. देशभरात कोरोनाचे सावट कमी होत असल्याने बाजारपेठा पूर्ववत सुरू होत आहेत. याचा फायदा यंदा पहिल्या गुळाला होणार आहे. सध्या येथील बाजार समितीत गुळास क्विंटलला ३७०० ते ४००० रुपये इतका दर मिळत आहे. 

कोल्हापूर : यंदा गुजरातमधून गुळाला मागणी वाढत आहे. देशभरात कोरोनाचे सावट कमी होत असल्याने बाजारपेठा पूर्ववत सुरू होत आहेत. याचा फायदा यंदा पहिल्या गुळाला होणार आहे. सध्या येथील बाजार समितीत गुळास क्विंटलला ३७०० ते ४००० रुपये इतका दर मिळत आहे. 

गूळ हंगामास हळूहळू प्रारंभ होत आहे. गेल्या आठ दिवसांपासून जिल्ह्यात पावसाने विश्रांती घेतल्याने गुऱ्हाळे सुरू होत आहेत. यामुळे येथील बाजार समितीत गुळाची आवक ही वाढत आहे. यंदा गेल्या वर्षीच्या तुलनेत उसाचे क्षेत्र तितकेच असल्याने त्याचे उत्पादन गेल्या वर्षीइतकेच राहील, असा अंदाज गूळ क्षेत्रातील सूत्रांचा आहे. सप्ताहात कोल्हापूर बाजार समितीत दररोज पाच ते सहा हजार गूळ रव्यांची आवक होत आहे. या सप्ताहात गूळ पॅकिंग वादावरून सौद्यात खंड पडला. पण त्यानंतर गुळाच्या दरात काहीशी वाढ होत असल्याची माहिती बाजार समितीच्या सूत्रांनी दिली. दोन महिन्यांपूर्वी गुजरातमधील बाजारपेठेत शांतता होती. 

तिसऱ्या लाटेची शक्यता असल्याने गुजरातमधील व्यापारी कोल्हापूर भागातील गूळ घेण्यास कचरत होते. यामुळे येणाऱ्या हंगामात गुळाची अपेक्षित खरेदी होईल की नाही, याबाबतची चर्चा येथील व्यापाऱ्यांत होती. परंतु गेल्या महिन्याभरापासून कोरोनाच्या तिसऱ्या लाटेची भीती कमी झाल्याने व देशभरातील बाजारपेठा सुरू झाल्याने गुजरातेतील शीतगृहात असणाऱ्या गुळाला मागणी वाढू लागली. दुसऱ्या लाटेच्या वेळी ही सर्व शीतगृहे गुळाने तशीच भरून राहिली. विक्री नसल्याने यंदाच्या हंगामातील पुरेशा खरेदीवर प्रश्‍नचिन्ह होते. पण गतीने खुल्या होणाऱ्या बाजारपेठा गुळासाठी सकारात्मक वातावरण तयार करण्यास कारणीभूत ठरल्या. यामुळे येत्या काही दिवसांत तरी गुळाला चांगला दर राहील हे निश्‍चित असल्याचे व्यापारी सूत्रांनी सांगितले.

कर्नाटकातील गुळापेक्षा चांगला दर 
सध्या गुजरात बाजारपेठेत कोल्हापूर बरोबरच सांगली व कर्नाटक भागातून ही गूळ जात आहे. कोल्हापुरातील दर्जेदार गुळाला सांगली, कर्नाटकातील गुळापेक्षा चांगला दर मिळत आहे. जिल्ह्यातील गूळ उत्पादकांनी दर्जेदार गूळ तयार करून जास्तीत जास्त दर घ्यावा, असे आवाहन गूळ उद्योगातील सूत्रांनी केले.


इतर अॅग्रो विशेष
औरंगाबाद : जमिनीवरील अत्याचार थांबवू;...औरंगाबाद : आम्ही आमच्या गावातील जमिनीवर होणारे...
उत्पादन खर्च वाढल्याने येवल्याची पैठणी...येवला, जि. नाशिक : राजवस्त्र, अर्थात येवल्याची...
रेशीम कोषाला सोनेरी दिवसपुणे : चालू वर्षी रेशीम कोषाला सोन्याचे दिवस आले...
सेंद्रिय खतनिर्मिती तंत्रातून आंबा...रत्नागिरी जिल्ह्यात संगमेश्‍वर तालुक्यातील पोचरी...
किमान तापमानात घट होण्याची शक्यतापुणे : राज्यात पावसाने उघडिप दिल्यानंतर किमान...
‘महाडीबीटी’च्या कामात अडथळाअकोला ः कृषी खात्याच्या विविध योजनांचा लाभ...
कृषी निविष्ठा केंद्रांचे परवाने आता...पुणे ः राज्यातील कृषी सेवा केंद्रांना परवान्याची...
आयातीमुळे कडधान्य दर दबावातपुणे ः तुरीचा हंगाम पुढील काही दिवसांत सुरू होईल...
...तर द्राक्षाचे नुकसान टळले असतेनाशिक : गेल्या तीन वर्षांपासून कसमादे भागातील...
साहित्य संमेलनाचे अनुदान शेतकरी,...नाशिक : वामनदादा कर्डक जन्मशताब्दी साहित्यनगरी...
देशी वाणाने सकस उत्पादन ः राहीबाई पोपेरेसांगली : पारंपरिक बियाणाला रासायनिक खताच्या...
शिवरायांच्या स्वराज्यापासून महात्मा...कोल्हापूर : छत्रपती शिवाजी महाराज यांच्या हिंदवी...
मराठवाड्यात आंब्यावर संकटाचे ढगऔरंगाबाद : यंदा आंब्यावर संकटाचे ढग कायम आहेत....
पुन्हा उभा राहिलो अन् यशस्वीही झालो...दुग्ध व्यवसायात भरभराट येत असतानाच कुट्टी यंत्र...
पीकबदल, फळबागांसह पूरक उद्योगांची साथऔरंगाबाद जिल्ह्यातील जडगाव येथील भोसले कुटुंबाने...
डेअरी उद्योगातील खरेदीदराचा गोंधळ कायमपुणे ः राज्यातील दुधाच्या बाजारपेठेत विक्रीविषयक...
ऊस उत्पादकांचे अद्याप ४,४४५ कोटी थकीतकोल्हापूर : गेल्या हंगामात उत्तर प्रदेशातील साखर...
कोरड्या हवामानाचा अंदाज, गारठाही वाढणारपुणे : राज्यात पावसाने उघडीप दिली असून, आकाश...
लातूर जिल्ह्यात द्राक्ष बागांना पावसाचा...लातूर ः जिल्ह्यात गेल्या काही दिवसांपासून...
पाकिस्तानमध्ये कापसाचे दर टिकूनपुणे ः पाकिस्तानमध्ये यंदा कापूस उत्पादनात वाढ...