agriculture news in Marathi, demand of Marathwada Water grid after Public hearing, Maharashtra | Page 2 ||| Agrowon

मराठवाडा वॉटर ग्रिडची अंमलबजावणी जनसुनावणी घेऊन करण्याची मागणी

टीम अॅग्रोवन
बुधवार, 18 सप्टेंबर 2019

परभणी: मराठवाडा वॉटर ग्रिडची अंमलबजावणी व्यापक जनसुनावणी घेतल्यानंतरच करावी, अशी मागणी मराठवाडा जनता विकास परिषदेच्या परभणी शाखेतर्फे मुख्यमंत्री देवेंद्र फडणवीस यांच्याकडे करण्यात आली आहे.

सोळा हजार कोटी रुपये खर्च करून वॉटर ग्रिडच्या माध्यमातून मराठवाडा दुष्काळमुक्त करण्याचे आश्वासन मुख्यमंत्री देवेंद्र फडणवीस यांनी केले आहे. ही बाब जनतेसाठी दिलासादायक आहे. या योजनेची अंमलबजावणी करण्यापूर्वी काही बाबींचा खुलासा करून शंकांचे समाधान करणे आवश्यक झाले आहे. त्यासाठी मराठवाडा वॉटर ग्रिडची संपूर्ण माहिती शासनाच्या अधिकृत संकेतस्थळावर उपलब्ध करून द्यावी.

परभणी: मराठवाडा वॉटर ग्रिडची अंमलबजावणी व्यापक जनसुनावणी घेतल्यानंतरच करावी, अशी मागणी मराठवाडा जनता विकास परिषदेच्या परभणी शाखेतर्फे मुख्यमंत्री देवेंद्र फडणवीस यांच्याकडे करण्यात आली आहे.

सोळा हजार कोटी रुपये खर्च करून वॉटर ग्रिडच्या माध्यमातून मराठवाडा दुष्काळमुक्त करण्याचे आश्वासन मुख्यमंत्री देवेंद्र फडणवीस यांनी केले आहे. ही बाब जनतेसाठी दिलासादायक आहे. या योजनेची अंमलबजावणी करण्यापूर्वी काही बाबींचा खुलासा करून शंकांचे समाधान करणे आवश्यक झाले आहे. त्यासाठी मराठवाडा वॉटर ग्रिडची संपूर्ण माहिती शासनाच्या अधिकृत संकेतस्थळावर उपलब्ध करून द्यावी.

पारदर्शक पद्धतीने या योजनेची अंमलबजावणी करावी. या योजनेच्या यशस्वितेबाबत मराठवाडा जनता विकास परिषदेने काही प्रश्न उपस्थित केले आहेत. त्यावरदेखील विचार करणे आवश्यक आहे. यामध्ये ही योजना इस्राईलच्या धर्तीवर तयार केलेली आहे, असे सांगितले जात आहे. 

परंतु इस्राईलपेक्षा मराठवाड्याचे क्षेत्रफळ तीनपट आहे. लोकसंख्यादेखील इस्राईलपेक्षा खूप जास्त आहे. वॉटर ग्रिडमुळे जनतेच्या हक्काच्या पाण्याचे बाजारीकरण होण्याची भीती आहे. अत्यंत कमी दरडोई उत्पन्न असलेल्या मराठवाड्यातील जनतेला हे परवडण्याचा प्रश्नदेखील आहे. औरंगाबाद जिल्ह्याचे दरडोई उत्पन्न मराठवाड्यातील अन्य जिल्ह्यांतील दरडोई उत्पन्नापेक्षा जास्त आहे. त्यामुळे या योजनेचे पाणी मोफत दिले जाणार आहे की नाही, याबाबत स्पष्टीकरण करणे आवश्यक आहे. 

मराठवाड्यातील, परभणी जिल्ह्यातील १२ गाव, २० गाव आदी अनेक गाव पाणीपुरवठा योजना अयशस्वी झाल्या आहेत. त्यामुळे मराठवाड्यामध्ये १ हजार ३३० किलोमीटर मुख्य पाइपलाइन टाकून मराठवाड्यातील ७६ तालुक्यांतील १२ हजार ९७८ गावे जोडणारी वॉटर ग्रिड योजनेच्या यशस्वितेबाबत प्रश्न उपस्थित होत आहेत. मराठवाड्यातील तुटीच्या पर्जन्यमानाच्या भागातील पाणी अतितुटीच्या भागात नेणे योग्य होईल का? कोकणातील पश्चिमवाहिनी नद्यांचे पाणी उचलून गोदावरी खोऱ्यांमध्ये आणण्यापूर्वीच त्या पाण्यावर वॉटर ग्रिड तयार करणे, म्हणजेच घोडा घेण्याअगोदर खोगीर विकत घेण्याचा प्रकार आहे. त्यामुळे या योजनेची संपूर्ण माहिती शासनाच्या अधिकृत संकेतस्थळावर उपलब्ध करून 
द्यावी. 

मराठवाड्यातील लाभधारक जनतेची जनसुनावणी करूनच या योजनेची अंमलबजावणी करावी, अशी मागणी मराठवाडा जनता विकास परिषदेचे जिल्हाध्यक्ष विश्वनाथ थोरे, सचिव रामकृष्ण पांडे, अनंतराव देशमुख, प्रा. किसन चोपडे, केशव थोरे आदींनी मुख्यमंत्री देवेंद्र फडणवीस यांच्याकडे केली आहे.


इतर अॅग्रो विशेष
अजून एक `लातूर पॅटर्न’कोरोना महामारीच्या पार्श्वभुमीवर एप्रिल, मे, जून...
सत्त्वयुक्त उत्पादनांची हवी कृषी...माणसाच्या उपभोगासाठी उपयुक्त असलेली जैवविविधता...
सिंधुदुर्गात मुसळधार सुरूच, पुरस्थिती...सिंधुदुर्ग  ः जिल्ह्यात मुसळधार पाऊस सुरूच...
कोल्हापुरातील छोटे प्रकल्प भरू लागलेकोल्हापूर :  जिल्ह्याच्या पश्चिम भागात पाऊस...
कृषी योजनांचे उद्दिष्ट तीन...नगर ः कृषी विभागातून शेतकऱ्यांसाठी देण्यात...
राज्यातील २५ लाख खातेदारांना साडेसोळा...मुंबई : महात्मा जोतिराव फुले शेतकरी कर्जमुक्ती...
दूध भुकटी योजनेला ३१ जुलैपर्यंत मुदतवाढमुंबई : कोरोनाच्या पार्श्वभूमीवर राज्यातील...
जिल्हा बँकांना शासकीय व्यवहार करण्यास...मुंबई : शासकीय निधीची सुरक्षितता लक्षात घेऊन...
राज्यात सावकारांकडून दरमहा १०० कोटींचे...सोलापूर : राज्यात मागील पाच वर्षांत तब्बल ७५२...
नियमनमुक्तीला पुणे महापालिकेचा हरताळपुणेः एकीकडे केंद्र आणि राज्य शासन शेतमाल बाजार...
विदर्भात वादळी पावसाचा अंदाजपुणे: कोकण, घाटमाथ्यावर मॉन्सूनचा पाऊस सक्रिय...
मराठवाड्यात सोयाबीनची सरासरीपेक्षा अधिक...औरंगाबाद : खरिपाच्या पेरण्या जवळपास ८३ टक्के...
कृषी व्यापार अध्यादेशामुळे दिलासापुणे: केंद्राने काढलेल्या ‘कृषी उत्पादने व्यापार...
खानदेश, मराठवाडा, वऱ्हाडात पावसाच्या सरीपुणे : मॉन्सूनचा पाऊस सक्रिय असल्याने कोकणासह...
कांदा बीजोत्पादनातून मिळवली शिवापूर...अकोला जिल्ह्यातील शिवापूर गावाने कांदा...
‘सरफेसी' कायदा आहे तरी काय? दिवसेंदिवस बॅंकांच्या थकीत रकमेत वाढ दिसून येत...
लष्करी’ हल्लाखरीप हंगामाच्या सुरवातीलाच राज्यात मका पिकावर...
कोकणात जोरदार पावसाची शक्यता पुणे : पावसाला पोषक हवामान असल्याने गेल्या काही...
सिंधुदुर्ग जिल्ह्यात पूरस्थिती सिंधुदुर्ग  ः जिल्ह्यात संततधार पाऊस सुरू...
कृषी निविष्ठा विक्रेत्यांचा उद्यापासून...औरंगाबाद ः कृषी निविष्ठा  विक्रेत्यांच्या...