मोसंबी कलमांची दुप्पट विक्री 

पाण्याच्या उपलब्धतेबाबत सुखद स्थितीमुळे मराठवाड्यासह अनेक भागात मोसंबी लागवडीला शेतकऱ्यांनी प्राधान्य देण्याची चित्र आहे. एरवी होणाऱ्या मागणीपेक्षा दुपटीने झालेली कलमांची विक्री याबाबत अंगुलीनिर्देश करते आहे.
मोसंबी कलमांची दुप्पट विक्री 
मोसंबी कलमांची दुप्पट विक्री 

औरंगाबाद : पाण्याच्या उपलब्धतेबाबत सुखद स्थितीमुळे मराठवाड्यासह अनेक भागात मोसंबी लागवडीला शेतकऱ्यांनी प्राधान्य देण्याची चित्र आहे. एरवी होणाऱ्या मागणीपेक्षा दुपटीने झालेली कलमांची विक्री याबाबत अंगुलीनिर्देश करते आहे.  औरंगाबाद जिल्ह्यातील आडुळसह परिसरातील काही गावांतून शेतकरी विविध नर्सरीच्या माध्यमातून दरवर्षी मोसंबी कलमांची मोठ्या प्रमाणात विक्री करतात. आडूळ येथे जवळपास ३० नर्सरी असून या माध्यमातून किमान दहा लाखापर्यंत कलमांची विक्री दरवर्षी होत असते. साधारणतः सप्टेंबर - ऑक्टोबरमध्ये बांधणी केलेली रोपे पावसाचे आगमन झाल्यानंतर मागणीनुसार विक्री केल्या जातात.  सधारणतः १० लाख कलमांची विक्री आडूळसह परिसरातून होत असते. यंदा मात्र कलमांच्या विक्रीबाबत प्रचंड अनुकूल स्थिती असल्याचे चित्र आहे. एरवी तयार केलेल्या कलमा पूर्णपणे विक्री होतील की नाही याची चिंता असते. यावेळी मात्र नेहमीपेक्षा जवळपास दुपटीने मागणी वाढल्याने कधी नव्हे ती ऑगस्टमध्येच पुन्हा कलमे बांधण्याची वेळ आली आहे. त्यातही अनेक मोसंबीची कलम तयार करणारे उत्पादक मागणीनुसार पुरवठा करू शकत नसल्याची स्थिती आहे. केवळ मराठवाड्यातच नव्हे तर विदर्भ आणि राज्याच्या इतर भागातूनही मोसंबीच्या कलमांची मागणी होत असल्याची माहिती आडूळ सह परिसरातील नर्सरी धारक शेतकऱ्यांनी दिली.  राज्यात जवळपास मोसंबीचे ३३ हजार हेक्‍टर क्षेत्र उत्पादनक्षम असून या क्षेत्रातून जवळपास ३ लाख ५५ हजार मेट्रिक टन मोसंबीचे उत्पादन होत असल्याची माहिती सूत्रांनी दिली.  प्रतिक्रिया यंदा पाऊस वेळेवर व नेहमीच्या तुलनेत चांगला आहे. पाण्याची उपलब्धता असल्याने शेतकऱ्यांचा फळपीक लागवडीकडे कल वाढला आहे. त्यातही शेतकरी मोसंबी या फळपिकांना प्राधान्य देत असल्याचे कलम विक्री वरून स्पष्ट दिसून येते.  - रामराव वाघ, श्रीराम नर्सरी, आडुळ, जि. औरंगाबाद.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com