agriculture news in marathi, demand for onion storage plant, nagar, maharashtra | Agrowon

नगरमधील ४५ हजार शेतकऱ्यांनी केली कांदाचाळीची मागणी

टीम अॅग्रोवन
रविवार, 15 जुलै 2018

नगर  ः एकात्मिक फलोत्पादन विकास अभियानअंतर्गत विविध योजनांचा लाभ घेण्यासाठी नगर जिल्ह्यात ८० हजार ८४६ लाभार्थ्यांनी अर्ज दाखल केले आहेत. त्यातील तब्बल ४५ हजार ५५१ अर्ज केवळ कांदा चाळ आणि कांदा प्रक्रिया उद्योगाचा लाभ मिळावा यासाठी आहेत. कांदाचाळीच्या मागणीसाठी एवढ्या प्रमाणात अर्ज येण्याची आतापर्यतची ही पहिलीच वेळ आहे.

नगर  ः एकात्मिक फलोत्पादन विकास अभियानअंतर्गत विविध योजनांचा लाभ घेण्यासाठी नगर जिल्ह्यात ८० हजार ८४६ लाभार्थ्यांनी अर्ज दाखल केले आहेत. त्यातील तब्बल ४५ हजार ५५१ अर्ज केवळ कांदा चाळ आणि कांदा प्रक्रिया उद्योगाचा लाभ मिळावा यासाठी आहेत. कांदाचाळीच्या मागणीसाठी एवढ्या प्रमाणात अर्ज येण्याची आतापर्यतची ही पहिलीच वेळ आहे.

नगर जिल्ह्यात गेल्या दोन वर्षांपासून कांद्याचे क्षेत्र वाढत आहे. कांद्याच्या दरात सातत्याने चढउतार होत असताना व सहा महिन्यापासून दरात वाढ होत नसली तरी अजूनही शेतकऱ्यांचा ओढा कांदा पिकाकडेच असल्याचे स्पष्ट झाले आहे. गेल्या वर्षभरात कांदा क्षेत्रात दुप्पट वाढ झाली, मात्र दर मिळत नसल्याने शेतकऱ्यांनी कांदा साठवून ठेवला आहे. अनेक शेतकऱ्यांकडे कांदा साठवणीसाठी सुविधा नाही, त्यामुळे तात्पुरती पर्यायी व्यवस्था केली असली, तरी कायमची सोय करण्याचा त्यांचा प्रयत्न आहे.

एकात्मिक फलोत्पादन विकास अभियानाअंतर्गत कांदाचाळीचा लाभ मिळतो. पन्नास टक्के अनुदानानुसार १७ हजार ५०० रुपयांचे अनुदान कांदाचाळ बांधण्यासाठी मिळते. त्यामुळे यंदा अन्य योजनांपेक्षा कांदाचाळीचा लाभ मिळावा यासाठीच अर्ज करण्यावर भर दिला आहे.

कृषी विभागातून मिळालेल्या माहितीनुसार एकात्मिक फलोत्पादन विकास अभियानअंतर्गत ८० हजार ८४६ अर्ज आलेले असून, त्यात सर्वाधिक अर्ज कांदा चाळ व प्रक्रिया उद्योगासाठी आले आहेत. जास्तीत जास्त शेतकऱ्यांना या योजनेतून लाभ देण्याचा सरकारचा प्रयत्न आहे, असे जिल्हा अधीक्षक कृषी अधिकारी पंडित लोणारे यांनी सांगितले.
 

तालुकानिहाय कांदा चाळीसाठी अर्ज

कर्जत ७६०९
नेवासा ६९०७
श्रीगोंदा  ४३९७
शेवगाव ५३२७
पाथर्डी  ३४३९
संगमनेर  २३७२
जामखेड ३७१४
पारनेर २५५०
नगर २१६१
अकोले १२११
कोपरगाव १६४२
श्रीरामपूर १७०७
राहाता  ११३७
राहुरी  १३७८

 


इतर ताज्या घडामोडी
कोल्हापूर : साखर उताऱ्यात खासगी कारखाने...कोल्हापूर : यंदाच्या गळीत हंगामात फेब्रुवारीच्या...
वाईत हळदीला दहा हजारांवर दर वाई, जि. सातारा : वाई शेती उत्पन्न बाजार...
वाशीम जिल्ह्यातील महिला बचतगट डिजिटल...वाशीम : राष्ट्रीय  कृषी व ग्रामीण विकास बँक...
जुने वाण राज्यातील शेतकऱ्यांपर्यंत...नगर : राहीबाई यांनी जुनी परंपरा पुनर्जीवित केली...
जातीय सलोख्याला ठेच लागते की काय अशी...जुन्नर, जि. पुणे : सर्वसामान्यांना भेडसावणाऱ्या...
राज्यातील आजारी यंत्रमाग उद्योग...कडेगाव, जि. सांगली ः राज्यातील आजारी यंत्रमाग...
संत्रा, मोसंबी पिकातील फळगळीची कारणेसंत्रा, मोसंबी फळबागांमध्ये नैसर्गिक परिस्थिती,...
लक्षात घ्या चुनखडीयुक्त जमिनीचे गुणधर्मजमिनीत मुक्त चुना वेड्यावाकड्या खड्यांच्या आणि...
नाशिकमध्ये गवार ३००० ते ५५००...नाशिक : येथील कृषी उत्पन्न बाजार समितीमध्ये...
सीताफळातील बहार व्यवस्थापनफेब्रुवारी-मार्च महिन्यांत पाण्याची उपलब्धता...
शेतकरीभिमुख संशोधनावर भर : कुलगुरू डॉ....अकोला  ः डॉ. पंजाबराव देशमुख कृषी विद्यापीठ...
लेखी आश्वासनानंतर बाजार समिती...नाशिक : शासनाने जाहीर केलेला महाभाई भत्ता मिळावा...
लातूर विभागात सूक्ष्म सिंचनातील ११...नांदेड : पंतप्रधान कृषी सिंचन योजनेंतर्गत यंदा...
खानदेशात पपईचा हंगाम अंतिम टप्प्यातजळगाव ः खानदेशात पपईचा हंगाम अंतिम टप्प्यात आहे....
सातारा : अधिकृत विक्रेत्यांकडून...सातारा : बाजार समितीच्या आवारातील...
ग्रामीण पर्यटन विकासाचा ‘शिवनेरी...पुणे ः गड किल्ल्यांच्या पर्यटनाच्या माध्यमातून...
‘एफएसएसएआय’च्या नव्या ‘सीईओ’विषयी...पुणे: भारतीय अन्न सुरक्षितता व मानके...
‘म्हैसाळ’मधून पाणी सोडण्याच्या हालचालीसांगली : म्हैसाळ उपसा सिंचन योजनेतून पाणी...
पीकविमा र‍कमेसाठी शेतकऱ्यांचा रास्ता...अमरावती  ः पीकविम्याची रक्‍कम कर्ज खात्यात...
बिबट्या दिसल्याने ग्रामस्थांत दहशतअमरावती  ः गावशिवारात एकाच आठवड्यात दोनदा...